ਨਿਊਯਾਰਕ, 13 ਨਵੰਬਰ, (ਪੋਸਟ ਬਿਊਰੋ)- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਉਦਯੋਗਿਕ ਕੂੜੇ ਦੀ ਸੰਭਾਲ ਬਾਰੇ ਭਾਰਤ, ਚੀਨ ਤੇ ਰੂਸ ਉੱਤੇ ਨਿਸ਼ਾਨਾ ਵਿੰਨ੍ਹਿਆ ਹੈ। ਉਨ੍ਹਾਂ ਕਿਹਾ ਕਿ ਚੀਨ, ਭਾਰਤ ਤੇ ਰੂਸ ਵਰਗੇ ਦੇਸ਼ ਆਪਣੀਆਂ ਚਿਮਨੀਆਂ ਅਤੇ ਉਦਯੋਗਿਕ ਪਲਾਂਟ ਦੀ ਸਫਾਈ ਉੱਤੇ ਕੁਝ ਨਹੀਂ ਕਰਦੇ ਅਤੇ ਜੋ ਕੂੜਾ ਉਹ ਸਮੁੰਦਰ ਵਿੱਚ ਸੁੱਟਦੇ ਹਨ, ਉਹ ਤਰ ਕੇ ਲਾਸ ਏਜੰਲਸ ਤੱਕ ਪੁੱਜਦਾ ਹੈ। ਸਾਡੇ ਕੋਲ ਬਹੁਤ ਘੱਟ ਜ਼ਮੀਨ ਹੈ ਤੇ ਜੇ ਤੁਸੀਂ ਚੀਨ, ਭਾਰਤ, ਰੂਸ ਤੇ ਹੋਰ ਦੇਸ਼ਾਂ ਨਾਲ ਤੁਲਨਾ ਕਰੋ ਤਾਂ ਉਨ੍ਹਾਂ ਨੇ ਆਪਣੀਆਂ ਚਿਮਨੀਆਂ ਤੇ ਉਦਯੋਗਿਕ ਪਲਾਂਟ ਸਾਫ ਕਰਨ ਲਈ ਕੁਝ ਨਹੀਂ ਕੀਤਾ ਤੇ ਜੋ ਕੂੜਾ ਉਹ ਸਮੁੰਦਰ ਵਿੱਚ ਸੁੱਟਦੇ ਹਨ, ਉਹ ਲਾਸ ਏਜੰਲਸ ਤੱਕ ਆ ਰਿਹਾ ਹੈ।
ਡੋਨਾਲਡ ਟਰੰਪ ਨੇ ਕੱਲ੍ਹ ਏਥੇ ਇਕਨਾਮਿਕ ਕਲੱਬ ਵਿੱਚ ਕਿਹਾ ਕਿ ਇਸ ਲਈ ਮੈਂ ਜਲਵਾਯੂ ਬਾਰੇ ਕਾਫੀ ਸੋਚਦਾ ਹਾਂ। ਮੈਂ ਧਰਤੀ ਉੱਤੇ ਸਵੱਛ ਹਵਾ ਚਾਹੁੰਦਾ ਹਾਂ, ਮੇਰੇ ਕੋਲ ਸਵੱਛ ਹਵਾ ਤੇ ਪਾਣੀ ਚਾਹੀਦਾ ਹੈ। ਟਰੰਪ ਨੇ ਉਥੇ ਮੌਜੂਦ ਲੋਕਾਂ ਨੂੰ ਕਿਹਾ ਕਿ ਅਮਰੀਕਾ ਨੇ ਇਕ ਪਾਸੜ ਤੇ ਡਰਾਉਣੇ ਪੈਰਿਸ ਕਲਾਈਮੇਟ ਸਮਝੌਤੇ ਤੋਂ ਖੁਦ ਨੂੰ ਵੱਖ ਕਰ ਲਿਆ ਹੈ, ਜਿਸ ਨੇ ਅਮਰੀਕੀ ਨੌਕਰੀਆਂ ਬਰਬਾਦ ਕੀਤੀਆਂਤੇ ਵਿਦੇਸ਼ ਪ੍ਰਦੂਸ਼ਕਾਂ ਨੂੰ ਬਚਾਇਆ ਹੈ। ਉਨ੍ਹਾਂ ਕਿਹਾ ਕਿ ਪੈਰਿਸ ਕਲਾਈਮੇਟ ਐਗਰੀਮੈਂਟ ਅਮਰੀਕਾ ਲਈ ਖਤਰਨਾਕ ਸੀ, ਇਸ ਨਾਲ ਅਮਰੀਕਾ ਨੂੰ ਕਈ ਟ੍ਰਿਲੀਅਨ ਡਾਲਰ ਨੁਕਸਾਨ ਹੁੰਦਾ ਹੈ, ਇਹ ਬੇਹੱਦ ਗਲਤ ਹੈ ਅੇ ਇਹ ਚੀਨ ਨੂੰ 2030 ਤੱਕ ਨਹੀਂ ਤੋੜੇਗਾ। ਟਰੰਪ ਨੇ ਕਿਹਾ ਕਿ ਮੈਂ 90 ਦੇ ਦਹਾਕੇ ਬਾਰੇ ਸੋਚਦਾ ਹਾਂ, ਜਦੋਂ ਦੁਨੀਆ ਵਿੱਚ ਸਭ ਤੋਂਵੱਧ ਪ੍ਰਦੂਸ਼ਤ ਸਾਲ ਸਨ। ਭਾਰਤ ਨੂੰ ਸਾਨੂੰ ਪੈਸੇ ਦੇਣਗੇ ਹੋਣਗੇ, ਕਿਉਂਕਿ ਉਹ ਵਿਕਾਸਸ਼ੀਲ ਦੇਸ਼ ਹੈ। ਮੈਂ ਕਹਿੰਦਾ ਹਾਂ, ਸਾਡਾ ਵੀ ਇਕ ਵਿਕਾਸਸ਼ੀਲ ਦੇਸ਼ ਹੈ।