ਦੋਰਾਹਾ, 4 ਦਸੰਬਰ, (ਪੋਸਟ ਬਿਊਰੋ)- ਇਸ ਸ਼ਹਿਰ ਵਿੱਚ ਜੀਟੀ ਰੋਡ ਵਿਖੇ ਮੈਰਿਜ ਪੈਲੇਸ ਕਸ਼ਮੀਰ ਗਾਰਡਨ ਵਿੱਚ ਇੱਕ ਵਿਆਹ ਸਮਾਗਮ ਵਿੱਚ ਬੱਬੂ ਮਾਨ ਦੇ ਅਖਾੜੇ ਸਮੇਂ ਗੋਲੀ ਚੱਲਣ ਨਾਲ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਬੰਤ ਸਿੰਘ ਤੇ ਹਰਜੀਤ ਸਿੰਘ ਪਿੰਡ ਧਾਂਦਰਾ ਵਜੋਂ ਹੋਈ ਹੈ।
ਦੋਰਾਹਾ ਪੁਲਿਸ ਨੇ ਦੱਸਿਆ ਕਿ ਏਥੇ ਕਸ਼ਮੀਰ ਗਾਰਡਨ ਵਿੱਚ ਧਾਂਦਰਾ ਪਿੰਡ ਤੋਂ ਬਰਾਤ ਆਈ ਸੀ ਤੇਕੁੜੀ ਵਾਲੇ ਖਮਾਣੋਂ ਦੇ ਦੱਸੇ ਗਏ ਹਨ। ਵਿਆਹ ਵਿੱਚ ਬੱਬੂ ਮਾਨ ਦੇ ਚੱਲਦੇ ਅਖਾੜੇ ਦੌਰਾਨ ਕੁਝ ਨੌਜਵਾਨਾਂਦੀ ਆਪਸੀ ਤਕਰਾਰ ਸ਼ੁਰੂ ਹੋ ਗਈ ਤੇ ਵਿਵਾਦ ਏਨਾ ਵਧ ਗਿਆ ਕਿ ਇਕ ਨੌਜਵਾਨ ਨੇ ਰਿਵਾਲਵਰ ਤੋਂ ਗੋਲੀ ਚਲਾ ਦਿੱਤੀ। ਇਸ ਨਾਲ ਪੈਲੇਸ ਹਾਲ ਵਿੱਚਭਾਜੜ ਪੈ ਗਈ। ਸਕਿਓਰਟੀ ਗਾਰਡਾਂ ਨੇ ਗਾਇਕ ਬੱਬੂ ਮਾਨ ਨੂੰ ਸੁਰੱਖਿਅਤ ਬਾਹਰ ਕੱਢਿਆ। ਮੌਕੇ ਉੱਤੇਪਹੁੰਚੇ ਦੋਰਾਹਾ ਥਾਣਾ ਦੇ ਮੁਖੀ ਦਵਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਬਾਰਾਤਨਾਲ ਆਏ ਇੱਕ ਵਿਅਕਤੀ ਨੇ ਆਪਸੀ ਤਕਰਾਰਦੌਰਾਨ ਗੋਲ਼ੀ ਚਲਾਈ ਸੀ, ਜਿਸ ਨਾਲ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ ਹੈ।