ਅਰਜੁਨ ਕਪੂਰ ਨੇ ਪਿੱਛੇ ਜਿਹੇ ਰਾਜ ਕੁਮਾਰ ਗੁਪਤਾ ਦੀ ਅਗਲੀ ਫਿਲਮ ‘ਇੰਡੀਆਜ਼ ਮੋਸਟ ਵਾਂਟਿਡ’ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਇਹ ਥ੍ਰਿਲਰ ਫਿਲਮ ਹੈ, ਜੋ ਰੀਅਲ ਲਾਈਫ ਇੰਸੀਡੈਂਟ 'ਤੇ ਆਧਾਰਤ ਹੈ। ਇਸ ਵਿੱਚ ਅਰਜੁਨ ਕਪੂਰ ਦੇ ਆਪੋਜ਼ਿਟ ਕੋਈ ਹੀਰੋਇਨ ਨਹੀਂ ਹੈ। ਉਹ ਇਸ ਵਿੱਚ ਇੱਕ ਬਿਹਾਰੀ ਕਾਪ ਦਾ ਕਿਰਦਾਰ ਨਿਭਾ ਰਹੇ ਹਨ, ਜੋ ਬਿਨਾਂ ਇੱਕ ਵੀ ਗੋਲੀ ਚਲਾਏ ਦੇਸ਼ ਦੇ ਸਭ ਤੋਂ ਵਾਂਟਿਡ ਅੱਤਵਾਦੀ ਨੂੰ ਗ੍ਰਿਫਤਾਰ ਕਰਦਾ ਹੈ। ਅਰਜੁਨ ਕਹਿੰਦੇ ਹਨ, ‘ਮੈਂ ਇਸ ਫਿਲਮ ਬਾਰੇ ਬੇਹੱਦ ਐਕਸਾਈਟਿਡ ਹਾਂ। ਰਾਜ ਕੁਮਾਰ ਗੁਪਤਾ ਨੇ ਕਮਾਲ ਦੀ ਥ੍ਰਿਲਰ ਫਿਲਮ ਲਿਖੀ ਹੈ। ਨਾਲ ਜੋ ਦੁਨੀਆ ਉਨ੍ਹਾਂ ਨੇ ਸਿਰਜੀ ਹੈ, ਉਸ ਦੇ ਚਲਦੇ ਹਿੰਦੋਸਤਾਨ ਦੇ ਹਾਰਡਲੈਂਡ ਨੂੰ ਜਾਨਣ-ਸਮਝਣ ਦਾ ਸੁਨਹਿਰੀ ਮੌਕਾ ਮਿਲ ਰਿਹਾ ਹੈ। ਕਵਾਲਿਟੀ ਵਾਈਜ਼ ਇਹ ਬੇਨ ਐਫਲੈਕ ਦੀਆਂ ਥ੍ਰਿਲਰ ਫਿਲਮਾਂ ਵਾਂਗ ਹੈ। ਕੁਝ ਕੁਝ ‘ਆਗਰੋਗ’ ਵਰਗੀ ਵੀ। ਗੋਲੀਬਾਰੀ ਕੀਤੇ ਬਿਨਾਂ ਵਿਲੇਨ ਨੂੰ ਫੜਨ ਦੀ ਗੱਲ ਹੀ ਇਸ ਨੂੰ ਬਾਕੀ ਫਿਲਮਾਂ ਨਾਲੋਂ ਅਲੱਗ ਬਣਾਉਂਦੀ ਹੈ। ਅਰਜੁਨ ਨੇ ਦੱਸਿਆ, ‘ਬਿਹਾਰੀ ਕਾਪ ਦੇ ਰੋਲ ਵਿੱਚ ਅੱਤਵਾਦੀ ਨੂੰ ਫੜਨ ਦਾ ਮੇਰਾ ਪੂਰਾ ਮਿਸ਼ਨ ਤਿੰਨ ਦਿਨ ਦਾ ਹੈ। ਉਨ੍ਹਾਂ ਤਿੰਨ ਦਿਨਾਂ ਵਿੱਚ ਕਿਵੇਂ ਉਸ ਅੱਤਵਾਦੀ ਦਾ ਪਿੱਛਾ ਕਰ ਕੇ ਉਸ ਨੂੰ ਮਾਤ ਦਿੱਤੀ ਜਾਂਦੀ ਹੈ, ਫਿਲਮ ਇਸੇ ਬਾਰੇ ਵਿੱਚ ਹੈ।
ਇਸ ਫਿਲਮ ਦੇ ਇਲਾਵਾ ਅਰਜੁਨ ਡਾਇਰੈਕਟਰ ਦਿਬਾਕਰ ਬੈਨਰ ਦੀ ‘ਸੰਦੀਪ ਔਰ ਪਿੰਕੀ ਫਰਾਰ’ ਵਿੱਚ ਨਜ਼ਰ ਆਉਣਗੇ। ਇਸ ਵਿੱਚ ਉਹ ਗੁਰੂਗਰਾਮ (ਗੁੜਗਾਂਉਂ) ਦੇ ਕਾਪ ਦਾ ਕਿਰਦਾਰ ਨਿਭਾ ਰਹੇ ਹਨ, ਜੋ ਲਾਰਜਨ ਦੈਨ ਲਾਈਫ ਨਹੀਂ ਹੈ। ਜਿਵੇਂ ਆਮ ਪੁਲਸ ਵਾਲਿਆਂ ਵਿੱਚ ਹੁੰਦਾ ਹੈ। ਅਰਜੁਨ ਦੱਸਦੇ ਹਨ, ‘ਫਿਲਮ ਵਿੱਚ ਅਸੀਂ ਵਰਦੀ ਦੇ ਮਹੱਤਵ ਦੇ ਬਾਰੇ ਦੱਸਿਆ ਹੈ। ਸਾਡੇ ਇੰਡੀਆ ਵਿੱਚ ਸੁਪਰ ਹੀਰੋਜ਼ ਵਰਦੀਆਂ ਵਿੱਚ ਹੁੰਦੇ ਹਨ। ਮੇਨਸਟਰੀਮ ਦਾ ਹੀਰੋ ਜਦੋਂ ਵਰਦੀ ਪਹਿਨ ਕੇ ਪਰਦੇ 'ਤੇ ਆਉਂਦਾ ਹੈ ਤਾਂ ਸਕਰੀਨ 'ਤੇ ਉਸ ਦਾ ਕਦ ਕਾਫੀ ਉਚਾ ਹੋ ਜਾਂਦਾ ਹੈ। ਆਈਡੀਅਲੀ ਵਰਦੀ ਭਰੋਸੇ ਤੇ ਵਿਸ਼ਵਾਸ ਨੂੰ ਰਿਪ੍ਰਜੈਂਟ ਕਰਦੀ ਹੈ। ਕੁਝ ਅਜਿਹਾ ਅਸੀਂ ਇਥੇ ਦਿਖਾਇਆ ਹੈ। ਸਾਡੀ ਕਾਪ ਫਿਲਮ ਵਿੱਚ ਇਹ ਮਜ਼ਾਕ ਕਿਤੇ ਦੇਖਣ ਨੂੰ ਨਹੀਂ ਮਿਲੇਗਾ ਕਿ ਹਰ ਕੰਮ ਹੋ ਜਾਣ ਦੇ ਬਾਅਦ ਪੁਲਸ ਸਾਈਟ 'ਤੇ ਆਉਂਦੀ ਹੈ।