ਮੱਤੇਵਾਲ, 11 ਨਵੰਬਰ (ਪੋਸਟ ਬਿਊਰੋ)- ਸਥਾਨਕ ਕਸਬਾ ਮੱਤੇਵਾਲ ਤੋਂ ਅਮਰੀਕਾ ਦੇ ਸ਼ਹਿਰ ਮਿਸੀਸਿਪੀ ਵਿੱਚ ਆਪਣੇ ਪਿਤਾ ਅਤੇ ਭਰਾ ਨਾਲ ਰਹਿੰਦੇ ਨੌਜਵਾਨ ਦੀ ਅਮਰੀਕਨ ਲੁਟੇਰਿਆਂ ਹੱਤਿਆ ਕਰ ਦੇਣ ਦੀ ਖਬਰ ਹੈ।
ਮ੍ਰਿਤਕ ਦੇ ਪਰਵਾਰ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਅਕਸ਼ਪ੍ਰੀਤ ਸਿੰਘ (20) ਆਪਣੇ ਪਿਤਾ ਬਖਸ਼ੀਸ਼ ਸਿੰਘ ਤੇ ਭਰਾ ਲਵਪ੍ਰੀਤ ਸਿੰਘ ਨਾਲ ਪਿਛਲੇ ਤਿੰਨ ਸਾਲ ਤੋਂ ਅਮਰੀਕਾ ਦੇ ਸ਼ਹਿਰ ਮਿਸਸਿਪੀ 'ਚ ਰਹਿ ਰਿਹਾ ਸੀ। ਉਨ੍ਹਾਂ ਦੀ ਮਾਤਾ ਰੁਪਿੰਦਰ ਕੌਰ ਆਪਣੀ ਨੂੰਹ ਨਾਲ ਕਸਬਾ ਮੱਤੇਵਾਲ ਵਿੱਚ ਰਹਿੰਦੇ ਹਨ। ਉਨ੍ਹਾਂ ਦੇ ਮਿਸੀਸਿਪੀ ਵਿੱਚ ਕਈ ਜਨਰਲ ਸਟੋਰ ਹਨ। ਬੀਤੀ ਸ਼ਾਮ ਅਕਸ਼ਪ੍ਰੀਤ ਨੂੰ ਇੱਕ ਸਟੋਰ ਤੋਂ ਕੰਮ ਕਰਨ ਵਾਲੇ ਲੜਕੇ ਦਾ ਫੋਨ ਆਇਆ ਕਿ ਦੁਕਾਨ 'ਤੇ ਕੁਝ ਲੁਟੇਰੇ ਲੁੱਟਮਾਰ ਕਰ ਰਹੇ ਹਨ, ਜਿਸ 'ਤੇ ਅਕਸ਼ਪ੍ਰੀਤ ਆਪਣੇ ਉਸ ਸਟੋਰ 'ਤੇ ਪਹੁੰਚਿਆ, ਜਿੱਥੇ ਉਹ ਲੁਟੇਰਿਆ ਨਾਲ ਉਲਝ ਪਿਆ ਅਤੇ ਹੱਥੋਪਾਈ ਦੌਰਾਨ ਅਕਸ਼ਪ੍ਰੀਤ ਸਿੰਘ ਦਾ ਪਿਸਤੌਲ ਨੂੰ ਖੋਹ ਕੇ ਲੁਟੇਰਿਆਂ ਨੇ ਗੋਲੀ ਮਾਰ ਕੇ ਮਾਰ ਦਿੱਤਾ।