ਨਵੀਂ ਦਿੱਲੀ, 13 ਨਵੰਬਰ (ਪੋਸਟ ਬਿਊਰੋ)- ਜਹਾਜ ਬਣਾਉਣ ਵਾਲੀ ਵਿਸ਼ਵ ਦੀ ਪ੍ਰਮੁੱਖ ਅਮਰੀਕੀ ਕੰਪਨੀ ਬੋਇੰਗ ਨੇ ਕਿਹਾ ਕਿ ਉਸ ਦੇ 737 ਮੈਕਸ ਜਹਾਜ਼ਾਂ ਦਾ ਉੱਡਣਾ ਇੱਕ ਮਹੀਨੇ ਦੀ ਦੇਰੀ ਦੇ ਬਾਅਦ ਅਗਲੇ ਸਾਲ ਜਨਵਰੀ ਤੋਂ ਸ਼ੁਰੂ ਹੋ ਸਕਦਾ ਹੈ, ਜਿਸ ਦੇ ਲਈ ਹਰ ਤਰ੍ਹਾਂ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਬੋਇੰਗ 737 ਮੈਕਸ ਜਹਾਜ਼ਾਂ ਦਾ ਉੱਡਣਾ ਦੋ ਦੁਘਟਨਾਵਾਂ ਦੇ ਬਾਅਦ ਪੁੂਰੀ ਦੁਨੀਆ ਵਿੱਚ ਰੋਕ ਦਿੱਤਾ ਗਿਆ ਸੀ। ਇਨ੍ਹਾਂ ਦੋ ਦੁਘਟਨਾਵਾਂ ਵਿੱਚ 346 ਲੋਕਾਂ ਦੀ ਮੌਤ ਹੋ ਗਈ ਸੀ। ਬੋਇੰਗ ਕੰਪਨੀ ਦਾਕਹਿਣਾ ਹੈ ਕਿ ਉਸ ਨੇ ਜਹਾਜ਼ਾਂ ਵਿੱਚ ਮੌਜੂਦ ਸੋਫਟਵੇਅਰ ਦੀ ਖਰਾਬੀ ਨੂੰ ਪੂਰੀ ਤਰ੍ਹਾਂ ਠੀਕ ਕਰ ਲਿਆ ਹੈ ਤੇ ਇਸ ਦੇ ਲਈ ਸਿਮੂਲੇਟਰ ਦੇ ਰਾਹੀਂ ਪ੍ਰੀਖਿਆ ਵੀ ਕਰਵਾਈ ਜਾ ਚੁੱਕੀ ਹੈ। ਇਸ ਦੇ ਬਾਅਦ ਏਅਰਲਾਈਨਸ ਦੇ ਪਾਇਲਟਾਂ ਵੱਲੋਂ ਨਾਲ ਇਸ ਦੀ ਪ੍ਰੀਖਣ ਕੀਤਾ ਜਾਵੇਗਾ ਤਾਂ ਕਿ ਉਨ੍ਹਾਂ ਨੂੰ ਇਨ੍ਹਾਂ ਜਹਾਜ਼ਾਂ ਨੂੰ ਉਡਾਉਣ ਵਿੱਚ ਕਿਸੇ ਤਰ੍ਹਾਂ ਦੀ ਮੁਸ਼ਕਲ ਨਾ ਹੋਵੇ।