ਪ੍ਰਿਅੰਕਾ ਚੋਪੜਾ ਹਮੇਸ਼ਾ ਆਤਮ ਵਿਸ਼ਵਾਸ ਨਾਲ ਭਰੀ ਰਹਿੰਦੀ ਹੈ। ਇਹੀ ਵਜ੍ਹਾ ਹੈ ਕਿ ਉਨ੍ਹਾਂ ਨੇ ਕਿਸੇ ਮਾਮਲੇ 'ਚ ਕੋਈ ਕਾਹਲੀ ਨਹੀਂ ਦਿਖਾਈ। ਭਾਵੇਂ ਉਹ ਬਾਲੀਵੁੱਡ 'ਚ ਕੰਮ ਕਰਨ ਦੀ ਗੱਲ ਹੋਵੇ ਜਾਂ ਫਿਰ ਹਾਲੀਵੁੱਡ 'ਚ, ਉਨ੍ਹਾਂ ਨੇ ਹਮੇਸ਼ਾ ਸੰਜਮ ਨਾਲ ਆਪਣਾ ਕੰਮ ਕੀਤਾ ਅਤੇ ਬਹੁਤ ਸਫਲਤਾ ਵੀ ਮਿਲੀ। ਜਲਦੀ ਹੀ ਉਹ ਹਿੰਦੀ ਫਿਲਮ ‘ਸਕਾਈ ਇਜ਼ ਪਿੰਕ’ ਵਿੱਚ ਦਿਖਾਈ ਦੇਵੇਗੀ। ਪਿੱਛੇ ਜਿਹੇ ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 'ਚ ਇਸ ਦੇ ਪ੍ਰੀਮੀਅਮ ਨੂੰ ਬਹੁਤ ਪਸੰਦ ਕੀਤਾ ਗਿਆ ਹੈ ਅਤੇ ਪ੍ਰਿਅੰਕਾ ਨੂੰ ਵੀ ਇਸ ਫਿਲਮ ਤੋਂ ਕਾਫੀ ਉਮੀਦਾਂ ਹਨ।
ਉਹ ਕਹਿੰਦੀ ਹੈ, ਅੱਜਕੱਲ੍ਹ ਸਿਰਫ ਉਹੀ ਕੰਮ ਕਰ ਰਹੀ ਹਾਂ, ਜਿਹੜਾ ਮੇਰੇ ਦਿਲ ਨੂੰ ਛੂਹ ਜਾਵੇ। ਉਂਝ ਜਦੋਂ ਮੈਂ ਹਾਲੀਵੁੱਡ ਵਿੱਚ ਕੰਮ ਕਰਨ ਦਾ ਮਨ ਬਣਾਇਆ, ਉਦੋਂ ਮੈਨੂੰ ਕੁਝ ਅਜਿਹੇ ਆਫਰ ਮਿਲੇ ਸਨ, ਜਿਨ੍ਹਾਂ ਨੂੰ ਮੈਂ ਕਦੇ ਨਹੀਂ ਕਰਨਾ ਚਾਹੁੰਦੀ ਸੀ। ਮੇਰੇ ਦਿਮਾਗ 'ਚ ਸਿਰਫ ਇੱਕੋ ਗੱਲ ਸੀ ਕਿ ਜਦੋਂ ਇੰਨੀ ਦੂਰ ਆ ਕੇ ਕੰਮ ਕਰਨਾ ਹੈ ਤਾਂ ਅਜਿਹਾ ਕੰਮ ਕਿਉਂ ਕਰਾਂ, ਜੋ ਮੇਰੇ ਮਨ ਨੂੰ ਚੰਗਾ ਨਾ ਲੱਗੇ। ਮੇਰੀ ਅਗਲੀ ਫਿਲਮ ‘ਸਕਾਈ ਇਜ਼ ਪਿੰਕ’ ਵੀ ਇਹੋ ਜਿਹੀ ਇੱਕ ਫਿਲਮ ਹੈ, ਜੋ ਮੇਰੇ ਦਿਲ ਦੇ ਬਹੁਤ ਨੇੜੇ ਹੈ। ਪ੍ਰਿਅੰਕਾ ਇਹ ਵੀ ਮੰਨਦੀ ਹੈ ਕਿ ਬਪਚਨ ਵਿੱਚ ਉਸ ਨੂੰ ਖੁਦ 'ਤੇ ਭਰੋਸਾ ਨਹੀਂ ਸੀ, ਪਰ ਉਸ ਦਾ ਆਤਮ ਵਿਸ਼ਵਾਸ ਵਾਪਸ ਲਿਆਉਣ 'ਚ ਉਸ ਦੀ ਮਾਤਾ ਦਾ ਵੱਡਾ ਯੋਗਦਾਨ ਸੀ। ‘ਮੇਰੀ ਮਾਂ ਨੇ ਹੀ ਮੇਰਾ ਨਾਂਅ ਮਿਸ ਇੰਡੀਆ ਲਈ ਭੇਜਿਆ। ਮਿਸ ਇੰਡੀਆ ਤੋਂ ਬਾਅਦ ਮੈਂ ਮਿਸ ਵਰਲਡ ਚੁਣੀ ਗਈ। ਅਸਲ ਵਿੱਚ ਮੈਂ ਜੋ ਵੀ ਕੰਮ ਕਰਦੀ ਹਾਂ, ਉਸ ਵਿੱਚ ਹਾਰ ਮੰਨ ਲੈਣਾ ਮੈਨੂੰ ਪਸੰਦ ਨਹੀਂ ਹੈ।’