ਮੁਕਤਸਰ, 12 ਅਕਤੂਬਰ (ਪੋਸਟ ਬਿਊਰੋ)- ਮੁਕਤਸਰ-ਕੋਟਕਪੂਰਾ ਰੋਡ ਉੱਤੇ ਪਿੰਡ ਚੜੇਵਾਨ ਲਾਗੇ ਰਾਜ ਬੱਸ ਕੰਪਨੀ ਦੀ ਬੱਸ ਅਤੇ ਮੋਟਰ ਸਾਈਕਲ ਦੀ ਟੱਰਕ ਵਿੱਚ ਤਿੰਨ ਜਣਿਆ ਦੀ ਮੌਤ ਹੋ ਗਈ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਬੱਸ ਕੋਟਕਪੂਰਾ ਤੋਂ ਮੁਕਤਸਰ ਵੱਲ ਚੱਲੀ ਸੀ ਤੇ ਮੋਟਰ ਸਾਈਕਲ ਚਾਲਕ ਮੁਕਤਸਰ ਤੋਂ ਪਿੰਡ ਝਬੇਲਵਾਲੀ ਦੀ ਦਾਣਾ ਮੰਡੀ ਜਾ ਰਹੇ ਸੀ। ਮੋਟਰ ਸਾਈਕਲ ਸਵਾਰ ਪਿੰਡ ਮੌੜ ਦਾ ਬਲਰਾਜ ਸਿੰਘ ਦਾਣਾ ਮੰਡੀ ਵਿੱਚ ਕੰਮ ਕਰਦਾ ਸੀ। ਉਹ ਆਪਣੇ ਨਾਲ ਦੋ ਪਰਵਾਸੀ ਮਜ਼ਦੂਰਾਂ ਨੂੰ ਮੋਟਰ ਸਾਈਕਲ ਉਪਰ ਬਿਠਾਕੇ ਪਿੰਡ ਝਬੇਲਵਾਲੀ ਦੀ ਦਾਣਾ ਮੰਡੀ ਜਾ ਰਿਹਾ ਸੀ ਕਿ ਪਿੰਡ ਚੜੇਵਾਨ ਲਾਗੇ ਸਾਹਮਣੇ ਤੋਂ ਆਈ ਬੱਸ ਨਾਲ ਟਕਰਾ ਗਿਆ, ਜਿਸ ਨਾਲਉਸ ਦੀ ਤੇ ਕੈਲਾਸ਼ ਦੀ ਮੌਕੇ ਉਤੇ ਮੌਤ ਹੋ ਗਈ, ਜਦੋਂਕਿ ਸੁਰੇਸ਼ ਗੰਭੀਰ ਜ਼ਖਮੀ ਹੋ ਗਿਆ ਤੇ ਫਿਰ ਸਿਵਲ ਹਸਪਤਾਲ ਵਿਖੇ ਇਲਾਜ ਦੌਰਾਨ ਦਮ ਤੋੜ ਗਿਆ। ਹਾਦਸੇ ਪਿੱਛੋਂ ਤੇਜ਼ ਰਫਤਾਰ ਬੱਸ ਸੜਕ ਕਿਨਾਰੇ ਖੜ੍ਹੇ ਦਰੱਖਤਾਂ ਨੂੰ ਤੋੜਦੀ ਹੋਈ ਖੇਤਾਂ ਵਿੱਚ ਵੜ ਗਈ ਪਰ ਇਸ ਦੌਰਾਨ ਸਵਾਰੀਆਂ ਦਾ ਬਚਾਅ ਹੋ ਗਿਆ। ਬੱਸ ਚਲਾਕ ਫਰਾਰ ਹੋ ਗਿਆ।