ਕਿਸੇ ਵੀ ਕਿਰਦਾਰ ਨੂੰ ਨਿਭਾਉਣ ਲਈ ਕਲਾਕਾਰਾਂ ਦੇ ਕੋਲ ਕੋਈ ਨਾ ਕੋਈ ਪ੍ਰੇਰਨਾ ਜਾਂ ਨਿਰਦੇਸ਼ ਹੁੰਦੇ ਹਨ, ਜਿਸ ਦੇ ਆਧਾਰ 'ਤੇ ਉਹ ਆਪਣੇ ਕਿਰਦਾਰ ਨੂੰ ਵਿਕਸਿਤ ਕਰਦੇ ਹਨ। ਪਹਿਲੀ ਵਾਰ ਕਮਰਸ਼ੀਅਲ ਅਭਿਨੇਤਰੀ ਦੇ ਰੂਪ ਵਿੱਚ ਭੂਮੀ ਪੇਡਨੇਕਰ ਦਰਸ਼ਕਾਂ ਸਾਹਮਣੇ ਆ ਰਹੀ ਹੈ। ਕਾਰਤਿਕ ਆਰੀਅਨ, ਭੂਮੀ ਪੇਡਨੇਕਰ ਅਤੇ ਅਨੰਨਿਆ ਪਾਂਡੇ ਅਭਿਨੀਤ ਫਿਲਮ ‘ਪਤੀ, ਪਤਨੀ ਔਰ ਵੋਹ’ ਵਿੱਚ ਭੂਮੀ ਪਤਨੀ ਦਾ ਕਿਰਦਾਰ ਨਿਭਾਏਗੀ। ਭੂਮੀ ਦਾ ਕਿਰਦਾਰ ਸਾਧਾਰਣ ਤੋਂ ਤੇਜ਼ ਤਰਾਰ ਪਤਨੀ ਬਣਨ ਦਾ ਹੈ। ਅਜਿਹੇ ਵਿੱਚ ਆਪਣੇ ਕਿਰਦਾਰ ਦੀਆਂ ਤਿਆਰੀਆਂ ਦੇ ਲਈ ਭੂਮੀ ਨੂੰ ਯਾਦ ਆਈ ਆਪਣੀ ਪਸੰਦੀਦਾ ਅਭਿਨੇਤਰੀ ਕ੍ਰਿਸ਼ਮਾ ਕਪੂਰ ਦੀ ਫਿਲਮ ‘ਬੀਵੀ ਨੰਬਰ ਵਨ’।
ਭੂਮੀ ਨੇ ਦੱਸਿਆ ਕਿ ਪਤਨੀ ਦੇ ਕਿਰਦਾਰ ਨੂੰ ਨਿਭਾਉਣ ਲਈ ‘ਬੀਵੀ ਨੰਬਰ ਵਨ’ ਫਿਲਮ ਉਸ ਦੇ ਲਈ ਸਭ ਤੋਂ ਵੱਡੀ ਪ੍ਰੇਰਨਾ ਰਹੀ। ਫਿਲਮ ਵਿੱਚ ਕ੍ਰਿਸ਼ਮਾ ਕਪੂਰ ਦਾ ਕੰਮ ਦੇਖ ਕੇ ਭੂਮੀ ਹੈਰਾਨ ਰਹਿ ਗਈ। ਭੂਮੀ ਦੱਸਦੀ ਹੈ ਕਿ ਉਹ ਬਚਪਨ ਤੋਂ ਕ੍ਰਿਸ਼ਮਾ ਦੀ ਫੈਨ ਰਹੀ ਹੈ। ਉਸ ਨੇ ਇੱਕ ਡ੍ਰੈਸ ਵੀ ਖਰੀਦੀ, ਜੋ ‘ਰਾਜਾ ਹਿੰਦੋਸਤਾਨੀ’ ਫਿਲਮ ਵਿੱਚ ਕ੍ਰਿਸ਼ਮਾ ਵੱਲੋਂ ਪਹਿਨੀ ਗਈ ਡ੍ਰੈਸ ਦੀ ਤਰ੍ਹਾਂ ਸੀ। ਭੂਮੀ ਦੇ ਮੁਤਾਬਕ ਇਹ ਸਭ ਕੁਝ ਇੱਕ ਸੁਫਨੇ ਦੇ ਸੱਚ ਹੋਣ ਵਾਂਗ ਹੈ ਕਿ ਉਹ ‘ਬੀਵੀ ਨੰਬਰ ਵਨ' ਫਿਲਮ ਦੀ ਤਰ੍ਹਾਂ ਕ੍ਰਿਸ਼ਮਾ ਕਪੂਰ ਵਰਗਾ ਕਿਰਦਾਰ ਨਿਭਾਉਣ ਵਾਲੀ ਹੈ।