ਬਰੈਂਪਟਨ, 28 ਨਵੰਬਰ (ਪੋਸਟ ਬਿਊਰੋ) : ਸਿਟੀ ਆਫ ਬਰੈਂਪਟਨ ਵੱਲੋਂ ਨਵਾਂ ਪੰਜ ਸਾਲਾ ਵਰਕਪਲੇਸ ਡਾਇਵਰਸਿਟੀ, ਇਨਕਲੂਜ਼ਨ ਸਟਰੈਟੇਜੀ ਐਂਡ ਵਰਕ ਪਲੈਨ ਤਿਆਰ ਕੀਤਾ ਗਿਆ ਹੈ। ਇਸ ਨਾਲ ਅਜਿਹਾ ਸੰਕਠਨਾਤਮਕ ਕਲਚਰ ਬਣੇਗਾ ਜਿਹੜਾ ਨਾ ਸਿਰਫ ਆਪਣੇ ਨਾਲ ਜੁੜਨ ਵਾਲੇ ਲੋਕਾਂ ਦੇ ਹਰ ਪੱਖੋਂ ਵਿਕਾਸ ਦਾ ਧਿਆਨ ਰੱਖੇਗਾ ਸਗੋਂ ਵੰਨ-ਸੁਵੰਨੀ ਵਰਕਫੋਰਸ ਨੂੰ ਆਪਣੇ ਵੱਲ ਆਕਰਸਿ਼ਤ ਵੀ ਕਰੇਗਾ।
ਇਸ ਹਫਤੇ ਸਿਟੀ ਕਾਉਂਸਲ ਨੇ ਕੈਨੇਡੀਅਨ ਸੈਂਟਰ ਫੌਰ ਡਾਇਵਰਸਿਟੀ ਐਂਡ ਇਨਕਲੂਜ਼ਨ (ਸੀਸੀਡੀਆਈ) ਦੀ ਅਗਵਾਈ ਵਿੱਚ ਕਰਵਾਈ ਗਈ ਵਰਕਸ਼ਾਪ ਵਿੱਚ ਹਿੱਸਾ ਲਿਆ। ਸੀਸੀਡੀਆਈ ਨੇ ਜਨਵਰੀ ਤੋਂ ਮਾਰਚ 2019 ਤੱਕ ਸਿਟੀ ਦੇ ਇੰਪਲੌਈਜ਼ ਉੱਤੇ ਕੀਤੇ ਗਏ ਸਰਵੇਖਣ ਬਾਰੇ ਇਸ ਦੌਰਾਨ ਜਾਣਕਾਰੀ ਮੁਹੱਈਆ ਕਰਵਾਈ। ਸੀਸੀਡੀਆਈ ਵੱਲੋਂ ਕੀਤੇ ਗਏ ਵਿਸ਼ਲੇਸ਼ਣ ਵਿੱਚ ਫੋਕਸ ਗਰੁੱਪਜ਼, ਲੀਡਰਸਿ਼ਪ ਅਸੈੱਸਮੈਂਟ ਤੇ ਆਰਗੇਨਾਈਜ਼ੇਸ਼ਨਲ ਮੈਚਿਓਰਿਟੀ ਅਨੈਲਸਿਸ ਵੀ ਸ਼ਾਮਲ ਸਨ।
ਇਸ ਤਰ੍ਹਾਂ ਦੀ ਵਰਕਪਲੇਸ ਸਟਰੈਟੇਜੀ ਨਾਲ ਸਿੱਧੇ ਤੌਰ ਉੱਤੇ ਕਮਿਊਨਿਟੀ ਉੱਤੇ ਪ੍ਰਭਾਵ ਪੈਂਦਾ ਹੈ। ਬਰੈਂਪਟਨ ਵਰਗੀਆਂ ਪਬਲਿਕ ਸੈਕਟਰ ਸੰਸਥਾਵਾਂ ਜਾਣਦੀਆਂ ਹਨ ਕਿ ਇਨਕਲੂਜ਼ਨ ਵਿੱਚ ਵਾਧੇ ਤੋਂ ਭਾਵ ਇੰਪਲਾਈ ਐਂਗੇਜਮੈਂਟ ਵਿੱਚ ਵਾਧਾ ਹੈ। ਬਦਲੇ ਵਿੱਚ ਇੰਪਲਾਈ ਐਂਗੇਜਮੈਂਟ ਉਤਪਾਦਨ ਸਮਰੱਥਾ ਤੇ ਕਸਟਮਰ ਸਰਵਿਸ ਉੱਤੇ ਵੀ ਪ੍ਰਭਾਵ ਪਾਉਂਦੀ ਹੈ। ਇਸ ਤੋਂ ਇਲਾਵਾ ਕੁਸ਼ਲ ਢੰਗ ਨਾਲ ਸੇਵਾਵਾਂ ਦੀ ਪ੍ਰਭਾਵਸ਼ਾਲੀ ਡਲਿਵਰੀ ਸਥਾਨਕ ਵਾਸੀਆਂ, ਕਾਰੋਬਾਰਾਂ ਤੇ ਸਟੇਕਹੋਲਡਰਜ਼ ਵਿੱਚ ਭਰੋਸਾ ਤੇ ਯਕੀਨ ਵਧਾਉਂਦੀਆਂ ਹਨ।
ਸਾਲ 2020 ਵਿੱਚ ਸਿਟੀ ਵੱਲੋਂ ਨਵੀਂ ਸਟਾਫ ਕਮੇਟੀ ਕਾਇਮ ਕੀਤੀ ਜਾਵੇਗੀ ਤਾਂ ਕਿ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਵੰਨ-ਸੁਵੰਨੀ ਕੰਮ ਵਾਲੀ ਥਾਂ ਉੱਤੇ ਇਹ ਅਹਿਮ ਪੇਸ਼ਕਦਮੀਆਂ ਨੂੰ ਲਾਗੂ ਕਰਾਵੇ। ਸਿਟੀ ਦੀ ਸਟ੍ਰੈਟੇਜਿਕ ਲੀਡਰਸਿ਼ਪ ਟੀਮ ਵਿੱਚ ਪਰਫਾਰਮੈਂਸ ਗੋਲ ਦੇ ਨਾਲ ਨਾਲ ਜਵਾਬਦੇਹੀਆਂ ਵੀ ਨਿਰਧਾਰਤ ਹੋਣਗੀਆਂ। ਕੁਲੀਗਜ਼ ਤੇ ਲੀਡਰਜ਼ ਨਾਲ ਜੁੜਨ ਲਈ ਸਿਟੀ ਸੇਫ ਸਪੇਸਿਜ਼ ਕਾਇਮ ਕਰੇਗੀ।