ਬਰੈਂਪਟਨ, 21 ਨਵੰਬਰ (ਪੋਸਟ ਬਿਊਰੋ)- ਬੀਨੂ ਢਿਲੋਂ ਤੇ ਸਰਗੁਨ ਮਹਿਤਾ ਦੀ ਨਵੀਂ ਫਿਲਮ ‘ਝੱਲੇ` ਬੀਤੇ ਹਫ਼ਤੇ ਰਿਲੀਜ਼ ਹੋ ਚੁੱਕੀ ਹੈ। ਜਿਹੜੀ ਕਿ ਨਾਰਥ ਅਮਰੀਕਾ ਦੇ ਵੱਖ-ਵੱਖ 30 ਸਿਨੇਮਾ ਘਰਾਂ ਵਿਚ ਇਸ ਸਮੇਂ ਪੂਰੀ ਕਾਮਯਾਬੀ ਨਾਲ ਚੱਲ ਰਹੀ ਹੈ।ਇਹ ਫਿਲਮ ਅਮਰਜੀਤ ਸਿੰਘ ਵਲੋਂ ਡਾਇਰੈਕਟ ਕੀਤੀ ਗਈ ਹੈ।ਰਿਲੀਜ਼ ਤੋਂ ਪਹਿਲਾਂ ਹੀ ਇਸ ਫ਼ਿਲਮ ਦੇ ਗਾਣੇ ਲੋਕਾਂ ’ਚ ਕਾਫ਼ੀ ਮਕਬੂਲ ਹੋ ਗਏ ਸਨ। ਇਹ ਫਿਲਮ ਇਕ ਅਲੱਗ ਤਰ੍ਹਾਂ ਦਾ ਕੰਸੈਪਟ ਹੈ।ਫਿਲਮ ਵਿਚ ਨੀਨਾ ਭਾਵ ਸਰਗੁਨ ਮਹਿਤਾ, ਜਿਸ ਦਾ ਸਾਰਾ ਟੱਬਰ ਝੱਲਿਆਂ ਦਾ ਹੈ।ਇਸ ਲਈ ਉਹ ਸਰਗੁਨ ਮਹਿਤਾ ਦਾ ਵਿਆਹ ਇਕ ਸਿਆਣੇ ਮੁੰਡੇ ਨਾਲ ਕਰਨਾ ਚਾਹੁੰਦੇ ਹਨ, ਪਰ ਉਸ ਨੂੰ ਪਾਗਲਖਾਨੇ ਤੋਂ ਭੱਜੇ ਇਕ ਪਾਗਲ ਬੱਲੂ ਭਾਵ ਬਿਨੂ ਢਿੱਲੋਂ ਨਾਲ ਪਿਆਰ ਹੋ ਜਾਂਦਾ ਹੈ।ਜਦੋਂ ਇਹ ਭੇਦ ਇਕ ਦੂਸਰੇ ਦੇ ਸਾਹਮਣੇ ਆਉਂਦਾ ਹੈ ਤਾਂ ਕੀ ਬਣਦਾ ਹੈ, ਇਸ ਫ਼ਿਲਮ ’ਚ ਦਿਖਾਇਆ ਗਿਆ ਹੈ।ਇਹ ਇਕ ਪੂਰੀ ਪਰਿਵਾਰਕ ਫ਼ਿਲਮ ਹੈ।ਨਵਰੋਜ਼ ਗੁਰਬਾਜ ਇੰਟਰਟੇਨਮੈਂਟ ਤੋਂ ਲੱਕੀ ਸੰਧੂ ਤੇ ਰੂਪੀ ਸ਼ਰਮਾ ਅਤੇ ਜੀ ਮੀਡੀਆ ਗਰੁੱਪ ਤੋਂ ਹਰਜਿੰਦਰ ਗਿੱਲ ਵਲੋਂ ਨਾਰਥ ਅਮਰੀਕਾ ਵਿਚ ਇਹ ਫਿਲਮ ਰਿਲੀਜ਼ ਤੇ ਡਿਸਟ੍ਰੀਬਿਊਟ ਕੀਤੀ ਗਈ ਹੈ।ਆਉਣ ਵਾਲੇ ਦਿਨਾਂ ਵਿਚ ਬਿਨੂ ਢਿੱਲੋਂ ਤੇ ਸਰਗੁਨ ਮਹਿਤਾ ਵਲੋਂ ਨਾਰਥ ਅਮਰੀਕਾ ਦੇ ਕੁੱਝ ਥੀਏਟਰਾਂ ਵਿਚ ਸਰਪ੍ਰਾਈਜ਼ ਵਿਜ਼ਿਟ ਕਰਕੇ ਲੋਕਾਂ ਤੋਂ ਫ਼ਿਲਮ ਬਾਰੇ ਰਿਵਿਊ ਲਏ ਜਾਣਗੇ।