ਕੰਗਨਾ ਰਣੌਤ, ਸੁਪਰਸਟਾਰ ਤੋਂ ਰਾਜ-ਨੇਤਾ ਬਣੀ ਜੈਲਲਿਤਾ ਦੀ ਬਾਇਓਪਿਕ ‘ਥਲਾਈਵਾ’ ਵਿੱਚ ਉਨ੍ਹਾਂ ਦੀ ਭੂਮਿਕਾ ਨਿਭਾ ਰਹੀ ਹੈ। ਇਸ ਫਿਲਮ ਵਿੱਚ ਐਮ ਜੀ ਰਾਮਚੰਦਰਨ ਦਾ ਕਿਰਦਾਰ ਅਹਿਮ ਤੌਰ 'ਤੇ ਦਿਖਾਇਆ ਜਾਏਗਾ ਜਿਨ੍ਹਾਂ ਨੇ ਜੈਲਲਿਤਾ ਦੇ ਸਿਆਸਤ ਵਿੱਚ ਆਉਣ ਵਿੱਚ ਖਾਸ ਭੂਮਿਕਾ ਨਿਭਾਈ ਸੀ। ਸੁਣਨ ਵਿੱਚ ਆਇਆ ਹੈ ਕਿ ਇਸ ਕਿਰਦਾਰ ਦੇ ਲਈ ਮੇਕਰਸ ਨੇ ‘ਬੰਬੇ’ ਅਤੇ ‘ਰੋਜ਼ਾ’ ਫੇਮ ਐਕਟਰ ਅਰਵਿੰਦ ਸਵਾਮੀ ਨੂੰ ਕਾਸਟ ਕੀਤਾ ਹੈ।
ਦੱਸਣਾ ਬਣਦਾ ਹੈ ਕਿ ਐਮ ਜੀ ਆਰ ਨੇ ਜੈਲਲਿਤਾ ਦੇ ਨਾਲ 1965 ਤੋਂ 1973 ਦੌਰਾਨ 28 ਹਿੱਟ ਫਿਲਮਾਂ ਵਿੱਚ ਕੰਮ ਕੀਤਾ ਸੀ। ਮੇਕਰਸ ਨੂੰ ਉਨ੍ਹਾਂ ਦੇ ਇਸ ਰੋਲ ਦੇ ਲਈ ਅਜਿਹੇ ਐਕਟਰ ਦੀ ਜ਼ਰੂਰਤ ਸੀ, ਜੋ ਹਿੰਦੀ, ਤਮਿਲ, ਤੇਲਗੂ ਤਿੰਨਾਂ 'ਤੇ ਪਕੜ ਰੱਖਦਾ ਹੋਵੇ। ਫਿਲਮ ਦੀ ਸ਼ੂਟਿੰਗ ਨਵੰਬਰ ਦੇ ਪਹਿਲੇ ਹਫਤੇ ਤੋਂ ਮੈਸੂਰ ਵਿੱਚ ਸ਼ੁਰੂ ਹੋਵੇਗੀ। ਅਰਵਿੰਦ 15 ਨਵੰਬਰ ਨੂੰ ਟੀਮ ਦੇ ਨਾਲ ਜੁੜਨਗੇ। ਦੱਸਣਾ ਬਣਦਾ ਹੈ ਕਿ ਕੰਗਨਾ ਇਸ ਫਿਲਮ ਦੇ ਲਈ ਭਰਤਨਾਟੀਮ ਅਤੇ ਤਮਿਲ ਭਾਸ਼ਾ ਸਿੱਖ ਰਹੀ ਹੈ।
ਕੰਗਨਾ ਸਟਾਰਰ ‘ਥਲਾਈਵਾ’ ਵਿੱਚ ਅਹਿਮ ਕਿਰਦਾਰ ਨਿਭਾਉਣਗੇ ਅਰਵਿੰਦ ਸਵਾਮੀ