ਕਲਕੀ ਅੱਜਕੱਲ੍ਹ ਕੁਝ ਸਵਾਲਾਂ ਕਰ ਕੇ ਗੁੱਸੇ ਵਿੱਚ ਹੈ। ਉਸ ਨੇ ਕੁਝ ਦਿਨ ਪਹਿਲਾਂ ਹੀ ਖੁਲਾਸਾ ਕੀਤਾ ਸੀ ਕਿ ਉਹ ਮਾਂ ਬਣਨ ਵਾਲੀ ਹੈ, ਪਰ ਪਿੱਛੇ ਜਿਹੇ ਉਸ ਨੇ ਕੁਝ ਅਜਿਹਾ ਦੱਸਿਆ, ਜਿਸ ਨਾਲ ਉਸ ਨੂੰ ਗੁੱਸਾ ਆ ਗਿਆ ਸੀ। ਆਪਣੀ ਪ੍ਰੈਗਨੈਂਸੀ ਨੂੰ ਲੈ ਕੇ ਗੱਲ ਕਰਦਿਆਂ ਕਲਕੀ ਨੇ ਟ੍ਰੋਲਿੰਗ ਬਾਰੇ ਵੀ ਗੱਲ ਕੀਤੀ। ਕਲਕੀ ਨੇ ਦੱਸਿਆ, ‘‘ਕਈ ਟ੍ਰੋਲਰਸ ਨੇ ਮੇਰੇ ਤੋਂ ਪੁੱਛਿਆ ਕਿ ਬੱਚੇ ਦਾ ਪਿਤਾ ਕਿੱਥੇ ਹੈ? ਮੈਂ ਪੜ੍ਹ ਕੇ ਪ੍ਰੇਸ਼ਾਨ ਹੋ ਜਾਂਦੀ ਸੀ। ਸੱਚ ਇਹ ਹੈ ਕਿ ਜੇ ਤੁਸੀਂ ਪ੍ਰੈਗਨੈਂਟ ਹੋ ਤਾਂ ਵੀ ਤੁਹਾਨੂੰ ਟ੍ਰੋਲ ਕੀਤਾ ਜਾਂਦਾ ਹੈ, ਤੁਸੀਂ ਸੈਲੇਬ ਨਹੀਂ ਹੋ ਅਤੇ ਸਮਾਜ ਬਾਰੇ ਆਪਣੀ ਰਾਇ ਰੱਖਦੇ ਹੋ, ਉਦੋਂ ਵੀ।”
ਉਸ ਨੇ ਕਿਹਾ ਕਿ ਉਹ ਲਗਭਗ 10 ਸਾਲਾਂ ਤੋਂ ਇੰਡਸਟਰੀ ਵਿੱਚ ਹੈ ਅਤੇ ਸੈਲੇਬ ਹੈ। ਅੱਜਕੱਲ੍ਹ ਤਾਂ ਉਸ ਨੂੰ ਇਨ੍ਹਾਂ ਟ੍ਰੋਲਰਜ ਦੀਆਂ ਗੱਲਾਂ ਨੂੰ ਅਣਸੁਣਿਆ ਕਰਨ ਦੀ ਆਦਤ ਪੈ ਗਈ ਹੈ। ਉਸ ਨੇ ਕਿਹਾ ਕਿ ਉਸ ਨੂੰ ਇਸ ਨਾਲ ਕੋਈ ਖਾਸ ਫਰਕ ਨਹੀਂ ਪੈਂਦਾ।” ਕਲਕੀ ਨੇ ਦੱਸਿਆ ਜਿਸ ਦੌਰਾਨ ਉਸ ਨੇ ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਨਾਲ ਆਪਣਾ ਵਿਆਹ ਖਤਮ ਕਰਦੇ ਹੋਏ ਤਲਾਕ ਲਿਆ ਸੀ, ਉਦੋਂ ਵੀ ਉਸ ਤੋਂ ਏਦਾਂ ਦੇ ਸਵਾਲ ਕੀਤੇ ਗਏ ਸਨ, ਪਰ ਅੱਜ ਕੱਲ੍ਹ ਉਸ ਨੂੰ ਇਸ ਦੀ ਆਦਤ ਪੈ ਗਈ ਅਤੇ ਇਹ ਉਸ ਨੂੰ ਪ੍ਰਭਾਵਤ ਨਹੀਂ ਕਰਦਾ। ਇਸ ਸਾਲ ਫਿਲਮ ‘ਗਲੀ ਬੁਆਏ’ ਅਤੇ ਵੈੱਬ ਸੀਰੀਜ਼ ‘ਸੈਕ੍ਰੇਡ ਗੇਮਜ਼’ ਦੇ ਦੂਜੇ ਸੀਜ਼ਨ ਵਿੱਚ ਨਜ਼ਰ ਆਈ ਕਲਕੀ ਛੇਤੀ ਹੀ ਆਪਣੀ ਪਹਿਲੀ ਤਮਿਲ ਫਿਲਮ ‘ਨੇਰਕੋਂਡਾ ਪਰਵਾਈ’ ਵਿੱਚ ਨਜ਼ਰ ਆਏਗੀ। ਇਸ ਤੋਂ ਇਲਾਵਾ ਉਹ ਇੱਕ ਫਿਲਮ ‘ਸਕਾਲਰਸ਼ਿਪ' ਵਿੱਚ ਵੀ ਕੰਮ ਕਰ ਰਹੀ ਹੈ।