ਇਸਲਾਮਾਬਾਦ, 14 ਨਵੰਬਰ, (ਪੋਸਟ ਬਿਊਰੋ)- ਪਾਕਿਸਤਾਨ ਵਿੱਚਪ੍ਰਧਾਨ ਮੰਤਰੀ ਇਮਰਾਨ ਖਾਨ ਲਈ ਮੁਸ਼ਕਲਾਂ ਘੱਟ ਨਹੀਂਹੋ ਰਹੀਆਂ। ਜਮੀਅਤ ਉਲ ਉਲੇਮਾ ਇ ਇਸਲਾਮ ਦੇ ਮੁਖੀ ਮੌਲਾਨਾ ਫਜ਼ਲੁਰ ਰਹਿਮਾਨ ਨੇ ਉਸ ਦੇ ਖਿਲਾਫ ‘ਪਲਾਨ ਬੀ` ਸ਼ੁਰੂ ਕਰਨ ਦਾ ਐਲਾਨ ਕਰ ਦਿੱਤਾ ਹੈ, ਜਿਸ ਹੇਠ ਪੂਰੇ ਦੇਸ਼ ਵਿੱਚ ਬੰਦ ਕੀਤਾ ਜਾਵੇਗਾ। ਮੌਲਾਨਾ ਦਾ ਦਾਅਵਾ ਹੈ ਕਿ ਇਸ ਵਾਰ ਇਮਰਾਨ ਸਰਕਾਰ ਦੀਆਂ ਜੜ੍ਹਾਂ ਹਿੱਲ ਜਾਣਗੀਆਂ ਤੇ ਉਹ ਖੁਦ ਅਸਤੀਫਾ ਦੇ ਦੇਣਗੇ।
ਮੌਲਾਨਾ ਫਜ਼ਲੁਰ ਰਹਿਮਾਨ ਪਹਿਲਾਂ ਹੀਕਹਿ ਰਹੇ ਸਨ ਕਿ ਇਮਰਾਨ ਖਾਨ ਇਸ ਦੇਸ਼ ਵਿੱਚ ਅਗਲੇ ਤਿੰਨ ਮਹੀਨੇ ਵਿੱਚ ਚੋਣ ਕਰਾਉਣ ਜਾਂ ਅਸਤੀਫਾ ਦੇਣ, ਪਰ ਇਨ੍ਹਾਂ ਦੋਵਾਂ ਸ਼ਰਤਾਂ ਉੱਤੇ ਇਮਰਾਨ ਖਾਨ ਨੇ ਹਾਮੀ ਨਹੀਂ ਭਰੀ। ਰਹਿਮਾਨ ਵੀ ਆਪਣੀ ਜ਼ਿੱਦ ਉੱਤੇਕਾਇਮ ਹਨ। ਅਜੇ ਤੱਕ ਰਹਿਮਾਨ ਦੀ ਪਾਰਟੀ ਅਤੇ ਵਿਰੋਧੀ ਦਲਾਂ ਨੇ ਸਿਰਫ ਇਸਲਾਮਾਬਾਦ ਨੂੰ ਘੇਰ ਰੱਖਿਆ ਸੀ, ਜਿਸ ਕਾਰਨ ਲੋਕਾਂ ਨੂੰ ਜ਼ਬਰਦਸਤ ਔਕੜਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਰਹਿਮਾਨ ਦੀਆਂ ਸ਼ਰਤਾਂ ਨਾ ਮੰਨ ਕੇ ਇਮਰਾਨ ਖਾਨ ਉੱਤੇਨਵੀਂ ਮੁਸੀਬਤ ਆ ਰਹੀ ਹੈ। ਜਮਾਤ ਉਲ ਉਲੇਮਾ ਦੇ ਮੁਖੀ ਮੌਲਾਨਾ ਫਜ਼ਲੁਰ ਰਹਿਮਾਨ ਰਹਿਮਾਨ ਨੇ ਇਸਲਾਮਾਬਾਦ ਵਿੱਚ ਆਜ਼ਾਦੀ ਮਾਰਚ ਨੂੰ ਸੰਬੋਧਿਤ ਕਰਦੇ ਹੋਏ ਆਪਣੇ ਸਮਰਥਕਾਂ ਨੂੰ ਕਿਹਾ ਕਿ ਪ੍ਰਦਰਸ਼ਨ ਦੀ ਦੂਜੀ ਯੋਜਨਾ ਉੱਤੇ ਅਮਲ ਦਾ ਸਮਾਂ ਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨੂੰ ਅਸਤੀਫਾ ਦੇਣ ਲਈ ਮਜਬੂਰ ਕਰਨ ਤੇ ਨਵੀਆਂ ਚੋਣਾਂ ਕਰਵਾਉਣ ਲਈ ਪ੍ਰਮੁੱਖ ਸੜਕਾਂ ਰੋਕ ਕੇ ਪ੍ਰਦਰਸ਼ਨ ਕੀਤਾ ਜਾਵੇਗਾ। ਆਜ਼ਾਦੀ ਮਾਰਚ ਦੀ ਦੂਜੀ ਯੋਜਨਾ ਬਾਰੇਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਕਮਜ਼ੋਰ ਹੋ ਚੁੱਕੀ ਸਰਕਾਰ ਨੂੰ ਪੁੱਟਣ ਲਈ ਛੋਟੇ ਜਿਹੇ ਧੱਕੇ ਦੀ ਲੋੜ ਹੈ।