ਅਭਿਨੇਤਾ ਸੰਜੇ ਦੱਤ ਦਾ ਕਹਿਣਾ ਹੈ ਕਿ 1999 ਵਿੱਚ ਆਈ ਉਸ ਦੀ ਫਿਲਮ ‘ਵਾਸਤਵ’ ਨੇ ਉਸ ਨੂੰ ਐਕਟਰ ਹੋਣ ਦਾ ਅਸਲ ਅਰਥ ਸਮਝਾਇਆ। ‘ਵਾਸਤਵ’ ਦੇ ਵੀਹ ਸਾਲ ਪੂਰੇ ਹੋਣ ਮੌਕੇ ਸੰਜੇ ਦੱਤ ਨੇ ਟਵੀਟ ਕਰ ਕੇ ਇਹ ਗੱਲ ਕਹੀ। 60 ਸਾਲਾ ਅਭਿਨੇਤਾ ਨੇ ਟਵੀਟ ਵਿੱਚ ਰੀਮਾ ਲਾਗੂ ਨਾਲ ਫਿਲਮਾਇਆ ‘ਪੱਚਾਸ ਤੋਲਾ’ ਦਿ੍ਰਸ਼ ਵੀ ਸ਼ੇਅਰ ਕੀਤਾ।
ਮਹੇਸ਼ ਮਾਂਜਰੇਕਰ ਵੱਲੋਂ ਨਿਰਦੇਸ਼ਿਤ ਇਹ ਫਿਲਮ ਅਪਰਾਧ 'ਤੇ ਬਣੀ ਸੀ। ਇਸ ਵਿੱਚ ਸੰਜੇ ਨੇ ਇੱਕ ਬੇਰੋਜ਼ਗਾਰ ਨੌਜਵਾਨ ਰਘੂ ਦਾ ਕਿਰਦਾਰ ਕੀਤਾ, ਜੋ ਪਿੱਛੋਂ ਮੁੰਬਈ ਅੰਡਰਵਰਲਡ ਦਾ ਡਾਨ ਬਣਦਾ ਹੈ। ਇਸ ਵਿੱਚ ਸੰਜੇ ਦੇ ਅਭਿਨੈ ਨੂੰ ਦਰਸ਼ਕਾਂ ਨੇ ਪਸੰਦ ਕੀਤਾ ਸੀ। ਇਸ ਵਿੱਚ ਸੰਜੇ ਦੱਤ ਨਾਲ ਨਮਰਤਾ ਸ਼ਿਰੋਡਕਰ, ਸੰਜੇ ਨਾਰਵੇਕਰ, ਮੋਹਨੀਸ਼ ਬਹਿਲ, ਪਰੇਸ਼ ਰਾਵਲ ਅਤੇ ਸ਼ਿਵਾਜੀ ਸਾਤਮ ਨੇ ਅਭਿਨੈ ਕੀਤਾ ਸੀ। ਇਹ ਫਿਲਮ ਸੱਤ ਅਕਤੂਬਰ 1999 ਨੂੰ ਰਿਲੀਜ਼ ਹੋਈ ਸੀ।