ਪਟਨਾ, 15 ਦਸੰਬਰ, (ਪੋਸਟ ਬਿਊਰੋ)- ਲਾਲੂ ਪ੍ਰਸਾਦ ਯਾਦਵ ਦੇ ਪਰਿਵਾਰ ਵਿੱਚ ਸੱਸ-ਨੂੰਹ ਦਾ ਝਗੜਾ ਅੱਜ ਐਤਵਾਰ ਫਿਰ ਬਾਹਰ ਆ ਗਿਆ, ਜਦੋਂ ਲਾਲੂ ਦੇ ਵੱਡੇ ਬੇਟੇ ਤੇਜ ਪ੍ਰਤਾਪ ਯਾਦਵ ਦੀ ਪਤਨੀ ਐਸ਼ਵਰਿਆ ਨੇ ਆਪਣੀ ਸੱਸ ਰਾਬੜੀ ਦੇਵੀ ਉੱਤੇ ਵਾਲ ਖਿੱਚ ਕੇ ਕੁੱਟਮਾਰ ਕਰਨ ਅਤੇ ਧੱਕੇ ਦੇ ਕੇ ਘਰੋਂ ਕੱਢਣ ਦਾ ਦੋਸ਼ ਲਾਇਆ ਹੈ।
ਇਸ ਘਟਨਾ ਦੇ ਬਾਅਦ ਰੋਂਦੀ ਹੋਈ ਐਸ਼ਵਰਿਆ ਜਦੋਂ ਮੀਡੀਆ ਵਾਲਿਆਂ ਨੂੰ ਮਿਲੀ ਤਾਂ ਇੰਨੇ ਗੁੱਸੇ ਵਿਚ ਭੜਕੀ ਹੋਈ ਸੀ ਕਿ ਉਹ ਆਪਣੀ ਸੱਸ ਬਾਰੇ ਉਸ ਦਾ ਨਾਂ ਰਾਬੜੀ ਲੈ ਕੇ ਬੋਲ ਰਹੀ ਸੀ।ਅੱਜ ਐਸ਼ਵਰਿਆ ਨੇ ਆਪਣੇ ਦਿਓਰ ਤੇ ਪਾਰਟੀ ਦੇ ਵਿਧਾਇਕ ਦਲ ਦੇ ਨੇਤਾ ਤੇਜੱਸਵੀ ਯਾਦਵ ਨੂੰ ਵੀ ਨਹੀਂ ਬਖਸਿ਼ਆ। ਉਂਜ ਕੁੱਟਮਾਰ ਦੌਰਾਨ ਤੇਜਸਵੀ ਯਾਦਵ ਘਰ ਵਿੱਚਨਹੀਂਸੀ। ਐਸ਼ਵਰਿਆ ਨੇ ਕਿਹਾ ਕਿ ਲਾਲੂ ਪਰਿਵਾਰ ਵਿਚ ਕੋਈ ਕਾਨੂੰਨ ਨਹੀਂ ਹੈ, ਉਨ੍ਹਾਂ ਦਾ ਆਪਣਾ ਕਾਨੂੰਨ ਹੈ। ਤੇਜਸਵੀਯਾਦਵ ਤੋਂਵੀ ਕੁਝ ਨਹੀਂ ਹੋਵੇਗਾ।ਲਾਲ ਪ੍ਰਸਾਦ ਦੇ ਕੁੜਮ ਅਤੇ ਐਸ਼ਵਰਿਆ ਦੇ ਪਿਤਾ ਚੰਦਰਿਕਾ ਰਾਏ ਨੇ ਅੱਜ ਕਿਹਾ ਕਿ ਬਰਦਾਸ਼ਤ ਤੋਂ ਬਾਹਰ ਹੋ ਗਿਆ ਹੈ, ਇਸ ਦੇ ਬਾਅਦ ਆਰ-ਪਾਰ ਦੀ ਲੜਾਈ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਤੇਜਸਵੀ ਘਰ ਦੇ ਇਸ ਪੂਰੇ ਕੇਸ ਵਿਚ ਨਿਕੰਮਾ ਸਾਬਤ ਹੋਇਆ ਹੈ, ਮੈਂ ਰਾਬੜੀ ਨੂੰ ਜੇਲ੍ਹ ਭਿਜਵਾ ਕੇ ਰਹਾਂਗਾ।
ਪਟਨਾ ਵਿਚ ਰਾਬੜੀ ਦੇਵੀ ਦੀ ਰਿਹਾਇਸ਼ ਅੱਗੇ ਕਰੀਬ ਡੇਢ ਘੰਟਾ ਹੰਗਾਮੇ ਅਤੇ ਨਾਟਕ ਤੋਂ ਬਾਅਦ ਕੇਸ ਪੁਲਿਸ ਤਕ ਪਹੁੰਚ ਗਿਆ ਹੈ। ਐਸ਼ਵਰਿਆ ਰਾਏ ਨੇ ਆਪਣੇ ਦਾਦਾ ਤੇ ਸਾਬਕਾ ਮੁੱਖ ਮੰਤਰੀ ਦਾਰੋਗਾ ਪ੍ਰਸਾਦ ਰਾਏ ਬਾਰੇ ਕਿਹਾ ਕਿ ਉਨ੍ਹਾਂ ਨੇ ਲਾਲੂ ਪ੍ਰਸਾਦ ਯਾਦਵ ਨੂੰ ਅੱਗੇ ਲਿਆਂਦਾ ਸੀ ਤੇ ਅੱਜ ਉਨ੍ਹਾਂ ਦੀ ਪੋਤੀ ਨਾਲ ਲਾਲੂ ਪਰਿਵਾਰ ਇਹ ਸਲੂਕ ਹੋ ਰਿਹਾ ਹੈ। ਐਸ਼ਵਰਿਆ ਨੇ ਕਿਹਾ ਕਿ 17 ਦਸੰਬਰ ਨੂੰ ਕੋਰਟਤੋਂ ਤਲਾਕ ਦੇ ਕੇਸ ਦਾ ਫ਼ੈਸਲਾ ਮਿਲਣ ਦੀ ਆਸ ਹੈ ਅਤੇ ਉਸ ਤੋਂ ਪਹਿਲਾਂ ਰਾਬੜੀ ਚਾਹੁੰਦੀ ਹੈ ਕਿ ਮੈਂ ਉਸ ਦਾ ਘਰ ਛੱਡ ਦਿਆਂ। ਐਸ਼ਵਰਿਆ ਨੇ ਆਪਣੀ ਜਾਨ ਨੂੰ ਖ਼ਤਰਾ ਦੱਸ ਕੇ ਕਿਹਾ ਕਿ ਜਦੋਂ ਘਰ ਵਿਚ ਮੈਨੂੰ ਮਾਰਿਆ-ਕੁੱਟਿਆ ਜਾਂਦਾ ਹੈ ਤਾਂ ਬਾਹਰ ਵੀ ਜਿਊਣ ਨਹੀਂ ਦੇਣਗੇ। ਪਿਛਲੀ ਵਾਰ 29 ਸਤੰਬਰ ਨੂੰ ਮੈਨੂੰ ਸਿਰਫ਼ ਘਰੋਂ ਕੱਢਿਆ ਅਤੇ ਖਾਣਾ-ਪੀਣਾ ਬੰਦ ਕੀਤਾ ਸੀ। ਇਸ ਵਾਰ ਮਾਰਿਆ-ਕੁੱਟਿਆ ਵੀ ਹੈ।