ਜਲੰਧਰ, 12 ਦਸੰਬਰ (ਪੋਸਟ ਬਿਊਰੋ)- ਫਾਰੇਨ ਇਕਸਚੇਂਜ ਮੈਨੇਜਮੇਂਟ ਐਕਟ (ਫੇਮਾ) ਕੇਸ ਵਿੱਚ ਜਾਂਚ ਦਾ ਸਾਹਮਣਾ ਕਰ ਰਹੇ ਪੰਜਾਬੀ ਸਿੰਗਰ ਤੇ ਹੀਰੋ ਗਿਪੀ ਗਰੇਵਾਲ ਤੋਂ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ ਡੀ) ਨੇ ਕੱਲ੍ਹ ਨੂੰ ਸਾਢੇ ਅੱਠ ਘੰਟੇ ਤੱਕ ਪੁੱਛਗਿੱਛ ਕੀਤੀ। ਪੰਜ ਸਾਲ ਤੋਂ ਚੱਲਦੀ ਫੇਮਾ ਮਾਮਲੇ ਦੀ ਜਾਂਚ ਇਸ ਵੇਲੇ ਅੰਤਿਮ ਤੌਰ ਵਿੱਚ ਹੈ ਅਤੇ ਈ ਡੀ ਤਿੰਨ ਵਾਰ ਪਹਿਲਾਂ ਵੀ ਪੁੱਛਗਿੱਛ ਕਰ ਚੁੱਕੀ ਹੈ।
ਕੱਲ੍ਹ ਦੇਰ ਸ਼ਾਮ ਬੇਸਮੇਂਟ ਦੇ ਰਸਤੇ ਬਾਹਰ ਨਿਕਲੇ ਗਿਪੀ ਗਰੇਵਾਲ ਨੇ ਕਿਹਾ ਕਿ ਈ ਡੀ ਨੇ ਕੁਝ ਡਾਕੂਮੇਂਟ ਮੰਗੇ ਸਨ, ਜਿਹੜੇ ਉਹ ਦੇ ਚੁੱਕੇ ਹਨ ਅਤੇ ਈ ਡੀ ਦੇ ਸਵਾਲਾਂ ਦੇ ਜਵਾਬ ਵੀ ਦੇ ਦਿੱਤੇ ਹਨ। ਸਵੇਰੇ ਸਵਾ 11 ਵਜੇ ਆਪਣੇ ਏਡਵੋਕੇਟ ਦੇ ਨਾਲ ਈ ਡੀ ਦੇ ਕੂਲ ਰੋਡ ਵਾਲੇ ਦਫਤਰ ਪਹੁੰਚੇਗਿਪੀ ਗਰੇਵਾਲ ਤੋਂ ਈ ਡੀ ਦੇ ਡਿਪਟੀ ਡਾਇਰੈਕਟਰ ਨਿਰੰਜਨ ਸਿੰਘ ਨੇ ਪੁੱਛਗਿੱਛ ਕੀਤੀ। ਗਿਪੀ ਜਾਂਚ ਨਾਲ ਜੁੜੇ ਦਸਤਾਵੇਜ਼ ਈ ਡੀ ਨੂੰ ਦਿਖਾ ਕੇ ਗਏ ਹਨ। ਐਡਵੋਕੇਟ ਵੱਲੋਂ ਗਿਪੀ ਦੇ ਅਕਾਊਂਟ ਨਾਲ ਜੁੜੀ ਹਰ ਜਾਣਕਾਰੀ ਜਾਂਚ ਅਧਿਕਾਰੀ ਨੂੰ ਦੱਸ ਦਿੱਤੀ ਗਈ ਹੈ।
ਵਰਨਣ ਯੋਗ ਹੈ ਕਿ ਆਮਦਨ ਟੈਕਸ ਵਿਭਾਗ ਨੇ 2013 ਵਿੱਚ ਗਾਇਕਾਂ ਦਾ ਸਰਵੇ ਕੀਤਾ ਸੀ। ਆਮਦਨ ਟੈਕਸ ਵਿਭਾਗ ਦੀ ਇਨਵੈਸਟੀਗੇਸ਼ਨ ਬਰਾਂਛ ਨੂੰ ਜਾਂਚ ਵਿੱਚ ਸਬੂਤ ਮਿਲੇ ਸਨ ਕਿ ਕਈ ਗਾਇਕਾਂ ਨੂੰ ਹਵਾਲਾ ਰਾਹੀਂ ਪੈਸੇ ਮਿਲੇ ਸੀ। ਈ ਡੀ ਇਸ ਤੋਂ ਪਹਿਲਾ ਮਿਸ ਪੂਜਾ, ਜੈਜੀ ਬੀ, ਦਿਲਜੀਤ ਦੋਸਾਂਝ ਤੋਂ ਪੁੱਛਗਿੱਛ ਕਰ ਚੁੱਕਾ ਹੈ।