ਹਾਲੀਆ ਰਿਲੀਜ਼ ਫਿਲਮ ‘ਬਾਲਾ’ ਆਯੁਸ਼ਮਾਨ ਖੁਰਾਣਾ ਅਤੇ ਭੂਮੀ ਪੇਡਨੇਕਰ ਦੀ ਇਕੱਠਿਆਂ ਤੀਸਰੀ ਫਿਲਮ ਹੈ। ਇਸ ਤੋਂ ਪਹਿਲਾਂ ਉਹ ‘ਦਮ ਲਗੀ ਕੇ ਹਈਸ਼ਾ’ ਅਤੇ ‘ਸ਼ੁਭ ਮੰਗਲ ਸਾਵਧਾਨ’ ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਫਿਲਮ ਨੂੰ ਲੈ ਕੇ ਪਬਲਿਕ ਦਾ ਰਿਸਪਾਂਸ ਦੇਖ ਕੇ ਭੂਮੀ ਨੂੰ ਯਕੀਨ ਹੈ ਕਿ ਦੋਵੇਂ ਹਿੱਟ ਫਿਲਮਾਂ ਦੀ ਹੈਟਿ੍ਰਕ ਲਗਾਉਣ ਵਿੱਚ ਸਫਲ ਹੋਣਗੇ। ਉਹ ਕਹਿੰਦੀ ਹੈ, ‘‘ਹਰ ਕੋਈ ਮੈਨੂੰ ਕਹਿੰਦਾ ਹੈ ਕਿ ਮੈਂ ਇਸ ਭੂਮਿਕਾ ਨੂੰ ਨਿਭਾ ਕੇ ਆਪਣੀ ਬਹਾਦਰੀ ਦਾ ਸਬੂਤ ਦਿੱਤਾ ਹੈ, ਪਰ ਮੈਂ ਉਨ੍ਹਾਂ ਨੂੰ ਦੱਸਦੀ ਹਾਂ ਕਿ ਮੈਂ ਖੁਦ ਨੂੰ ਕਲਾਕਾਰ ਦੇ ਰੂਪ ਵਿੱਚ ਦੇਖਦੀ ਹਾਂ। ਇੱਕ ਅਜਿਹੇ ਵਿਅਕਤੀ ਦੇ ਰੂਪ ਵਿੱਚ ਜੋ ਖੁਦ ਨੂੰ ਸਥਾਪਤ ਕਰਨਾ ਚਾਹੁੰਦਾ ਹੈ ਤੇ ਫਿਲਮ ਵਿੱਚ ਇੱਕ ਕਿਰਦਾਰ ਬਣਨਾ ਚਾਹੁੰਦਾ ਹੈ, ਕਿਉਂਕਿ ਇਹੀ ਮਹੱਤਵਪੂਰਨ ਹੈ। ਮੈਂ ਸਕਰੀਨ 'ਤੇ ਕਿਹੋ ਜਿਹੀ ਦਿਸ ਰਹੀ ਹਾਂ, ਇਸ ਬਾਰੇ ਵਿੱਚ ਮੈਂ ਹਮੇਸ਼ਾ ਨਹੀਂ ਸੋਚ ਸਕਦੀ ਕਿਉਂਕਿ ਇਸ ਨਾਲ ਫਿਲਮ ਦੇ ਵਿਜਨ ਅਤੇ ਆਪਣੀ ਮਰਜ਼ੀ ਨਾਲ ਚੁਣੇ ਗਏ ਕਿਰਦਾਰ ਨੂੰ ਨੁਕਸਾਨ ਹੋਵੇਗਾ। ਬਹਰਹਾਲ ਮੈਨੂੰ ਖੁਸ਼ੀ ਹੈ ਕਿ ਮੇਰੇ ਕਿਰਦਾਰ ਨੂੰ ਇੰਨਾ ਪਿਆਰ ਅਤੇ ਪ੍ਰਸ਼ੰਸਾ ਮਿਲ ਰਹੀ ਹੈ। ਉਮੀਦ ਹੈ ਕਿ ਮੈਂ ਅਤੇ ਆਯੁਸ਼ਮਾਨ ਇਸ ਫਿਲਮ ਦੇ ਨਾਲ ਹੀ ਹਿੱਟ ਦੀ ਹੈਟਿ੍ਰਕ ਲਗਾਉਣ ਵਿੱਚ ਸਫਲ ਹੋ ਸਕਣਗੇ।”
ਫਿਲਮ ‘ਬਾਲਾ' ਨੂੰ ਜਬਰਦਸਤ ਗ੍ਰੋਥ ਮਿਲੀ। ਦੂਸਰੇ ਦਿਨ ਫਿਲਮ ਨੇ ਕਰੀਬ 15.75 ਕਰੋੜ ਰੁਪਏ ਦਾ ਬਿਜਨਿਸ ਕੀਤਾ, ਜੋ ਸ਼ੁੱਕਰਵਾਰ ਦੇ ਮੁਕਾਬਲੇ ਲਗਭਗ 60 ਫੀਸਦੀ ਵੱਧ ਸੀ। ਖਾਸ ਗੱਲ ਇਹ ਹੈ ਕਿ ਇਹ ਵਾਧਾ ਤਦ ਹੋਇਆ ਹੈ, ਜਦ ਕਿ ਅਯੁੱਧਿਆ ਕੇਸ 'ਤੇ ਸੁਪਰੀਮ ਕੋਰਟ ਦੇ ਫੈਸਲੇ ਦੇ ਕਾਰਨ ਕਈ ਸ਼ਹਿਰਾਂ ਵਿੱਚ ਸਿਨੇਮਾ ਹਾਲ ਬੰਦ ਹੋ ਰਹੇ ਸਨ। ਘਰੇਲੂ ਬਾਕਸ ਆਫਿਸ 'ਤੇ ਫਿਲਮ ਦੇ ਦੋ ਦਿਨਾਂ ਦਾ ਕੁੱਲ ਕੁਲੈਕਸ਼ਨ 25.88 ਕਰੋੜ ਰੁਪਏ ਹੋ ਗਿਆ। ਦਰਸ਼ਕਾਂ ਦੇ ਨਾਲ ਨਾਲ ਬਾਲੀਵੁੱਡ ਹਸਤੀਆਂ ਨੇ ਵੀ ਇਸ ਫਿਲਮ ਦੀ ਕਾਫੀ ਤਾਰੀਫ ਕੀਤੀ ਹੈ।