ਇਨ੍ਹੀਂ ਦਿਨੀਂ ਆਪਣੀ ਫਿਲਮ ‘ਬਾਲਾ’ ਲਈ ਚਰਚਾ ਬਟੋਰ ਰਿਹਾ ਆਯੁਸ਼ਮਾਨ ਖੁਰਾਣਾ ਆਪਣੀ ਐਕਟਿੰਗ ਨਾਲ ਦਰਸ਼ਕਾਂ ਨੂੰ ਕਦੇ ਨਿਰਾਸ਼ ਨਹੀਂ ਕਰਦਾ। ਆਪਣੇ ਰੋਲ ਨੂੰ ਚੰਗੀ ਤਰ੍ਹਾਂ ਨਿਭਾਉਣ ਲਈ ਉਹ ਜੋ ਤਿਆਰੀ ਅਤੇ ਮਿਹਨਤ ਕਰਦਾ ਹੈ, ਉਸ ਦੇ ਲਈ ਵੀ ਉਸ ਦੀ ਖੂਬ ਤਾਰੀਫ ਹੁੰਦੀ ਹੈ। ਫਿਲਮ ‘ਬਾਲਾ’ ਲਈ ਉਸ ਨੇ ਕੁਝ ਖਾਸ ਤਿਆਰੀ ਕੀਤੀ ਹੈ। ਫਿਲਮ ਵਕਤ ਤੋਂ ਪਹਿਲਾਂ ਗੰਜੇਪਨ ਨਾਲ ਜੁੜੀ ਸਮਾਜ ਦੀ ਸੋਚ 'ਤੇ ਤਿੱਖੀ ਟਿੱਪਣੀ ਕਰਦੀ ਹੈ। ਇਸ ਰੋਲ ਲਈ ਵੀ ਆਯੁਸ਼ਮਾਨ ਕੁਝ ਵੀ ਕਰਨ ਨੂੰ ਤਿਆਰ ਸੀ, ਜਿੱਥੋਂ ਤੱਕ ਕਿ ਉਸ ਨੂੰ ਗੰਜਾ ਹੋਣ ਨਾਲ ਵੀ ਕੋਈ ਪ੍ਰੇਸ਼ਾਨੀ ਨਹੀਂ ਸੀ।
ਫਿਲਮ ਨਿਰਦੇਸ਼ਕ ਅਮਰ ਕੌਸ਼ਿਕ ਨੇ ਉਸ ਨੂੰ ਅਜਿਹਾ ਨਹੀਂ ਕਰਨ ਦਿੱਤਾ। ਅਮਰ ਦੇ ਅਨੁਸਾਰ ਆਯੁਸ਼ਮਾਨ ਉਨ੍ਹਾਂ ਲੱਕੀ ਲੋਕਾਂ 'ਚੋਂ ਇੱਕ ਹੈ ਜਿਨ੍ਹਾਂ ਦੇ ਬਹੁਤ ਚੰਗੇ ਤੇ ਸੰਘਣੇ ਵਾਲ ਹਨ ਅਤੇ ਉਂਝ ਵੀ ਜੇ ਉਹ ਵਾਲਾਂ ਨੂੰ ਸ਼ੇਵ ਕਰਵਾ ਲੈਂਦਾ ਤਾਂ ਵੀ ਉਸ 'ਚ ਵਾਲ ਝੜਨ ਦੀ ਵਜ੍ਹਆ ਨਾਲ ਗੰਜੇਪਨ ਵਰਗੀ ਅਸਲੀਅਤ ਨਜ਼ਰ ਆਉਂਦੀ। ਇਸੇ ਵਜ੍ਹਾ ਕਰ ਕੇ ਫਿਲਮ ਲਈ ਆਯੁਸ਼ਮਾਨ ਨੂੰ ਆਪਣੇ ਪਿਆਰੇ ਵਾਲ ਸ਼ੇਵ ਕਰਵਾਉਣ ਦੀ ਲੋੜ ਨਹੀਂ ਪਈ।