ਲਾਪਾਜ਼, 11 ਨਵੰਬਰ, (ਪੋਸਟ ਬਿਊਰੋ)- ਬੋਲੀਵੀਆ ਦੇ ਰਾਸ਼ਟਰਪਤੀ ਏਵੋ ਮੋਰਾਲੇਸ ਨੇ ਆਪਣੇ ਅਸਤੀਫ਼ੇ ਦੀ ਮੰਗ ਦੇ ਲਈ ਸਾਰੇ ਦੇਸ਼ ਵਿਚ ਲਗਾਤਾਰ ਹੋ ਰਹੇ ਵਿਰੋਧ ਕਾਰਨ ਆਖ਼ਰ ਨੂੰ ਅਸਤੀਫ਼ਾ ਦੇ ਦਿੱਤਾ। ਉਨ੍ਹਾਨੇ ਅਸਤੀਫ਼ਾ ਆਪਣੇ ਦੇਸ਼ ਦੀ ਫ਼ੌਜ ਦੇ ਮੁਖੀ ਜਨਰਲ ਵਿਲੀਅਮਜ਼ ਕਲੀਮਨ ਦੇ ਬਿਆਨ ਦੇ ਇਕ ਦਿਨ ਬਾਅਦ ਦਿੱਤਾ ਹੈ।
ਵਰਨਣ ਯੋਗ ਹੈ ਕਿ ਰਾਸ਼ਟਰਪਤੀ ਮੋਰਾਲੇਸ ਦੇ ਖ਼ਿਲਾਫ਼ ਆਪਣੇ ਦੇਸ਼ ਦੇ ਲੋਕਾਂ ਦਾ ਜ਼ਬਰਦਸਤ ਵਿਰੋਧ ਦੇਖਣ ਦੇ ਬਾਅਦ ਜਨਰਲ ਕਲੀਮਨ ਨੇ ਸ਼ਨਿਚਰਵਾਰ ਨੂੰ ਉਨ੍ਹਾਂ ਨੂੰ ਅਸਤੀਫ਼ਾ ਦੇਣ ਨੂੰ ਕਿਹਾ ਸੀ। ਮੋਰਾਲੇਸ ਦੇ ਵਿਰੋਧ ਵਿਚ ਪੁਲਿਸ ਵਾਲੇ ਵੀ ਕਈ ਅਹਿਮ ਥਾਵਾਂਦੀ ਸੁਰੱਖਿਆ ਦੇਣ ਤੋਂਇਨਕਾਰ ਕਰ ਚੁੱਕੇ ਸਨ। ਇਸ ਦੌਰਾਨ ਸਰਕਾਰ ਦੇ ਵਿਰੋਧੀਆਂ ਤੇ ਸਮਰਥਕਾਂ ਵਿਚਾਲੇ ਝੜਪ ਵਿਚ ਤਿੰਨ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਅਤੇ ਸੌ ਤੋਂਵੱਧ ਜ਼ਖ਼ਮੀ ਹੋਏ ਹਨ।ਚੌਥੀ ਵਾਰ ਦੇਸ਼ ਦੀ ਸੱਤਾ ਉੱਤੇ ਕਾਬਜ਼ ਹੋਏ ਮੋਰਾਲੇਸ ਉੱਤੇ ਪਿਛਲੀਆਂ ਰਾਸ਼ਟਰਪਤੀ ਚੋਣਾਂ ਵਿਚ ਘਪਲੇਬਾਜ਼ੀ ਦਾ ਦੋਸ਼ ਹੈ।
ਆਰਗੇਨਾਈਜੇਸ਼ਨ ਆਫ ਅਮਰੀਕਨ ਸਟੇਟਸ (ਓਏ ਐੱਸ) ਨੇ ਬੀਤੀ 20 ਅਕਤੂਬਰ ਨੂੰ ਹੋਈਆਂ ਰਾਸ਼ਟਰਪਤੀ ਚੋਣਾਂ ਵਿਚ ਘਪਲੇਬਾਜ਼ੀ ਦੀ ਗੱਲ ਕਹੀ ਸੀ। ਮੋਰਾਲੇਸ ਨੇ ਵੋਟਿੰਗ ਪਿੱਛੋਂ ਆਪਣੀ ਇਕਤਰਫ਼ਾ ਜਿੱਤ ਹੋਣ ਦਾ ਐਲਾਨ ਕਰ ਦਿੱਤਾ ਸੀ, ਪਰ ਆਖਰ ਐਤਵਾਰ ਨੂੰ ਆਪਣਾ ਅਸਤੀਫ਼ਾ ਦੇਸ਼ ਦੀ ਪਾਰਲੀਮੈਂਟ ਨੂੰ ਸੌਂਪ ਦਿੱਤਾ ਹੈ।