ਫਿਲਮਕਾਰ ਸੰਜੇ ਲੀਲਾ ਭੰਸਾਲੀ ‘ਗੰਗੂਬਾਈ' ਤੋਂ ਬਾਅਦ ਫਿਲਮ ‘ਬੈਜੂਬਾਵਰਾ’ ਬਣਾਉਣ ਦਾ ਐਲਾਨ ਵੀ ਕਰ ਚੁੱਕੇ ਹਨ ਅਤੇ ਫਿਲਮ ਦੀ ਸਟਾਰਕਾਸਟ ਬਾਰੇ ਵੀ ਖਬਰਾਂ ਲਗਾਤਾਰ ਸਾਹਮਣੇ ਆ ਰਹੀਆਂ ਹਨ। ਕਿਹਾ ਜਾ ਰਿਹਾ ਹੈ ਕਿ ਫਿਲਮ ਵਿੱਚ ਬੈਜੂ ਬਾਵਰਾ ਦਾ ਰੋਲ ਰਣਵੀਰ ਸਿੰਘ ਕਰਨ ਵਾਲਾ ਹੈ, ਜਦੋਂ ਕਿ ਇਸ ਵਿੱਚ ਤਾਨਸੇਨ ਦੀ ਭੂਮਿਕਾ ਵਿੱਚ ਅਜੇ ਦੇਵਗਨ ਨੂੰ ਕਾਸਟ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਪਹਿਲਾਂ ਕਈ ਵਾਰ ਰਣਵੀਰ ਤੇ ਭੰਸਾਲੀ ਦੀ ਜੋੜੀ ਨੇ ਸੁਨਹਿਰੇ ਪਰਦੇ 'ਤੇ ਖਾਸ ਕਮਾਲ ਦਿਖਾਇਆ ਹੈ। ਉਥੇ ਖਾਸ ਗੱਲ ਹੈ ਕਿ ਫਿਲਮ ਵਿੱਚ ਭੰਸਾਲੀ ਸਿਰਫ ਆਪਣੇ ਪਸੰਦੀਦਾ ਐਕਟਰ ਨਾਲ ਹੀ ਨਹੀਂ ਸਗੋਂ ਪਸੰਦੀਦਾ ਜੋੜੀ ਨਾਲ ਫਿਲਮ ਰਿਲੀਜ਼ ਕਰਨ ਜਾ ਰਹੇ ਹਨ।
ਦੱਸਿਆ ਜਾਂਦਾ ਹੈ ਕਿ ਫਿਲਮ ਵਿੱਚ ਰਣਵੀਰ ਸਿੰਘ ਦੇ ਸਾਹਮਣੇ ਉਸ ਦੀ ਪਤਨੀ ਦੀਪਿਕਾ ਪਾਦੂਕੋਣ ਹੋਵੇਗੀ, ਜੋ ਫਿਲਮ ‘83’ ਵਿੱਚ ਰਣਵੀਰ ਨਾਲ ਦਿਖਾਈ ਦੇਣ ਵਾਲੀ ਹੈ। ਉਂਝ ‘ਬੈਜੂ ਬਾਵਰਾ’ ਤੋਂ ਪਹਿਲਾਂ ਸੰਜੇ ਫਿਲਮ ‘ਗੰਗੂਬਾਈ’ ਉੱਤੇ ਧਿਆਨ ਦੇ ਰਿਹਾ ਹੈ ਜਿਸ ਵਿੱਚ ਆਲੀਆ ਭੱਟ ਮੁੱਖ ਭੂਮਿਕਾ ਵਿੱਚ ਦਿਖਾਈ ਦੇਵੇਗੀ। ‘ਗੰਗੂਬਾਈ’ ਤੋਂ ਪਹਿਲਾਂ ਸੰਜੇ ਦੀ ਫਿਲਮ ‘ਇੰਸ਼ਾਅੱਲ੍ਹਾ’ ਬਾਰੇ ਕਈ ਖਬਰਾਂ ਆਈਆਂ, ਜਿਸ ਵਿੱਚ ਸਲਮਾਨ ਖਾਨ ਨੂੰ ਲੈ ਕੇ ਗੱਲ ਹੋ ਰਹੀ ਸੀ, ਪਰ ਕਈ ਕਾਰਨਾਂ ਤੋਂ ਇਹ ਫਿਲਮ ਠੰਢੇ ਬਸਤੀ ਵਿੱਚ ਚਲੀ ਗਈ।