ਸਾਲ 2016 ਵਿੱਚ ਫਿਲਮ ‘ਰਮਨ ਰਾਘਵ 2.0’ ਨਾਲ ਬਾਲੀਵੁੱਡ ਡੈਬਿਊ ਕਰਨ ਵਾਲੀ ਸ਼ੋਭਿਤਾ ਧੁਲੀਪਾਲਾ ਪਿਛਲੇ ਸਾਲ ਫਿਲਮ ‘ਸ਼ੈਫ' ਤੇ ਇਸ ਸਾਲ ਸੈਫ ਅਲੀ ਖਾਨ ਸਟਾਰਰ ਫਿਲਮ ‘ਕਾਲਾਕਾਂਡੀ' ਵਿੱਚ ਨਜ਼ਰ ਆਈ ਸੀ। ਅੱਗੋਂ ਉਸ ਨੂੰ ਪਹਿਲੀ ਕੌਮਾਂਤਰੀ ਫਿਲਮ ਮਿਲ ਗਈ ਹੈ। ਉਹ ਇੱਕ ਬ੍ਰਿਟਿਸ਼ ਪੀਰੀਅਡ ਫਿਲਮ ਵਿੱਚ ਨਜ਼ਰ ਆਏਗੀ, ਜਿਸ ਦੀ ਸ਼ੂਟਿੰਗ ਅਗਲੇ ਸਾਲ ਸ਼ੁਰੂ ਹੋਵੇਗੀ। ਉਹ ਕਹਿੰਦੀ ਹੈ, ‘ਦੁਨੀਆ ਭਰ ਦੇ ਫਿਲਮਕਾਰਾਂ ਨੂੰ ਮਿਲਣ ਤੇ ਉਨ੍ਹਾਂ ਦੇ ਕੰਮ ਨੂੰ ਸਮਝਣ ਦਾ ਮੇਰਾ ਪਹਿਲਾ ਅਨੁਭਵ ਸੀ, ਜਦੋਂ ਅਸੀਂ ‘ਰਮਨ ਰਾਘਵ 2.0’ ਨੂੰ ਲੈ ਕੇ ਕਾਨਸ ਫਿਲਮ ਮਹਾਉਤਸਵ ਵਿੱਚ ਗਏ ਸੀ। ਉਥੇ ਮੈਂ ਇੱਕ ਫਿਲਮ ਨਿਰਮਾਤਾ ਨੂੰ ਮਿਲੀ ਤੇ ਸਾਡੀ ਇੱਕ ਫਿਲਮ 'ਚ ਕੰਮ ਕਰਨ ਨੂੰ ਲੈ ਕੇ ਗੱਲ ਹੋਈ ਸੀ।”
ਉਸ ਅਨੁਸਾਰ ਕੁਚੀਪੁੜੀ ਅਤੇ ਭਰਤਨਾਟਿਅਮ ਵਰਗੇ ਸ਼ਾਸਤਰੀ ਨ੍ਰਿਤ ਸਿੱਖਦੇ ਹੋਏ ਪਲੀ ਸ਼ੋਭਿਤਾ ਅਨੁਸਾਰ ਡਾਂਸ ਸਿੱਖਦੇ ਸਮੇਂ ਉਸ ਦੇ ਮਨ 'ਚ ਭਵਿੱਖ ਵਿੱਚ ਫਿਲਮਾਂ ਵਿੱਚ ਕੰਮ ਕਰਨ ਦਾ ਕੋਈ ਵਿਚਾਰ ਨਹੀਂ ਸੀ। ਉਸ ਨੇ ਕਿਹਾ, ‘‘ਸ਼ਾਸਤਰੀ ਡਾਂਸ ਸਿੱਖਣਾ ਸਾਡੇ ਪਰਵਾਰ ਦੀ ਰਵਾਇਤ ਹੈ ਤੇ ਸਾਡੀ ਸੰਸਕ੍ਰਿਤੀ ਦਾ ਹਿੱਸਾ ਹੈ। ਮੈਨੂੰ ਖੁਸ਼ੀ ਹੈ ਕਿ ਇਹ ਫਿਲਮਾਂ 'ਚ ਵੀ ਮੇਰੇ ਕੰਮ ਆ ਰਿਹਾ ਹੈ।” ਸ਼ੋਭਿਤਾ ਦੀ ਪਹਿਲੀ ਤੇ ਦੂਜੀ ਫਿਲਮ 'ਚ ਦੋ ਸਾਲ ਦੇ ਵਕਫੇ ਬਾਰੇ ਪੁੱਛਣ 'ਤੇ ਉਹ ਇਸ ਦੀ ਵਜ੍ਹਾ ਉਸ ਦੀਆਂ ਫਿਲਮਾਂ ਦੇ ਸੈਂਸਰ ਬੋਰਡ ਕੋਲ ਫਸਣਾ ਦੱਸਦੀ ਹੈ। ਉਸ ਨੇ ਕਿਹਾ, ‘ਸੈਂਸਰ ਦੇ ਕਾਰਨ ਮੇਰੀ ਫਿਲਮ ਨੂੰ ਦੋ ਸਾਲ ਇੰਤਜ਼ਾਰ ਕਰਨਾ ਪਿਆ, ਪਰ ਇਸੇ ਸਾਲ ਰਿਲੀਜ਼ ਤੇਲਗੂ ਜਾਸੂਸੀ ਥ੍ਰਿਲਰ ‘ਗੁਡਾਚਾਰੀ’ ਬਲਾਕ ਬਸਟਰ ਸਾਬਤ ਹੋਈ ਹੈ। ਮੈਂ ਗੀਤੂ ਮੋਹਨਦਾਸ ਵੱਲੋਂ ਨਿਰਦੇਸ਼ਿਤ ਫਿਲਮ ‘ਮੂਥਾਨ’ ਦੀ ਸ਼ੂਟਿੰਗ ਵੀ ਪੂਰੀ ਕਰ ਲਈ ਹੈ, ਜੋ ਹਿੰਦੀ ਤੇ ਮਲਿਆਲਮ ਵਿੱਚ ਰਿਲੀਜ਼ ਹੋਵੇਗੀ।”