ਇਸ ਸਾਲ ‘ਆਰਟੀਕਲ 15’, ‘ਡ੍ਰੀਮਗਰਲ’, ‘ਬਾਲਾ’ ਵਰਗੀਆਂ ਸੁਪਰਹਿੱਟ ਫਿਲਮਾਂ ਕਰ ਚੁੱਕੇ ਅਭਿਨੇਤਾ ਆਯੁਸ਼ਮਾਨ ਖੁਰਾਣਾ ਅਗਲੇ ਸਾਲ ਦੇ ਲਈ ਵੀ ਆਪਣੀਆਂ ਦੋ ਫਿਲਮਾਂ ਦੇ ਨਾਲ ਤਿਆਰ ਹਨ। ‘ਸ਼ੁਭ ਮੰਗਲ ਜ਼ਿਆਦਾ ਸਾਵਧਾਨ’ ਅਤੇ ‘ਗੁਲਾਬੋ ਸਿਤਾਬੋ’ ਅਗਲੇ ਸਾਲ ਫਰਵਰੀ ਵਿੱਚ ਰਿਲੀਜ਼ ਹੋਣਗੀਆਂ। ਲਗਾਤਾਰ ਮਿਲ ਰਸਹੀ ਸਫਲਤਾ ਅਤੇ ਪ੍ਰਸਿੱਧੀ ਨੂੰ ਲੈ ਕੇ ਆਯੁਸ਼ਮਾਨ ਦਾ ਮੰਨਣਾ ਹੈ ਕਿ ਸਫਲਤਾ ਜ਼ਰੂਰੀ ਹੈ, ਪਰ ਉਸ ਦੇ ਨਾਲ ਜੋ ਸ਼ੋਹਰਤ ਮਿਲ ਰਹੀ ਹੈ, ਉਸ ਨੂੰ ਸਿਰ 'ਤੇ ਨਹੀਂ ਚੜ੍ਹਨ ਦੇਣਾ ਚਾਹੀਦਾ।
ਇਸ ਬਾਰੇ ਆਯੁਸ਼ਮਾਨ ਕਹਿੰਦੇ ਹਨ, ‘ਬਿਨਾ ਸਫਲਤਾ ਮਿਲੀ ਪ੍ਰਸਿੱਧੀ ਖਤਰਨਾਕ ਹੁੰਦੀ ਹੈ। ਸ਼ੋਹਰਤ ਹਾਸਲ ਕਰਨ ਵਾਲਾ ਇਨਸਾਨ ਖੁਦ ਨੂੰ ਸੈਲੀਬ੍ਰਿਟੀ ਸਮਝਣ ਲੱਗਦਾ ਹੈ, ਪ੍ਰੰਤੂ ਉਸ ਕੋਲ ਉਸ ਪ੍ਰਸਿੱਧੀ ਜਾਂ ਸ਼ੋਹਰਤ ਨੂੰ ਬਣਾਈ ਰੱਖਣ ਲਈ ਉਹ ਸਾਧਨ ਉਪਲਬਧ ਨਹੀਂ ਹੁੰਦੇ। ਪ੍ਰਸਿੱਧੀ ਸਫਲਤਾ ਦਾ ਪ੍ਰਤੀਫਲ ਹੈ। ਇਸ ਨੂੰ ਬਹੁਤ ਗੰਭੀਰਤਾ ਨਾਲ ਲੈਣ ਦੀ ਜ਼ਰੂਰਤ ਨਹੀਂ, ਕਿਉਂਕਿ ਉਹ ਸਫਲਤਾ ਨਾਲ ਖੁਦ ਬ ਖੁਦ ਆਉਂਦੀ ਹੈ। ਮੇਰਾ ਮੰਨਣਾ ਹੈ ਕਿ ਜਦ ਪ੍ਰਸਿੱਧੀ ਮਿਲਦੀ ਹੈ ਤਾਂ ਉਸ ਉਕਤ ਆਪਣਾ ਦਿਮਾਗ ਸਥਿਰ ਰੱਖਣ। ਮੇਰੇ ਪੈਰ ਇਸ ਲਈ ਜ਼ਮੀਨ 'ਤੇ ਰਹਿੰਦੇ ਹਨ, ਕਿਉਂਕਿ ਮੈਂ 17-18 ਸਾਲ ਦੀ ਘੱਟ ਉਮਰ ਵਿੱਚ ਰਿਐਲਿਟੀ ਸ਼ੋਜ਼ ਤੋਂ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਮੈਂ ਯੁਵਾ ਸੀ। ਬਹੁਤ ਜਲਦੀ ਪ੍ਰਸਿੱਧੀ ਮਿਲ ਗਈ, ਤਾਂ ਉਸ ਵਕਤ ਮੇਰੇ ਪੈਰ ਜ਼ਮੀਨ 'ਤੇ ਨਹੀਂ ਸਨ। ਮੈਂ ਤਾਂ ਲੜਖੜਾ ਕੇ, ਡਿੱਗ ਕੇ ਫਿਰ ਤੋਂ ਸਿੱਖਆ ਹੈ। ਇਸ ਲਈ ਹੁਣ ਸ਼ੋਹਰਤ ਸਿਰ 'ਤੇ ਨਹੀਂ ਚੜ੍ਹਦੀ।’