ਇਸਲਾਮਾਬਾਦ, 14 ਅਕਤੂਬਰ, (ਪੋਸਟ ਬਿਊਰੋ)- ਫਾਈਨੈਸ਼ੀਅਲ ਐਕਸ਼ਨ ਟਾਸਕ ਫੋਰਸ (ਐੱਫ ਏ ਟੀ ਐੱਫ) ਵੱਲੋਂ ਕੋਈ ਫੈਸਲਾ ਲਏ ਜਾਣ ਤੋਂ ਪਹਿਲਾਂ ਪਾਕਿਸਤਾਨ ਨੂੰ ਇੱਕ ਵਾਰ ਫਿਰ ਵੱਡਾ ਝਟਕਾ ਲੱਗਾ ਹੈ। ਇਸ ਬਾਰੇ ਆਖਰੀ ਫੈਸਲਾ ਬੇਸ਼ੱਕ 18 ਅਕਤੂਬਰ ਨੂੰ ਹੋਣਾ ਹੈ, ਪਰ ਓਦੋਂ ਪਹਿਲਾਂ ਕਿਸੇ ਦੇਸ਼ ਨੇ ਪਾਕਿਸਤਾਨ ਦਾ ਸਮਰਥਨ ਨਹੀਂ ਕੀਤਾ, ਏਥੋਂ ਤੱਕ ਕਿ ਚੀਨ, ਮਲੇਸ਼ੀਆ ਅਤੇ ਤੁਰਕੀ ਨੇ ਵੀ ਉਸ ਦਾ ਸਮਰਥਨ ਨਹੀਂ ਕੀਤਾ।
ਇਸ ਕੌੰਮਾਂਤਰੀ ਅਦਾਰੇ ਦੇ ਸੂਤਰਾਂ ਮੁਤਾਬਕ ਐੱਫ ਏ ਟੀ ਐੱਫ ਅਗਲੇ ਦਿਨਾਂ ਦੌਰਾਨ ਪਾਕਿਸਤਾਨ ਖਿਲਾਫ ਵੱਡੀ ਕਾਰਵਾਈ ਕਰ ਕੇ ਉਸ ਨੂੰ ‘ਡਾਰਕ ਗ੍ਰੇਅ` ਲਿਸਟ ਵਿੱਚ ਸ਼ਾਮਲ ਕਰ ਸਕਦਾ ਹੈ। ਐੱਫ ਏ ਟੀ ਐੱਫ ਦੇ ਨਿਯਮਾਂ ਮੁਤਾਬਕ ਗ੍ਰੇਅ ਅਤੇ ਬਲੈਕ ਲਿਸਟ ਵਿਚਾਲੇ ਇੱਕ ਡਾਰਕ ਗ੍ਰੇਅ ਦੀ ਕਲਾਸ ਵੀ ਹੁੰਦੀ ਹੈ। ਜੇਏਦਾਂ ਕੀਤਾ ਜਾਂਦਾ ਹੈ ਤਾਂ ਪਾਕਿਸਤਾਨ ਨੂੰ ਇਹ ਇੱਕ ਨਵੀਂ ਸਖਤ ਚਿਤਾਵਨੀ ਹੋਵੇਗੀ ਕਿ ਉਹ ਇਕ ਆਖਰੀ ਮੌਕੇਦੌਰਾਨ ਖੁਦ ਨੂੰ ਸੁਧਾਰ ਲਵੇ, ਵਰਨਾ ਇਸ ਦੇ ਬਾਅਦ ਉਸ ਨੂੰ ਬਲੈਕ-ਲਿਸਟ ਕੀਤਾ ਜਾ ਸਕਦਾ ਹੈ।
ਪਤਾ ਲੱਗਾ ਹੈ ਕਿ ਪਾਕਿਸਤਾਨ ਆਪਣੇ ਦੇਸ਼ ਵਿੱਚ ਅੱਤਵਾਦ ਦੇ ਖਿਲਾਫ ਕਾਰਵਾਈ ਬਾਰੇ ਐੱਫ ਏ ਟੀ ਐੱਫ ਵਿੱਚਇਕ ਡੋਜ਼ੀਅਰ ਪੇਸ਼ ਕਰਨ ਵਾਲਾ ਹੈ, ਜਿਸ ਵਿੱਚ ਇਸ ਦਾ ਜ਼ਿਕਰ ਹੋਵੇਗਾ ਕਿ ਪਾਕਿਸਤਾਨ ਨੇ ਹਾਫਿਜ਼ ਸਈਦ, ਮਸੂਦ ਅਜ਼ਹਰ ਅਤੇ ਹੋਰ ਅੱਤਵਾਦੀਆਂ ਦੇ ਖਿਲਾਫ ਕੀ ਕਾਰਵਾਈ ਕੀਤੀ ਹੈ। ਇਸ ਡੋਜ਼ੀਅਰ ਵਿੱਚ ਅੱਤਵਾਦੀ ਫੰਡਿੰਗ ਤੇ ਮਨੀ ਲਾਂਡ੍ਰਿੰਗ ਦੇ ਖਿਲਾਫ ਕੀਤੀ ਕਾਰਵਾਈ ਬਾਰੇਵੀ ਜਾਣਕਾਰੀ ਦਿੱਤੀ ਜਾ ਸਕਦੀ ਹੈ। ਪੈਰਿਸ ਵਿੱਚਇਸ ਵਕਤ ਚੱਲਦੀ ਪਈ ਬੈਠਕ ਵਿੱਚ ਸ਼ੁੱਕਰਵਾਰ ਨੂੰ ਪਾਕਿਸਤਾਨਬਾਰੇ ਫੈਸਲਾ ਕੀਤਾ ਜਾਣਾ ਹੈ।