ਇਨ੍ਹੀਂ ਦਿਨੀਂ ਦੋ ਅਭਿਨੇਤਰੀਆਂ ਨੂੰ ਲੈ ਕੇ ਫਿਲਮਾਂ ਬਣਾਉਣ ਦਾ ਰੁਝਾਨ ਜ਼ੋਰਾਂ ਉਤੇ ਹੈ। ‘ਸਾਂਢ ਕੀ ਆਂਖ’ ਅਤੇ ‘ਬਾਲਾ’ ਦੇ ਬਾਅਦ ਅਸ਼ਵਨੀ ਅਈਅਰ ਤਿਵਾੜੀ ਦੀ ਫਿਲਮ ‘ਪੰਗਾ’ ਵਿੱਚ ਵੀ ਦੋ ਅਭਿਨੇਤਰੀਆਂ ਹੋਣਗੀਆਂ। ਕੰਗਨਾ ਰਣੌਤ ਤੇ ਰਿਚਾ ਚੱਢਾ ਇਸ ਫਿਲਮ ਵਿੱਚ ਸਹੇਲੀਆਂ ਦਾ ਕਿਰਦਾਰ ਨਿਭਾਉਣਗੀਆਂ। ਕਬੱਡੀ ਦੇ ਖੇਡ 'ਤੇ ਆਧਾਰਤ ਇਸ ਫਿਲਮ ਵਿੱਚ ਦੋਵੇਂ ਖਿਡਾਰੀ ਦੀ ਭੂਮਿਕਾ ਵਿੱਚ ਹੋਣਗੀਆਂ। ਫਿਲਮ ਦੀ ਕਹਾਣੀ ਬਾਰੇ ਜੋ ਜਾਣਕਾਰੀ ਮਿਲੀ ਹੈ, ਉਸ ਦੇ ਮੁਤਾਬਕ ਕੰਗਨਾ ਤੇ ਰਿਚਾ ਫਿਲਮ ਵਿੱਚ ਦੋ ਅਜਿਹੀਆਂ ਸਹੇਲੀਆਂ ਦਾ ਕਿਰਦਾਰ ਨਿਭਾ ਰਹੀਆਂ ਹਨ, ਜਿਸ ਵਿੱਚੋਂ ਇੱਕ ਦਾ ਵਿਆਹ ਹੋ ਜਾਂਦਾ ਹੈ ਅਤੇ ਦੂਸਰੀ ਆਪਣੀ ਖੇਡ ਦੇ ਜਨੂਨ ਨੂੰ ਅੱਗੇ ਵਧਾਉਂਦੀ ਹੈ।
ਰਿਚਾ ਦਾ ਕਹਿਣਾ ਹੈ, ‘ਅਕਸਰ ਇਹ ਦੇਖਿਆ ਜਾਂਦਾ ਹੈ ਕਿ ਕੋਈ ਲੜਕੀ ਕਿਸੇ ਖੇਡ ਵਿੱਚ ਹੋਵੇ ਜਾਂ ਕਿਸੇ ਹੋਰ ਕੰਮ ਵਿੱਚ, ਇੱਕ ਵਕਤ ਦੇ ਬਾਅਦ ਮਾਤਾ-ਪਿਤਾ ਕਹਿੰਦੇ ਹਨ ਕਿ ਬਹੁਤ ਹੋ ਗਈ, ਵਿਆਹ ਕਰ ਲੈ। ਇਹ ਫਿਲਮ ਇਹੋ ਜਿਹੀਆਂ ਦੋ ਸਹੇਲੀਆਂ ਦੀ ਕਹਾਣੀ ਹੈ, ਜਿਸ ਵਿੱਚ ਇੱਕ ਲੜਕੀ ਵਿਆਹ ਕਰ ਲੈਂਦੀ ਹੈ ਅਤੇ ਨੌਕਰੀ ਕਰਨ ਲੱਗਦੀ ਹੈ, ਜਦ ਕਿ ਦੂਸਰੀ ਆਪਣੀ ਖੇਡ ਦੇ ਨਾਲ ਜੁੜੀ ਰਹਿੰਦੀ ਹੈ।” ਰਿਚਾ ਦਾ ਕਹਿਣਾ ਹੈ ਕਿ ਖੇਡ ਨਾਲ ਜੁੜੀ ਰਹੀ ਲੜਕੀ ਦਾ ਕਿਰਦਾਰ ਉਹ ਨਿਭਾ ਰਹੀ ਹੈ, ਕੰਗਨਾ ਉਸ ਲੜਕੀ ਦਾ ਕਿਰਦਾਰ ਨਿਭਾਅ ਰਹੀ ਹੈ, ਜੋ ਵਿਆਹ ਦੇ ਬਾਅਦ ਪੂਰੀ ਤਰ੍ਹਾਂ ਪਰਵਾਰ ਨੂੰ ਸਮਰਪਿਤ ਹੋ ਜਾਂਦੀ ਹੈ। ‘ਪੰਗਾ’ ਫਿਲਮ ਦੀ ਸ਼ੂਟਿੰਗ ਪੂਰੀ ਹੋ ਚੁੱਕੀ ਹੈ।