ਇੰਡਸਟਰੀ ਵਿੱਚ ਅਕਸਰ ਸਟਾਰਸ ਆਪਣੇ ਬੱਚਿਆਂ ਲਈ ਜਗ੍ਹਾ ਬਣਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਆਪਣੇ ਬੱਚਿਆਂ ਨੂੰ ਫਿਲਮਾਂ ਦਿਵਾਉਣ ਦੀ ਆਪਣੇ ਵੱਲੋਂ ਕੋਈ ਕਸਰ ਨਹੀਂ ਛੱਡਦੇ। ਕਈ ਵਾਰ ਉਹ ਆਪਣੇ ਬੱਚਿਆਂ ਨੂੰ ਲਾਂਚ ਕਰਨ ਲਈ ਖੁਦ ਹੀ ਫਿਲਮ ਬਣਾ ਦਿੰਦੇ ਹਨ। ਅਨਿਲ ਕਪੂਰ ਦੀ ਸੋਚ ਇਸ ਬਾਰੇ ਅਲੱਗ ਹੈ। ਉਨ੍ਹਾਂ ਦਾ ਪੂਰਾ ਪਰਵਾਰ ਭਾਵੇਂ ਫਿਲਮ ਇੰਡਸਟਰੀ ਨਾਲ ਸੰਬੰਧ ਰੱਖਦਾ ਹੋਵੇ, ਪਰ ਹਰ ਕੋਈ ਆਤਮ ਨਿਰਭਰ ਹੈ।
ਅਨਿਲ ਦੱਸਦੇ ਹਨ, ਸਾਡੇ ਪਰਵਾਰ ਵਿੱਚ ਕੋਈ ਇੱਕ ਦੂਸਰੇ ਨੂੰ ਸਲਾਹ ਨਹੀਂ ਦਿੰਦਾ। ਸਲਾਹਕਾਰਾਂ ਦਾ ਪਰਵਾਰ ਨਹੀਂ ਹੈ। ਸਾਡੇ ਸਾਰਿਆਂ ਦੀ ਆਪਣੀ ਆਪਣੀ ਸੋਚ ਹੈ। ਗਲਤੀ ਕਰਦੇ ਹਨ, ਠੋਕਰ ਖਾਂਦੇ ਹਨ ਤੇ ਉਸ ਤੋਂ ਸਿੱਖਦੇ ਵੀ ਹਨ। ਹਰ ਕੋਈ ਆਪਣੀ ਸੋਚ ਮੁਤਾਬਕ ਚੱਲਦਾ ਹੈ। ਅਨਿਲ ਦੱਸਦੇ ਹਨ ਕਿ ਉਨ੍ਹਾਂ ਦੇ ਪਿਤਾ ਜੀ ਨੇ ਉਨ੍ਹਾਂ ਨੂੰ ਕਿਹਾ ਸੀ ਕਿ ਤੁਸੀਂ ਜੋ ਕਰਨਾ ਹੈ, ਕਰੋ। ਅਜਿਹੇ ਵਿੱਚ ਮੈਂ ਤੁਹਾਡੇ ਨਾਲ ਇਕੱਲੇ ਫਿਲਮ ਨਹੀਂ ਬਣਾ ਸਕਦਾ। ਉਸ ਦੇ ਬਾਅਦ ਮੈਂ ਬੋਰੀਆ-ਬਿਸਤਰਾ ਲੈ ਕੇ ਨਿਕਲ ਗਿਆ। ਇਹੀ ਗੱਲ ਮੈਂ ਆਪਣੇ ਬੱਚਿਆਂ ਨੂੰ ਕਹੀ ਹੈ ਕਿ ਮੈਂ ਉਨ੍ਹਾਂ ਦੇ ਲਈ ਫਿਲਮਾਂ ਨਹੀਂ ਬਣਾ ਸਕਦਾ। ਅਨਿਲ ਕਪੂਰ ਕਹਿੰਦੇ ਹਨ, ਉਹ ਅਜਿਹੇ ਪਿਤਾ ਨਹੀਂ, ਜੋ ਆਪਣਾ ਘਰ ਵੇਚ ਕੇ ਆਪਣੇ ਬੱਚਿਆਂ ਦੇ ਲਈ ਫਿਲਮ ਬਣਾਉਣਗੇ। ‘ਪਾਗਲਪੰਤੀ’ ਵਿੱਚ ਕਾਮੇਡੀ ਕਰਦੇ ਨਜ਼ਰ ਆਏ ਅਨਿਲ ਕਪੂਰ ਦੀਆਂ ਅਗਲੇ ਸਾਲ ‘ਮਲੰਗ’ ਅਤੇ ਤਖਤ’ ਫਿਲਮਾਂ ਰਿਲੀਜ਼ ਹੋਣਗੀਆਂ।