ਭੁਵਨੇਸ਼ਵਰ, 14 ਅਕਤੂਬਰ, (ਪੋਸਟ ਬਿਊਰੋ)- ਆਰ ਐੱਸ ਐੱਸ ਦੇ ਮੁਖੀ ਮੋਹਨ ਭਾਗਵਤ ਦਾ ਕਹਿਣਾ ਹੈ ਕਿ ਸਮਾਜ ਦੇ ਹਰ ਵਰਗ ਨੂੰ ਸੰਗਠਿਤ ਤੇ ਵਿਕਸਿਤ ਕਰਨਾ ਉਨ੍ਹਾਂ ਦੇ ਸੰਘ ਦਾ ਟੀਚਾ ਹੈ ਅਤੇ ਸੰਘ ਉਨ੍ਹਾਂ ਸਰਬ ਉੱਚ ਵਿਚਾਰਾਂ ਵਾਲੇ ਗੁਣਵਾਨ ਅਤੇ ਸਮਰਪਿਤ ਸਵੈ-ਸੇਵਕ ਬਣਾਉਣ ਦਾ ਵਿਸ਼ਵਾਸ਼ ਰੱਖਦਾ ਹੈ, ਜਿਹੜੇ ਪੂਰੇ ਦੇਸ਼ ਦੇ ਲੋਕਾਂ ਦੀ ਜ਼ਿੰਦਗੀ ਵਿੱਚ ਸਕਾਰਾਤਮਕ ਤਬਦੀਲੀ ਲਿਆਉਣ ਵਿੱਚ ਅਹਿਮ ਭੂਮਿਕਾ ਅਦਾ ਕਰ ਸਕਣ।
ਏਥੇ ਭੁਵਨੇਸ਼ਵਰ ਵਿੱਚਆਏਹੋਏ ਰਾਸ਼ਟਰੀ ਸੋਇਮ ਸੇਵਕ ਸੰਘ (ਆਰ ਐੱਸ ਐੱਸ) ਦੇ ਮੁਖੀ ਮੋਹਣ ਭਾਗਵਤ ਨੇ ਬੁੱਧੀਜੀਵੀਆਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਯਹੂਦੀ ਏਧਰ-ਓਧਰ ਘੁੰਮਦੇ ਫਿਰਰੇ ਸਨ ਤਾਂ ਇਕੱਲੇ ਭਾਰਤ ਵਿੱਚ ਉਨ੍ਹਾਂ ਨੂੰ ਪਨਾਹ ਮਿਲੀ ਸੀ। ਪਾਰਸੀ ਪੂਜਾ ਤੇ ਮੂਲ ਧਰਮ ਸਿਰਫ਼ ਭਾਰਤ ਵਿਚ ਸੁਰੱਖਿਅਤ ਹਨ। ਵਿਸ਼ਵ ਦੇ ਸਭ ਤੋਂ ਵੱਧ ਸੁਖੀ ਮੁਸਲਮਾਨ ਤੁਹਾਨੂੰ ਭਾਰਤ ਵਿਚ ਮਿਲਣਗੇ, ਕਿਉਂਕਿ ਅਸੀਂ ਹਿੰਦੂ ਹਾਂ।
ਇਸ ਮੌਕੇ ਮੋਹਨ ਭਾਗਵਤ ਨੇ ਕਿਹਾ ਕਿ ਹਿੰਦੂ ਕੋਈ ਭਾਸ਼ਾ ਜਾਂ ਸੂਬਾ ਨਹੀਂ, ਇਕ ਸੱਭਿਆਚਾਰ ਹੈ, ਜੋ ਭਾਰਤ ਦੇ ਲੋਕਾਂ ਦੀ ਵਿਰਾਸਤ ਹੈ। ਉਨ੍ਹਾਂ ਕਿਹਾ, ‘ਭਾਰਤ ਇਕੱਲਾ ਦੇਸ਼ ਹੈ, ਜਿੱਥੇ ਯਹੂਦੀਆਂ ਨੂੰ ਸ਼ਰਨ ਮਿਲੀ ਤੇ ਪਾਰਸੀਆਂ ਦੀ ਪੂਜਾ ਅਤੇ ਮੂਲ ਧਰਮ ਸੁਰੱਖਿਅਤ ਹੈ। ਦੁਨੀਆਂ ਵਿੱਚ ਸਭ ਤੋਂ ਵੱਧ ਸੁਖੀ ਮੁਸਲਮਾਨ ਭਾਰਤ ਵਿੱਚ ਮਿਲਣਗੇ, ਕਿਉਂਕਿ ਅਸੀਂ ਹਿੰਦੂ ਹਾਂ?`ਸੰਘ ਮੁਖੀ ਨੇ ਕਿਹਾ ਆਰਐੱਸ ਐੱਸ ਦਾ ਮੰਤਵ ਭਾਰਤ ਵਿਚ ਤਬਦੀਲੀ ਲਈ ਸਿਰਫ਼ ਹਿੰਦੂਆਂ ਨੂੰ ਨਹੀਂ, ਸਗੋਂ ਵੱਖੋ-ਵੱਖਰੇ ਭਾਈਚਾਰਿਆਂ ਨੂੰ ਸੰਗਠਤ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਰਾਸ਼ਟਰਵਾਦ ਲੋਕਾਂ ਨੂੰ ਡਰਾਉਂਦਾ ਹੈ, ਕਿਉਂਕਿ ਉਹ ਤੁਰੰਤ ਇਸ ਨੂੰ ਹਿਟਲਰ ਤੇ ਮੁਸੋਲਿਨੀ ਨਾਲ ਜੋੜ ਦਿੰਦੇ ਹਨ, ਪਰ ਭਾਰਤ ਦਾ ਰਾਸ਼ਟਰਵਾਦ ਅਜਿਹਾ ਨਹੀਂ ਹੈ, ਇਹ ਰਾਸ਼ਟਰਵਾਦ ਆਪਣੇ ਸੱਭਿਆਚਾਰ ਤੋਂ ਬਣਿਆ ਹੈ।ਓਡੀਸ਼ਾ ਦੇ ਨੌਂ ਦਿਨਾਂ ਦੌਰੇ ਉੱਤੇ ਆਏ ਹੋਏ ਮੋਹਨ ਭਾਗਵਤ ਨੇ ਕਿਹਾ ਕਿ ਪੂਰਾ ਦੇਸ਼ਧਾਗੇ ਵਿੱਚ ਬੱਝਾ ਹੈ, ਭਾਰਤ ਦੇ ਲੋਕ ਵੱਖ-ਵੱਖ ਸੱਭਿਆਚਾਰ, ਭਾਸ਼ਾਵਾਂ, ਭੁਗੋਲਿਕ ਸੰਸਥਾਵਾਂ ਦੇ ਬਾਵਜੂਦ ਖ਼ੁਦ ਨੂੰ ਇਕ ਮੰਨਦੇ ਹਨ। ਏਕਤਾ ਦੇ ਇਸ ਅਹਿਸਾਸ ਕਾਰਨ ਮੁਸਲਿਮ, ਪਾਰਸੀ ਤੇ ਹੋਰ ਧਰਮਾਂ ਨਾਲ ਸਬੰਧਤ ਲੋਕ ਦੇਸ਼ ਵਿੱਚ ਸੁਰੱਖਿਅਤ ਮਹਿਸੂਸ ਕਰਦੇ ਹਨ।