ਅਭਿਨੇਤਰੀ ਕ੍ਰਿਤੀ ਸਨਨ ਦਾ ਕਹਿਣਾ ਹੈ ਕਿ ਉਹ ਕੋਈ ਵੀ ਸੀਨ ਕਰਨ ਤੋਂ ਪਹਿਲਾਂ ਜ਼ਰੂਰ ਸੋਚਦੀ ਹੈ ਕਿ ਇਸ ਤੋਂ ਕੋਈ ਗਲਤ ਸੰਦੇਸ਼ ਤਾਂ ਨਹੀਂ ਜਾਏਗਾ। ਕ੍ਰਿਤੀ ਅਨੁਸਾਰ, ‘‘ਮੈਂ ਜ਼ਿੰਮੇਵਾਰ ਐਕਟਰ ਹਾਂ। ਮੈਂ ਨਹੀਂ ਚਾਹੁੰਦੀ ਕਿ ਮੇਰੇ ਕਿਸੇ ਵੀ ਸੀਨ ਜਾਂ ਫਿਲਮ ਤੋਂ ਦਰਸ਼ਕਾਂ ਤੱਕ ਕੋਈ ਗਲਤ ਮੈਸੇਜ ਪਹੁੰਚੇ।” ਉਹ ਫਿਲਹਾਲ ਆਪਣੀ ਫਿਲਮ ‘ਹਾਊਸਫੁੱਲ 4’ ਨੂੰ ਲੈ ਕੇ ਉਤਸ਼ਾਹਤ ਹੈ। ਇਸ ਫਿਲਮ ਦੇ ਗਾਣੇ ਇੱਕ ‘ਚੁੰਮਾ..’ ਨੂੰ ਲੈ ਕੇ ਫਿਲਮ ਦੀ ਖਿਚਾਈ ਵੀ ਹੋ ਰਹੀ ਹੈ।
ਕ੍ਰਿਤੀ ਕਹਿੰਦੀ ਹੈ, ‘‘ਇਸ ਗਾਣੇ ਵਿੱਚ ਲੜਕੇ ਆਪਣੀ ਪਾਰਟਨਰ ਲਈ ਇਨ੍ਹਾਂ ਸ਼ਬਦਾਂ ਦਾ ਇਸਤੇਮਾਲ ਕਰ ਰਹੇ ਹਨ ਨਾ ਕਿ ਕਿਸੇ ਅਣਜਾਣ ਲਈ। ਜੇ ਚੁੰਮਾ ਸ਼ਬਦ ਔਰਤਾਂ ਦਾ ਨਿਰਾਦਰ ਕਰਦਾ ਹੈ ਤਾਂ ਮੈਂ ਵਿਰੋਧ ਕਰਦੀ।” ਉਸ ਦਾ ਕਹਿਣਾ ਹੈ, ‘‘ਇਹ ਚੰਗੀ ਗੱਲ ਹੈ ਕਿ ਜੈਂਡਰ ਸਮਾਨਤਾ ਦੀ ਗੱਲ ਹੋ ਰਹੀ ਹੈ, ਪਰ ਇਸ ਨੂੰ ਸਹੀ ਨਜ਼ਰੀਏ ਨਾਲ ਦੇਖਣਾ ਵੀ ਜ਼ਰੂਰੀ ਹੈ। ਕਿਹਾ ਗਿਆ ਹੈ ਕਿ ‘ਲੁਕਾ ਛਿਪੀ’ ਦੇ ‘ਕੋਕਾ ਕੋਲਾ’ ਗਾਣੇ ਵਿੱਚ ਲੜਕੀ ਨੂੰ ਨੀਵਾਂ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ, ਪਰ ਮੇਰਾ ਕਿਰਦਾਰ ਵੀ ਪਾਰਟਨਰ ਨੂੰ ‘ਟੀਜ’ ਕੀਤਾ ਜਾਣਾ ਚਲਦਾ ਹੈ, ਪ੍ਰੰਤੂ ਜੇ ਲੜਕੀ ਦੇ ਨਾਲ ਅਜਿਹਾ ਹੁੰਦਾ ਹੈ ਤਾਂ ਉਸ ਨੂੰ ਲੈ ਕੇ ਗੱਲਾਂ ਹੋਣ ਲੱਗਦੀਆਂ ਹਨ।”