ਨਵੀਂ ਦਿੱਲੀ, 12 ਅਕਤੂਬਰ (ਪੋਸਟ ਬਿਊਰੋ)- ਦੁਨੀਆ ਵਿੱਚ ਸਾਲ 2019 ਚਲ ਰਿਹਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਦੇਸ਼ ਅਜਿਹਾ ਹੈ, ਜਿਥੇ ਅਜੇ ਸਾਲ 2012 ਚਲ ਰਿਹਾ ਹੈ। ਇਸ ਦੇਸ਼ ਦੇ ਲੋਕ ਬਾਕੀ ਦੁਨੀਆ ਤੋਂ ਸੱਤ ਸਾਲ ਪਿੱਛੇ ਹਨ। ਇਹੋ ਨਹੀਂ ਇਸ ਦੇਸ਼ ਦਾ ਇੱਕ ਸਾਲ 13 ਮਹੀਨਿਆਂ ਦਾ ਹੁੰਦਾ ਹੈ। ਅਜਿਹੇ ਵਿੱਚ ਤੁਸੀਂ ਖੁਦ ਸਮਝ ਸਕਦੇ ਹੋ ਕਿ ਇਹ ਦੇਸ਼ ਬਾਕੀ ਦੇਸ਼ਾਂ ਤੋਂ ਸੱਤ ਸਾਲ ਪਿੱਛੇ ਕਿਉਂ ਚੱਲ ਰਿਹਾ ਹੈ।
ਇਹ ਦੇਸ਼ ਇਥੋਪੀਆ ਹੈ, ਜਿੱਥੇ ਅੱਜ 2019 ਨਹੀਂ, ਸਗੋਂ ਸਾਲ 2012 ਚੱਲਦਾ ਹੈ, ਜੋ ਦੁਨੀਆ ਦੇ ਸਾਰੇ ਦੇਸ਼ਾਂ ਤੋਂ ਸੱਤ ਸਾਲ ਪਿੱਛੇ ਹੈ। ਇਸ ਦੇਸ਼ ਦੀ ਅਬਾਦੀ ਸਿਰਫ 10 ਕਰੋੜ ਦੇ ਨੇੜੇ ਹੈ। ਖਾਸ ਗੱਲ ਇਹ ਹੈ ਕਿ ਜਿਥੇ ਦੁਨੀਆ ਦੇ ਸਾਰੁ ਦੇਸ਼ ਇੱਕ ਜਨਵਰੀ ਨੂੰ ਨਵਾਂ ਸਾਲ ਮਨਾਉਂਦੇ ਹਨ, ਉਥੇ ਇਥੋਪੀਆ ਦੇ ਲੋਕ 11 ਸਤੰਬਰ ਨੂੰ ਨਵਾਂ ਸਾਲ ਮਨਾਉਂਦੇ ਹਨ। ਇਥੋਪੀਆ ਵਾਸੀਆਂ ਦਾ ਆਪਣਾ ਕੈਲੰਡਰ ਹੈ, ਜਿਸ ਦੇ ਹਿਸਾਬ ਉਹ ਚਲਦੇ ਹਨ।ਦੁਨੀਆ ਦੇ ਸਾਰੇ ਦੇਸ਼ ਇੱਕ ਹੀ ਗਰੀਗੋਰੀਅਨ ਕੈਲੰਡਰ ਦੇ ਹਿਸਾਬ ਨਾਲ ਚੱਲਦੇ ਹਨ ਅਤੇ ਉਨ੍ਹਾਂ ਦੇ ਤਿਉਹਾਰ ਵੀ ਇਸੇ ਕੈਲੰਡਰ ਦੇ ਹਿਸਾਬ ਨਾਲ ਹੁੰਦੇ ਹਨ।ਇਥੋਪੀਆ ਦੇ ਲੋਕ ਮੰਨਦੇ ਹਨ ਕਿ ਈਸਾ ਦਾ ਜਨਮ ਈਸਾ ਪੂਰਵ 7ਵੀਂ ਸਦੀ 'ਚ ਹੋਇਆ ਸੀ ਅਤੇ ਇਸੇ ਹਿਸਾਬ ਨਾਲ ਉਥੇ ਦਿਨਾਂ ਦੀ ਗਿਣਤੀ ਸ਼ੁਰੂ ਹੋਈ, ਜਿਸ ਤੋਂ ਬਾਅਦ ਕੈਲੰਡਰ ਬਣਾਇਆ ਗਿਆ। ਇਥੋਪੀਆ ਵਿੱਚ ਕੋਈ ਵੀ ਤਿਉਹਾਰ ਉਸ ਦਿਨ ਨਹੀਂ ਮਨਾਇਆ ਜਾਂਦਾ, ਜਦੋਪੂਰੀ ਦੁਨੀਆ ਉਸ ਤਿਉਹਾਰ ਨੂੰ ਮਨਾ ਰਹੀ ਹੁੰਦੀ ਹੈ।