Welcome to Canadian Punjabi Post
Follow us on

30

November 2020
ਕੈਨੇਡਾ

ਫਿਊਲ ਟਰੱਕ ਤੇ ਬੱਸ ਨਾਲ ਟਕਰਾਈ ਤੇਜ਼ ਰਫਤਾਰ ਐਸਯੂਵੀ

October 16, 2019 08:36 AM

13 ਸਾਲਾ ਲੜਕਾ ਨਿਕਲਿਆ ਡਰਾਈਵਰ, ਐਸਆਈਯੂ ਕਰ ਰਹੀ ਹੈ ਮਾਮਲੇ ਦੀ ਜਾਂਚ

ਟੋਰਾਂਟੋ, 15 ਅਕਤੂਬਰ (ਪੋਸਟ ਬਿਊਰੋ) : 13 ਸਾਲਾ ਲੜਕੇ ਵੱਲੋਂ ਮੰਗਲਵਾਰ ਸਵੇਰੇ ਨੌਰਥ ਯੌਰਕ ਵਿੱਚ ਕਥਿਤ ਤੌਰ ਉੱਤੇ ਐਸਯੂਵੀ ਨੂੰ ਤੇਜ਼ ਰਫਤਾਰ ਨਾਲ ਫਿਊਲ ਟਰੱਕ ਤੇ ਟਰਾਂਜਿ਼ਟ ਬੱਸ ਵਿੱਚ ਟਕਰਾਉਣ ਦੇ ਮਾਮਲੇ ਦੀ ਸਪੈਸ਼ਲ ਇਨਵੈਸਟੀਗੇਸਨ ਯੂਨਿਟ (ਐਸਆਈਯੂ) ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਹਾਦਸੇ ਕਾਰਨ ਇੱਕ ਹੋਰ 13 ਸਾਲਾ ਲੜਕੇ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ।
ਐਸਆਈਯੂ ਨੇ ਦੱਸਿਆ ਕਿ ਪੁਲਿਸ ਅਧਿਕਾਰੀਆਂ ਨੇ ਦੋ 13 ਸਾਲਾ ਲੜਕਿਆਂ ਨੂੰ ਤੜ੍ਹਕੇ 4:40 ਉੱਤੇ ਡਫਰਿਨ ਤੇ ਵਾਅਨ ਵਿੱਚ ਸੈਂਟਰ ਸਟਰੀਟਜ਼ ਉੱਤੇ ਐਸਯੂਵੀ ਵਿੱਚ ਤੇਜ਼ ਰਫਤਾਰ ਨਾਲ ਸਫਰ ਕਰਦਿਆਂ ਵੇਖਿਆ। ਇਹ ਐਸਯੂਵੀ ਜ਼ਖ਼ਮੀ ਲੜਕੇ ਦੇ ਪਰਿਵਾਰਕ ਮੈਂਬਰ ਦੀ ਹੈ। ਜਿਵੇਂ ਹੀ ਪੁਲਿਸ ਅਧਿਕਾਰੀ ਨੇ ਐਸਯੂਵੀ ਨੂੰ ਰੋਕਣ ਦੀ ਕੋਸਿ਼ਸ਼ ਕੀਤੀ ਤਾਂ ਲੜਕੇ ਤੇ਼ਜੀ ਨਾਲ ਉੱਥੋਂ ਗੱਡੀ ਭਜਾ ਕੇ ਲੈ ਗਏ। ਫਿਰ ਇਹ ਗੱਡੀ ਜਦੋਂ ਫਿੰਚ ਐਵਨਿਊ ਵੈਸਟ ਤੇ ਡਫਰਿਨ ਸਟਰੀਟ ਲਾਂਘੇ ਦੇ ਦੱਖਣ ਵਿੱਚ ਪਹੁੰਚੀ ਤਾਂ ਪੂਰੀ ਤੇਜ਼ ਰਫਤਾਰ ਨਾਲ ਫਿਊਲ ਟਰੱਕ ਨਾਲ ਜਾ ਟਕਰਾਈ।
ਫਿਊਲ ਟਰੱਕ ਦੇ ਨਾਲ ਨਾਲ ਇਹ ਐਸਯੂਵੀ ਗੋ ਟਰਾਂਜਿ਼ਟ ਬੱਸ ਨਾਲ ਵੀ ਟਕਰਾਈ ਪਰ ਉਸ ਸਮੇਂ ਬੱਸ ਵਿੱਚ ਕੋਈ ਯਾਤਰੀ ਸਵਾਰ ਨਹੀਂ ਸੀ। ਐਸਯੂਵੀ ਦੇ 13 ਸਾਲਾ ਕਥਿਤ ਡਰਾਈਵਰ ਨੂੰ ਪੁਲਿਸ ਵੱਲੋਂ ਮੌਕੇ ਉੱਤੇ ਹੀ ਹਿਰਾਸਤ ਵਿੱਚ ਲੈ ਲਿਆ ਗਿਆ। ਪੁਲਿਸ ਨੇ ਦੱਸਿਆ ਕਿ ਗੱਡੀ ਚਲਾਉਣ ਵਾਲੇ ਲੜਕੇ ਦੇ ਨਾਲ ਬੈਠੇ ਇੱਕ ਹੋਰ 13 ਸਾਲਾ ਲੜਕੇ ਨੂੰ ਲੱਤ ਵਿੱਚ ਗੰਭੀਰ ਸੱਟ ਲੱਗਣ ਕਾਰਨ ਹਸਪਤਾਲ ਲਿਜਾਇਆ ਗਿਆ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸਾਰਜੈਂਟ ਮੁਰੇ ਕੈਂਪਬੈਲ ਨੇ ਦੱਸਿਆ ਕਿ ਇਹ ਵੀ ਪਤਾ ਲੱਗਿਆ ਹੈ ਕਿ ਹਸਪਤਾਲ ਵਿੱਚ ਉਸ ਲੜਕੇ ਦਾ ਆਪਰੇਸ਼ਨ ਕੀਤਾ ਗਿਆ ਹੈ।
ਇਸ ਦੌਰਾਨ ਖੁਦ ਨੂੰ ਜ਼ਖ਼ਮੀ ਲੜਕੇ ਦਾ ਪਿਤਾ ਦੱਸਣ ਵਾਲੇ ਵਿਅਕਤੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਨੁਕਸਾਨੀ ਗਈ ਐਸਯੂਵੀ ਉਸ ਦੀ ਹੀ ਹੈ। ਉਸ ਨੇ ਇਹ ਵੀ ਦੱਸਿਆ ਕਿ ਆਖਰੀ ਵਾਰੀ ਉਸ ਨੇ ਆਪਣੇ ਲੜਕੇ ਨੂੰ ਘਰ ਵਿੱਚ ਰਾਤੀਂ 12:00 ਵਜੇ ਵੇਖਿਆ ਸੀ ਤੇ ਉਹ ਨਹੀਂ ਸੀ ਜਾਣਦਾ ਕਿ ਉਹ ਐਸਯੂਵੀ ਲੈ ਕੇ ਗਿਆ ਹੈ।

 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਕਿਸਾਨਾਂ ਨਾਲ ਧੱਕੇਸ਼ਾਹੀ ਬੰਦ ਕਰਕੇ ਮਾਮਲੇ ਨੂੰ ਸੁਲਝਾਉਣ ਦੀ ਪਹਿਲ ਕਰੇ ਕੇਂਦਰ ਸਰਕਾਰ : ਓ ਐਸ ਜੀ ਸੀ
ਥੌਰਨਕਲਿੱਫ ਪਾਰਕ ਪਬਲਿਕ ਸਕੂਲ ਵਿੱਚ ਕਰੋਨਾਵਾਇਰਸ ਦੇ 19 ਮਾਮਲੇ ਆਏ ਪਾਜ਼ੀਟਿਵ
ਵਾਅਨ ਦੀ ਫੈਕਟਰੀ ਵਿੱਚ ਕੋਵਿਡ-19 ਆਊਟਬ੍ਰੇਕ, ਕੋਵਿਡ-19 ਦੇ 62 ਮਾਮਲੇ ਮਿਲੇ
ਫੈਡਰਲ ਸਰਕਾਰ ਨੇ ਟਰੈਵਲ ਸਬੰਧੀ ਨਿਯਮਾਂ ਵਿੱਚ ਸਖ਼ਤੀ ਲਿਆਉਣ ਦਾ ਕੀਤਾ ਐਲਾਨ
ਵੈਕਸੀਨ ਲਈ ਚੀਨ ਉੱਤੇ ਟੇਕ ਰੱਖਣ ਦੀ ਥਾਂ ਟਰੂਡੋ ਨੂੰ ਹੋਰ ਬਦਲਾਂ ਉੱਤੇ ਪਹਿਲਾਂ ਧਿਆਨ ਦੇਣਾ ਚਾਹੀਦਾ ਸੀ : ਓਟੂਲ
ਓਸ਼ਵਾ ਵਿੱਚ ਵਾਪਰੀ ਦੋਹਰੀ ਸ਼ੂਟਿੰਗ ਦੀ ਘਟਨਾ ਵਿੱਚ ਇੱਕ ਹਲਾਕ, ਇੱਕ ਜ਼ਖ਼ਮੀ
ਕ੍ਰਿਸਮਸ ਤੋਂ ਪਹਿਲਾਂ ਹੀ ਕੈਨੇਡਾ ਵਿੱਚ ਵੀ ਕੋਵਿਡ-19 ਵੈਕਸੀਨ ਨੂੰ ਦਿੱਤੀ ਜਾਵੇਗੀ ਮਨਜ਼ੂਰੀ : ਚੀਫ ਹੈਲਥ ਐਡਵਾਈਜ਼ਰ
ਓਨਟਾਰੀਓ ਵਿੱਚ ਡੇਅਲਾਈਟ ਸੇਵਿੰਗ ਟਾਈਮ ਖ਼ਤਮ ਕਰਨ ਲਈ ਬਿੱਲ ਪਾਸ
ਦੋ ਖਿਡਾਰੀਆਂ ਦੇ ਪਾਜ਼ੀਟਿਵ ਆਉਣ ਤੋਂ ਬਾਅਦ ਹਾਕੀ ਕੈਨੇਡਾ ਨੇ ਵਰਲਡ ਜੂਨੀਅਰ ਸਿਲੈਕਸ਼ਨ ਕੈਂਪ ਕੀਤਾ ਮੁਲਤਵੀ
ਟੋਰਾਂਟੋ, ਪੀਲ ਤੇ ਮੈਨੀਟੋਬਾ ਵਿੱਚ ਆਪਣੇ ਸਟੋਰ ਬੰਦ ਕਰ ਰਹੀ ਹੈ ਗੈਪ