ਯਸ਼ਰਾਜ ਫਿਲਮ 2005 ਵਿੱਚ ਰਿਲੀਜ਼ ਹੋਈ ਆਪਣੀ ਸੁਪਰਹਿੱਟ ਫਿਲਮ ‘ਬੰਟੀ ਅਤੇ ਬਬਲੀ' ਦਾ ਸੀਕਵਲ ਬਣਾਉਣ ਜਾ ਰਿਹਾ ਹੈ। 14 ਸਾਲ ਦੇ ਲੰਬੇ ਵਕਫੇ ਦੇ ਬਾਅਦ ਇਸ ਫਿਲਮ ਦਾ ਸੀਕਵਲ ਬਣੇਗਾ ਤੇ ਇਸ ਵਿੱਚ ਲੀਡ ਰੋਲ ਪਲੇਅ ਕਰਨਗੇ ‘ਗਲੀ ਬੁਆਏ’ ਫੇਮ ਸਿਧਾਂਤ ਚਤੁਰਵੇਦੀ। ਫਿਲਮ ਵਿੱਚ ਉਸ ਦੇ ਆਪੋਜ਼ਿਟ ਸ਼ਰਵਰੀ ਹੋਵੇਗੀ। ਉਹ ਇਸ ਫਿਲਮ ਨਾਲ ਬਾਲੀਵੁੱਡ ਡੈਬਿਊ ਕਰੇਗੀ। ਉਨ੍ਹਾਂ ਨੂੰ ਪਿਛਲੇ ਸਾਲ ਯਸ਼ਰਾਜ ਬੈਨਰ ਨੇ ਲੱਭਿਆ ਸੀ ਅਤੇ ਤਦ ਤੋਂ ਉਹ ਇਸ ਫਿਲਮ ਦੇ ਲਈ ਗਰੂਮਿੰਗ ਕਰ ਰਹੀ ਹੈ। ਫਿਲਮ ਵਿੱਚ ਦੋਵੇਂ ਮਿਲ ਕੇ ਲੋਕਾਂ ਨੂੰ ਠੱਗਦੇ ਹੋਏ ਨਜ਼ਰ ਆਉਣਗੇ। ‘ਬੰਟੀ ਅਤੇ ਬਬਲੀ-2’ ਦੇ ਡਾਇਰੈਕਟਰ ਵਰੁਣ ਸ਼ਰਮਾ ਹੋਣਗੇ, ਜੋ ਇਸ ਤੋਂ ਪਹਿਲਾਂ ‘ਸੁਲਤਾਨ’ ਅਤੇ ‘ਟਾਈਗਰ ਜ਼ਿੰਦਾ ਹੈ’ ਵਿੱਚ ਅਸਿਸਟੈਂਟ ਡਾਇਰੈਕਟਰ ਰਹਿ ਚੁੱਕੇ ਹਨ। ਫਿਲਮ ਦੇ ਪਹਿਲੇ ਸ਼ਡਿਊਲ ਦੀ ਸ਼ੂਟਿੰਗ ਪਹਿਲਾਂ ਤੋਂ ਹੀ ਸ਼ੁਰੂ ਹੋ ਚੁੱਕੀ ਹੈ। ਇਸ ਨੂੰ ਆਦਿੱਤਯ ਚੋਪੜਾ ਪ੍ਰੋਡਿਊਸ ਕਰ ਰਹੇ ਹਨ।