ਮੰੁਬਈ, 28 ਨਵੰਬਰ (ਪੋਸਟ ਬਿਊਰੋ)- ਨਕਦੀ ਬਾਰੇ ਲੋਕਾਂ ਦਾ ਮੋਹ ਭੰਗ ਹੁੰਦਾ ਦਿਖਾਈ ਨਹੀਂ ਦੇ ਰਿਹਾ। ਖਾਸ ਤੌਰ 'ਤੇ ਘਰ ਖਰੀਦਣ ਦੇ ਮਾਮਲੇ 'ਚ ਇਹ ਕਾਫੀ ਚੱਲਦਾ ਹੈ। ਮੈਟਰੋ ਸ਼ਹਿਰਾਂ 'ਚ 2016 ਤੋਂ ਬਾਅਦ ਜਾਇਦਦ ਦੀ ਵਿਕਰੀ ਵਿੱਚ ਨਕਦੀ ਦੀ ਵਰਤੋਂ ਤੇਜ਼ੀ ਨਾਲ ਘਟੀ ਸੀ। ਛੋਟੇ ਸ਼ਹਿਰਾਂ ਤੇ ਅਹਿਮਦਾਬਾਦ ਤੇ ਇੰਦੌਰ ਵਰਗੇ ਵੱਡੇ ਸ਼ਹਿਰਾਂ 'ਚ ਅਜੇ ਵੀ ਨਕਦੀ ਦੀ ਵਰਤੋਂ ਧੜੱਲੇ ਨਾਲ ਹੋ ਰਹੀ ਹੈ। ‘ਬਿਲਡਰ' ਜਾਇਦਦ ਤੇ ਜ਼ਮੀਨ ਖਰੀਦਣ ਲਈ ਅਕਸਰ ਨਕਦ ਭੁਗਤਾਨ ਕਰਨ ਵਾਲੇ ਗਾਹਕਾਂ ਨੂੰ ਆਪਣੀ ਯੋਜਨਾ ਜਾਂ ਦੂਸਰੇ ਜ਼ਰੀਆਂ ਤੋਂ ਪੈਸੇ ਜੁਟਾਉਣ ਲਈ ਮਜ਼ਬੂਰ ਹੋਣਾ ਪੈ ਰਿਹਾ ਹੈ। ਇਹ ਸਭ ਓਦੋਂ ਹੋ ਰਿਹਾ ਹੈ, ਜਦੋਂ ਵੱਡੇ ‘ਪ੍ਰਾਪਰਟੀ ਬਾਜ਼ਾਰ' ਤੇਜ਼ੀ ਨਾਲ ਚੈਂਕ ਭੁਗਤਾਣ ਵਲ ਵਧ ਰਹੇ ਹਨ।
ਅਹਿਮਦਾਬਾਦ, ਚੰਡੀਗੜ੍ਹ, ਜੈਪੁਰ, ਨੋਏਡਾ, ਔਰੰਗਾਬਾਦ, ਕੌਚੀ ਅਤੇ ਇੰਦੌਰ ਵਰਗੇ ਸ਼ਹਿਰਾਂ ਵਿੱਚ ਅਜੇ ਤੱਕ ਵੀ ਜਾਇਦਦ ਦੀ ਵਿਕਰੀ 'ਤੇ ਵੱਡੇ ਪੱਧਰ 'ਤੇ ਨਕਦੀ ਦੀ ਵਰਤੋਂ ਹੋ ਰਹੀ ਹੈ। ਸਰਵੇਖਣ ਦੇ ਮੁਤਾਬਕ ਨੋਟਬੰਦੀ ਦੇ ਬਾਵਜੂਦ ‘ਰੀਅਲ ਅਸਟੇਟ' ਵਿੱਚ ਅਜੇ ਵੀ ਨਕਦੀ ਦਾ ਦਬਦਬਾ ਬਣਿਆ ਹੋਇਆ ਹੈ। ਇਨ੍ਹਾਂ ਸਾਰਿਆਂ ਸ਼ਹਿਰਾਂ ਦੇ ਲੋਕਾਂ ਨੇ ਪਿਛਲੇ ਇੱਕ ਸਾਲ 'ਚ ‘ਰਿਅਲ ਅਸਟੇਟ' ਨਾਲ ਜੁੜਿਆ ਕੋਈ ਨਾ ਕੋਈ ਭੁਗਤਾਨ ਕੀਤਾ ਸੀ। ਭੁਗਤਾਨ ਦਾ ਤਰੀਕਾ ਪੁੱਛੇ ਜਾਣ 'ਤੇ 57 ਫੀਸਦੀ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ 25-50 ਫੀਸਦੀ ਭੁਗਤਾਨ ਨਕਦ ਕੀਤਾ ਸੀ ਅਤੇ ਬਾਕੀ ਭੁਗਤਾਨ ਈ-ਪੇਮੈਂਟ ਜਾਂ ਚੈਕ ਨਾਲ ਕੀਤਾ ਸੀ। ਕਰੀਬ 33 ਫੀਸਦੀ ਨੇ ਕਿਹਾ ਕਿ ਉਨ੍ਹਾਂ ਪੂਰੀ ਰਕਮ ਈ-ਪੇਮੈਂਟ ਜਾਂ ਚੈਂਕ ਦੇ ਜ਼ਰੀਏ ਦਿੱਤੀ ਸੀ। ਉਥੇ ਹੀ 10 ਫੀਸਦੀ ਨੇ ਕਿਹਾ ਕਿ ਉਨ੍ਹਾਂ ਇੱਕ ਚੌਥਾਈ ਤੋਂ ਘੱਟ ਰਕਮ ਦਾ ਭੁਗਤਾਨ ਨਕਦੀ ਵਿੱਚ ਤੇ ਬਾਕੀ ਦਾ ਭੁਗਤਾਨ ਈ -ਪੇਮੈਂਟ ਨਾਲ ਕੀਤਾ ਸੀ।