ਕਾਜਲ ਅਗਰਵਾਲ ਅਤੇ ਅਰਜੁਨ ਰਾਮਪਾਲ ‘ਮਾਇ ਫਰੈਂਡ ਗਣੇਸ਼ਾ’ ਫੇਮ ਰਾਈਟਰ ਡਾਇਰੈਕਟਰ ਰਾਜੀਵ ਐੱਸ ਰੁਈਆ ਦੀ ਅਗਲੀ ਫਿਲਮ ਵਿੱਚ ਨਜ਼ਰ ਆਉਣਗੇ। ‘ਉੜੀ’ ਅਤੇ ‘ਰਾਜ਼ੀ’ ਵਰਗੇ ਜ਼ੋਨਰ ਦੀ ਇਸ ਫਿਲਮ ਲਈ ਰਾਜੀਵ ਨੇ ਦੋਵਾਂ ਨੂੰ ਅਪਰੋਚ ਕੀਤਾ ਹੈ। ਦੋਵਾਂ ਨੇ ਅਜੇ ਤੱਕ ਆਨ ਪੇਪਰ ਕੰਟ੍ਰੈਕਟ ਸਾਈਨ ਨਹੀਂ ਕੀਤਾ, ਪਰ ਫਿਲਮ ਵਿੱਚ ਉਨ੍ਹਾਂ ਨੂੰ ਫਾਈਨਲ ਮੰਨਿਆ ਜਾ ਰਿਹਾ ਹੈ।
ਦੇਸ਼ਭਗਤੀ 'ਤੇ ਆਧਾਰਤ ਇਸ ਫਿਲਮ ਦੀ ਕਹਾਣੀ ਇੱਕ ਮੁਸਲਿਮ ਲੜਕੀ 'ਤੇ ਆਧਾਰਤ ਹੋਵੇਗੀ, ਜਿਸ ਨੂੰ ਜਾਸੂਸੀ ਦੇ ਦੋਸ਼ ਵਿੱਚ ਫਸਾਇਆ ਜਾਂਦਾ ਹੈ। ਫਿਲਮ ਵਿੱਚ ਕਾਜਲ ਅਨਾਇਤ ਬੇਗ ਦੇ ਕਿਰਦਾਰ ਵਿੱਚ ਨਜ਼ਰ ਆ ਸਕਦੀ ਹੈ। ਇਸ ਦੇ ਇਲਾਵਾ ਰਾਜੀਵ ‘ਸਾਜਨ ਚਲੇ ਸਸੁਰਾਲ’ ਦਾ ਰੀਮੇਕ ਵੀ ਬਣਾਉਣ ਦੀ ਪਲਾਨਿੰਗ ਕਰ ਰਹੇ ਹਨ।