ਕਰਣ ਜੌਹਰ ਦੀ ਅਗਲੀ ਪੀਰੀਅਡ ਫਿਲਮ ‘ਤਖਤ’ ਔਰੰਗਜੇਬ ਅਤੇ ਉਸ ਦੇ ਭਰਾ ਦਾਰਾ ਸ਼ਿਕੋਹ ਦੇ ਰਿਸ਼ਤੇ 'ਤੇ ਆਧਾਰਤ ਹੈ। ਫਿਲਮ ਦੀ ਸਟਾਰਕਾਸਟ ਦੀ ਅਨਾਊਂਸਮੈਂਟ ਉਨ੍ਹਾਂ ਨੇ ਪਹਿਲਾਂ ਹੀ ਕਰ ਦਿੱਤੀ ਸੀ। ਸੂਤਰਾਂ ਮੁਤਾਬਕ ਕਰਣ ਨੇ ਫਿਲਮ ਦੇ ਡਿਜੀਟਲ ਰਾਈਟਸ ਇੱਕ ਵੱਡੇ ਪਲੇਟਫਾਰਮ ਨੂੰ ਕੁਝ ਦਿਨ ਪਹਿਲਾਂ ਹੀ 75 ਕਰੋੜ ਵਿੱਚ ਵੇਚ ਦਿੱਤੇ ਹਨ। ਹਾਲਾਂਕਿ ਅਜੇ ਉਨ੍ਹਾਂ ਨੇ ਇਸ ਗੱਲ ਨੂੰ ਆਫੀਸ਼ੀਅਲੀ ਕਨਫਰਮ ਨਹੀਂ ਕੀਤਾ ਹੈ।
ਫਿਲਮ ਵਿੱਚ ਅਨਿਲ ਕਪੂਰ, ਕਰੀਨਾ ਕਪੂਰ ਖਾਨ, ਰਣਵੀਰ ਸਿੰਘ, ਵਿਕੀ ਕੌਸ਼ਲ, ਭੂਮੀ ਪੇਡਨੇਕਰ ਤੇ ਜਾਹਨਵੀ ਕਪੂਰ ਮੁੱਖ ਕਿਰਦਾਰ ਨਿਭਾ ਰਹੇ ਹਨ। ਫਿਲਮ ਬਾਰੇੇ ਕਾਫੀ ਚਰਚਾ ਵੀ ਹੋ ਰਹੀ ਹੈ। ਇਸ ਮੈਗਾ ਬਜਟ ਫਿਲਮ ਦਾ ਸ਼ੂਟ ਅਗਲੇ ਸਾਲ ਸ਼ੁਰੂ ਹੋਣ ਵਾਲਾ ਹੈ। ਫਿਲਮ ਵਿੱਚ ਵਿੱਕੀ (ਔਰੰਗਜੇਬ) ਅਤੇ ਰਣਵੀਰ ਸਿੰਘ (ਦਾਰਾ ਸ਼ਿਕੋਹ) ਦਾ ਕਿਰਦਾਰ ਨਿਭਾ ਰਹੇ ਹਨ। ਕਰਣ ਦੀ ਇਹ ਪਹਿਲੀ ਹਿਸਟੋਰੀਕਲ ਫਿਲਮ ਹੋਵੇਗੀ, ਜਿਸ ਦਾ ਨਿਰਦੇਸ਼ਨ ਉਹ ਖੁਦ ਕਰ ਰਹੇ ਹਨ।