ਨਵੀਂ ਦਿੱਲੀ, 7 ਅਕਤੂਬਰ, (ਪੋਸਟ ਬਿਊਰੋ)- ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈ ਡੀ) ਨੇ ਦੱਸਿਆ ਹੈ ਕਿ ਅੱਜ ਉਸ ਨੇ ਮੁੰਬਈਅਤੇ ਕੁਝ ਹੋਰ ਥਾਂਈਂ ਹਾਊਸਿੰਗ ਡਿਵੈਲਪਮੈਂਟ ਐਂਡ ਇਨਫ੍ਰਾਸਟ੍ਰਕਚਰ (ਐੱਚ ਡੀਆਈ ਐੱਲ) ਦੇ ਚੇਅਰਮੈਨ ਰਾਕੇਸ਼ ਵਧਾਵਨ ਅਤੇ ਉਨ੍ਹਾਂ ਦੇ ਪੁੱਤਰ ਸਾਰੰਗ ਵਧਾਵਨ ਦੇ ਟਿਕਾਣਿਆਂ ਉੱਤੇ ਛਾਪੇਮਾਰੇ ਹਨ।
ਪੰਜਾਬ ਐਂਡ ਮਹਾਰਾਸ਼ਟਰ ਕੋਆਪ੍ਰੇਟਿਵ (ਪੀ ਐੱਮ ਸੀ) ਬੈਂਕ ਵਿਚਲੀ ਜਾਲਸਾਜ਼ੀ ਦੇ ਕੇਸ ਵਿੱਚਨਵੀਂ ਜਾਣਕਾਰੀ ਸਾਹਮਣੇ ਆਉਣ ਦੇ ਬਾਅਦ ਕੇਂਦਰੀ ਜਾਂਚ ਏਜੰਸੀ ਈ ਡੀ ਨੇ ਇਹ ਕਦਮ ਚੁੱਕਿਆ ਹੈ ਅਤੇਇਸ ਦੌਰਾਨ ਈ ਡੀ ਨੇ ਇਕ ਹੋਰ ਜੈੱਟ ਅਤੇ ਯਾਟ (ਵੱਡੀ ਕਿਸ਼ਤੀ) ਬਾਰੇ ਐੱਚਡੀਆਈ ਐੱਲ ਦੇ ਪ੍ਰਮੋਟਰਾਂ ਦਾ ਨਾਂ ਉੱਤੇ ਰਜਿਸਟਰ ਦੇਖਿਆ ਹੈ।ਈ ਡੀ ਦੇ ਇਕ ਸੀਨੀਅਰ ਅਫਸਰ ਨੇ ਕਿਹਾ ਕਿ ਸੋਮਵਾਰ ਦੇ ਛਾਪੇ ਵਿੱਚ ਸਾਨੂੰ ਅਲੀਬਾਗ਼ਵਿੱਚ 22 ਕਮਰਿਆਂ ਦਾ ਇਕ ਵੱਡਾ ਬੰਗਲਾ ਮਿਲਿਆ ਹੈ, ਜਿਹੜਾ ਛੇਤੀ ਹੀ ਜ਼ਬਤ ਕਰ ਲਿਆ ਜਾਵੇਗਾ। ਅਧਿਕਾਰੀ ਨੇ ਕਿਹਾ ਕਿ ਇਕ ਹੋਰ ਨਿੱਜੀ ਜੈੱਟ ਐੱਚ ਡੀਆਈ ਐੱਲ ਦੇ ਪ੍ਰਮੋਟਰਾਂ ਦੇ ਨਾਂ ਨਾਲ ਰਜਿਸਟਰਡ ਕੀਤਾ ਹੋਇਆ ਮਿਲਿਆ ਹੈ। ਤਲਾਸ਼ੀ ਵਿੱਚ ਦੇਖਿਆ ਗਿਆ ਕਿ ਮਾਹਰਾਸ਼ਟਰ ਦੇ ਅਮੀਰ ਇਲਾਕਿਆਂ ਵਿੱਚਵੱਡੇ ਸਿਆਸੀ ਨੇਤਾਵਾਂ ਨੂੰ ਕਈ ਘਰ ਤੋਹਫ਼ੇ ਵਿੱਚ ਦਿੱਤੇ ਗਏ ਸਨ। ਉਂਜ ਇਹੋ ਜਿਹੇ ਸਿਆਸੀ ਲੀਡਰਾਂ ਦੇ ਨਾਂਅ ਕੇਂਦਰੀ ਏਜੰਸੀ ਨੇ ਹਾਲੇ ਤੱਕਨਹੀਂ ਦੱਸੇ।ਪੰਜਾਬ ਤੇ ਮਹਾਰਾਸ਼ਟਰ ਬੈਂਕ ਦਾ ਇਹ ਮਾਮਲਾ ਇਸ ਵਕਤ ਸਾਰੇ ਭਾਰਤ ਵਿੱਚਪੂਰੀ ਤਰ੍ਹਾਂ ਭਖਿਆ ਹੋਇਆ ਹੈ।
ਦੂਸਰੇ ਪਾਸੇ ਇਹ ਸਨਸਨੀ ਖੇਜ਼ ਖਬਰ ਆਈ ਹੈ ਕਿ ਪੰਜਾਬ ਅਤੇ ਮਹਾਰਾਸ਼ਟਰ ਬੈਂਕ ਵਿੱਚ ਸਿੱਖ ਗੁਰਦੁਆਰਿਆਂ ਅਤੇ ਹੋਰ ਅਦਾਰਿਆਂ ਦੇ 100 ਕਰੋੜ ਰੁਪਏ ਤੋਂ ਵੱਧ ਫਸੇ ਹੋਏ ਹਨ। ਮੰਨਿਆ ਜਾਂਦਾ ਹੈ ਕਿ ਇਸ ਨਾਲ ਸ੍ਰੀ ਗੁਰੂ ਨਾਨਾਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਉਤਸਵ ਮਨਾਉਣ ਵਿੱਚ ਪੈਸੇ ਦੀ ਘਾਟ ਸਾਹਮਣੇ ਆਉਣ ਲੱਗੀ ਹੈ। ਇਸ ਸਬੰਧ ਵਿੱਚ ਦਿੱਲੀ ਦੀਆਂ ਗੁਰਦੁਆਰਾ ਕਮੇਟੀਆਂ ਅਤੇ ਹੋਰ ਪੀੜਤ ਧਿਰਾਂ ਦੀ ਇੱਕ ਬੈਠਕ ਵੀ ਹੋਈ ਹੈ। ਪਤਾ ਲੱਗਾ ਹੈ ਕਿ ਇਸਬੈਂਕ ਵਿੱਚ 1984 ਕਤਲੇਆਮ ਦੇ ਪੀੜਤਾਂ ਦਾ ਪੈਸਾ ਵੀ ਫਸ ਗਿਆ ਹੈ। ਇਨ੍ਹਾਂ ਪੀੜਤਾਂ ਨੇ ਕਿਹਾ ਹੈ ਕਿ ਰਿਜ਼ਰਵ ਬੈਂਕ ਆਫ ਇੰਡੀਆਂ ਉਨ੍ਹਾਂ ਨੂੰ ਯਕੀਨ ਦੇਵੇ ਤਾਂ ਉਨ੍ਹਾਂ ਦਾ ਪੈਸਾ ਉਨ੍ਹਾਂ ਨੂੰ ਮਿਲ ਜਾਵੇਗਾ। ਪੀੜਤ ਧਿਰਾਂ ਨੇ ਇਸ ਬਾਰੇ ਤਿੰਨ ਮੁੱਖ ਮੰਗਾਂ ਚੁੱਕੀਆਂ ਹਨ; ਪਹਿਲੀ ਇਹ ਕਿ ਦੋਸ਼ੀਆਂ ਦੀ ਜਾਇਦਾਦ ਜ਼ਬਤ ਕਰ ਲਈ ਜਾਏ, ਦੂਸਰੀ ਇਹ ਕਿ ਰਿਜ਼ਰਵ ਬੈਂਕਇਸ ਬੈਂਕ ਨੂੰ ਆਪਣੇ ਅਧੀਨ ਲਵੇ ਤੇ ਤੀਜੀ ਇਹ ਕਿ ਪੀੜਤਾਂ ਨੂੰ ਉਨ੍ਹਾਂ ਦਾ ਪੈਸਾ ਦਿਵਾਇਆ ਜਾਏ।
ਵਰਨਣ ਯੋਗ ਹੈ ਕਿ ਪੀ ਐੱਮ ਸੀ ਬੈਂਕ ਦੀ ਧੋਖਾਧੜੀ ਦੇ ਸ਼ਿਕਾਰ ਬਣਨ ਵਾਲੇ ਵੱਡੇ ਅਦਾਰਿਆਂ ਵਿੱਚ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦਾ ਨਾਂ ਵੀ ਲਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਮਹਾਰਾਸ਼ਟਰ ਦੀਆਂ ਕਈ ਸਿੰਘ ਸਭਾਵਾਂ ਨੂੰ ਵੀ ਇਸ ਬੈਂਕ ਵਿੱਚ ਫਸੇ ਆਪਣੇ ਪੈਸੇ ਦੀ ਉਡੀਕ ਹੈ। ਅੱਜ ਏਥੇ ਹੋਈ ਬੈਠਕ ਦੇ ਬਾਅਦਕਿਹਾ ਗਿਆ ਕਿ ਜਲਦ ਹੀ ਭਾਰਤੀ ਰਿਜ਼ਰਵ ਬੈਂਕ, ਗਵਰਨਰਅਤੇ ਖਜ਼ਾਨਾ ਸੈਕਟਰੀ ਨਾਲ ਇਸ ਬਾਰੇ ਮੁਲਾਕਾਤ ਕੀਤੀ ਜਾਏਗੀ।
ਪਿਛਲੇ ਸ਼ਨਿਚਰਵਾਰ ਐੱਚਡੀਆਈ ਐੱਲ ਦੇ ਚੇਅਰਮੈਨ ਰਾਕੇਸ਼ ਵਧਾਵਨ ਤੇ ਉਨ੍ਹਾਂ ਦੇ ਪੁੱਤਰ ਸਾਰੰਗ ਵਧਾਵਨ ਦਾ ਇਕ ਨਿੱਜੀ ਜੈੱਟ ਅਤੇ 60 ਕਰੋੜ ਰੁਪਏ ਦੇ ਗਹਿਣੇ ਜਾਂਚ ਏਜੰਸੀ ਈ ਡੀ ਨੇ ਜ਼ਬਤ ਕੀਤੇ ਅਤੇ ਏਜੰਸੀ ਨੇ ਕਿਹਾ ਸੀ ਕਿ ਵਧਾਵਨ ਦਾ ਯਾਟ ਜ਼ਬਤ ਕਰਨ ਲਈ ਉਹ ਮਾਲਦੀਵ ਦੇ ਅਧਿਕਾਰੀਆਂ ਨਾਲ ਸੰਪਰਕਕਰ ਰਹੀ ਹੈ। ਇਹ ਯਾਟ ਇਸ ਵੇਲੇ ਓਥੇਰੁਕਿਆ ਹੋਇਆ ਹੈ।ਈ ਡੀ ਨੇ ਇਸ ਮੌਕੇਪੀ ਐੱਮ ਸੀ ਬੈਂਕ ਦੇ ਸਾਬਕਾ ਚੇਅਰਮੈਨ ਵਰਿਆਮ ਸਿੰਘ ਦੇ ਬੈਂਕ ਖਾਤੇ ਅਤੇ 10 ਕਰੋੜ ਰੁਪਏ ਦੇ ਨੇੜੇ ਫਿਕਸਡ ਡਿਪਾਜਿ਼ਟ ਫ੍ਰੀਜ਼ ਕਰ ਦਿੱਤੀ ਹੈ। ਪਹਿਲਾਂ ਸ਼ੁੱਕਰਵਾਰ ਨੂੰ ਛੇ ਥਾਵਾਂ ਉੱਤੇ ਕੀਤੀ ਗਈ ਛਾਪੇਮਾਰੀ ਵਿੱਚ ਕੇਂਦਰੀ ਏਜੰਸੀ ਨੇ 12 ਮਹਿੰਗੀਆਂ ਕਾਰਾਂ ਵੀ ਜ਼ਬਤ ਕੀਤੀਆਂ ਸਨ।