ਇੰਡਸਟਰੀ ਵਿੱਚ ਚਰਚਾ ਹੈ ਕਿ ਆਮਿਰ ਖਾਨ ਨੇ ਆਪਣੇ ਮੋਸਟ ਐਂਬੀਸ਼ੀਅਸ ਪ੍ਰੋਜੈਕਟ ‘ਮਹਾਭਾਰਤ’ ਦੇ ਲਈ ਕਾਸਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਫਿਲਮ ਵਿੱਚ ਰੋਲ ਹਾਸਲ ਕਰਨ ਲਈ ਬਾਲੀਵੁੱਡ ਤੇ ਸਾਊਥ ਇੰਡਸਟਰੀ ਦੇ ਟਾਪ ਹੀਰੋ-ਹੀਰੋਇਨਾਂ ਵਿੱਚ ਕੰਪੀਟੀਸ਼ਨ ਹੈ। ਸੁਣਨ ਵਿੱਚ ਆਇਆ ਹੈ ਕਿ ਇਸ ਵਿੱਚ ਆਲੀਆ ਭੱਟ ਨੂੰ ਕਾਸਟ ਕੀਤਾ ਜਾ ਸਕਦਾ ਹੈ। ਉਹ ਇਸ ਵਿੱਚ ਸੁਭੱਦਰਾ ਦਾ ਰੋਲ ਕਰ ਸਕਦੀ ਹੈ। ਹਾਲ ਹੀ ਵਿੱਚ ਆਲੀਆ ਨੇ ਆਮਿਰ ਖਾਨ ਨਾਲ ਕਈ ਮੀਟਿੰਗਾਂ ਵੀ ਕੀਤੀਆਂ ਹਨ। ਆਮਿਰ ਨੂੰ ਲੱਗਦਾ ਹੈ ਕਿ ਆਲੀਆ ਇਸ ਰੋਲ ਦੇ ਲਈ ਪ੍ਰਫੈਕਟ ਹੈ।
ਸੁਭੱਦਰਾ, ਕ੍ਰਿਸ਼ਨ ਦੀ ਭੈਣ ਸੀ, ਜਿਨ੍ਹਾਂ ਦਾ ਵਿਆਹ ਅਰਜੁਨ ਨਾਲ ਹੋਇਆ ਸੀ। ਉਹ ਅਭਿਮੰਨਿਊ ਦੀ ਮਾਂ ਸੀ। ਆਲੀਆ ਇਸ ਫਿਲਮ ਦਾ ਹਿੱਸਾ ਬਣ ਕੇ ਬਹੁਤ ਖੁਸ਼ ਹੈ। ਇਸ ਦੇ ਇਲਾਵਾ ਉਹ ਆਮਿਰ ਨਾਲ ਜਲਦ ਹੀ ਨੈਟਫਲਿਕਸ ਓਰੀਜ਼ਨਲ ਦੇ ਲਈ ਬਣਨ ਜਾ ਰਹੇ ‘ਓਸ਼ੋ' ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੀ ਹੈ। ਆਲੀਆ ਨੇ ਪਿੱਛੇ ਜਿਹੇ ਫਿਲਮ ‘ਕਲੰਕ’ ਦੇ ਲੱਦਾਖ ਸ਼ਡਿਊਲ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਸੁਣਨ ਵਿੱਚ ਆਇਆ ਹੈ ਕਿ ਉਹ ਨਿਊ ਯਾਰਕ ਲਈ ਰਵਾਨਾ ਹੋ ਗਈ ਹੈ। ਉਹ ਉਥੇ ਕਪੂਰ ਪਰਵਾਰ ਦੇ ਨਾਲ ਵਕਤ ਬਿਤਾਏਗੀ। ਦਰਅਸਲ ਰਿਸ਼ੀ ਕਪੂਰ ਇਨ੍ਹੀਂ ਦਿਨੀਂ ਨਿਊ ਯਾਰਕ ਵਿੱਚ ਆਪਣਾ ਇਲਾਜ ਕਰਵਾ ਰਹੇ ਹਨ ਅਤੇ ਉਥੇ ਰਣਬੀਰ ਅਤੇ ਨੀਤੂ ਕਪੂਰ ਉਨ੍ਹਾਂ ਦੇ ਨਾਲ ਹਨ। ਹਾਲ ਹੀ ਵਿੱਚ ਪ੍ਰਿਅੰਕਾ, ਸੋਨਾਲੀ ਬੇਂਦਰੇ ਅਤੇ ਅਨੁਪਮ ਖੇਰ ਨੇ ਵੀ ਰਿਸ਼ੀ ਨਾਲ ਮੁਲਾਕਾਤ ਕੀਤੀ ਸੀ।