ਨਵੀਂ ਦਿੱਲੀ, 2 ਦਸੰਬਰ, (ਪੋਸਟ ਬਿਊਰੋ)- ਭਾਰਤੀ ਜਨਤਾ ਪਾਰਟੀ ਦੇ ਪਾਰਲੀਮੈਂਟ ਮੈਂਬਰ ਤੇ ਸਾਬਕਾ ਕੇਂਦਰੀ ਮੰਤਰੀ ਅਨੰਤ ਕੁਮਾਰ ਹੇਗੜੇ ਨੇ ਇਹ ਹੈਰਾਨੀ ਜਨਕ ਦਾਅਵਾ ਕੀਤਾ ਹੈ ਕਿ ਮਹਾਰਾਸ਼ਟਰ ਵਿਚ ਭਾਜਪਾ ਨੇ 40 ਹਜ਼ਾਰ ਕਰੋੜ ਦਾ ਫੰਡ ਬਚਾਉਣ ਲਈ ਦੇਵੇਂਦਰ ਫੜਨਵੀਸ ਨੂੰ ਮੁੱਖ ਮੰਤਰੀ ਬਣਾ ਕੇ ਡਰਾਮਾ ਕੀਤਾ ਸੀ।
ਅੱਜੇ ਏਥੇ ਸੀਨੀਅਰ ਭਾਜਪਾ ਆਗੂ ਅਨੰਤ ਕੁਮਾਰ ਹੇਗੜੇ ਨੇ ਕਿਹਾ, ‘ਤੁਸੀਂ ਸਾਰੇ ਜਾਣਦੇ ਹੋ ਕਿ ਮਹਾਰਾਸ਼ਟਰ ਵਿਚ ਸਾਡਾ ਆਦਮੀ (ਫੜਨਵੀਸ) 80 ਘੰਟੇ ਲਈ ਮੁੱਖ ਮੰਤਰੀ ਬਣਿਆ ਤੇ ਉਸ ਤੋਂ ਬਾਅਦ ਅਸਤੀਫਾ ਦੇ ਦਿੱਤਾ। ਉਸ ਨੇ ਇਹ ਨਾਟਕ ਕਿਉਂ ਕੀਤਾ? ਕੀ ਸਾਨੂੰ ਨਹੀਂ ਪਤਾ ਸੀ ਕਿ ਸਾਡੇ ਕੋਲ ਬਹੁਮਤ ਨਹੀਂ, ਫਿਰ ਵੀ ਉਹ ਮੁੱਖ ਮੰਤਰੀ ਬਣ ਗਏ। ਇਹ ਸਵਾਲ ਹਰ ਕੋਈ ਪੁੱਛਦਾ ਹੈ`। ਹੇਗੜੇ ਨੇ ਕਿਹਾ, ‘ਮੁੱਖ ਮੰਤਰੀ ਕੋਲ ਕਰੀਬ 40 ਹਜ਼ਾਰ ਕਰੋੜ ਰੁਪਏ ਕੇਂਦਰ ਸਰਕਾਰ ਦੀ ਰਕਮ ਸੀ। ਕਾਂਗਰਸ, ਐਨਸੀਪੀ ਅਤੇ ਸ਼ਿਵਸੈਨਾ ਗੱਠਜੋੜਾ ਸੱਤਾ ਵਿਚ ਆਜਾਂਦਾ ਤਾਂ ਉਨ੍ਹਾਂ 40 ਹਜ਼ਾਰ ਕਰੋੜਦੀ ਦੁਰਵਰਤੋਂਕਰਨੀ ਸੀ। ਏਸੇ ਕਰ ਕੇ ਕਿ ਕੇਂਦਰ ਸਰਕਾਰ ਦਾਪੈਸਾਉਹ ਲੋਕ ਵਰਤ ਨਾ ਸਕਣ, ਅਸੀਂ ਡਰਾਮਾ ਕੀਤਾ ਹੈ`। ਉਨ੍ਹਾਂ ਕਿਹਾ, ‘ਭਾਜਪਾ ਦੀ ਇਹਯੋਜਨਾਬਹੁਤ ਪਹਿਲਾਂ ਤੋਂ ਸੀ। ਇਸ ਲਈ ਤੈਅ ਕੀਤਾ ਸੀ ਕਿ ਇਕ ਨਾਟਕ ਹੋਣਾ ਚਾਹੀਦਾ ਹੈ ਤੇ ਇਸੇ ਦੇ ਤਹਿਤ ਫੜਨਵੀਸ ਨੇ ਮੁੱਖ ਮੰਤਰੀ ਦੇ ਅਹੁਦੇ ਦੀ ਸਹੁੰ ਚੁੱਕੀ ਸੀ ਅਤੇ ਸਹੁੰ ਚੁੱਕਣ ਤੋਂ 15 ਘੰਟਿਆਂ ਵਿੱਚ ਫੜਨਵੀਸ ਨੇ ਸਾਰੇ 40 ਹਜ਼ਾਰ ਕਰੋੜ ਰੁਪਏ ਉਸ ਥਾਂਪਹੁੰਚਾ ਦਿੱਤੇ, ਜਿੱਥੋਂ ਉਹ ਆਏ ਸੀ`।