ਕੀਵ੍ਹ, 5 ਅਕਤਬੂਰ (ਪੋਸਟ ਬਿਊਰੋ)- ਯੂਕ੍ਰੇਨ ਨੇ ਅਮਰੀਕਾ ਦੇ ਸਾਬਕਾ ਉਪ ਰਾਸ਼ਟਰਪਤੀ ਜੋ ਬਿਡੋਨ ਦੇ ਪੁੱਤਰ ਹੰਟਰ ਨਾਲ ਜੁੜੀ ਗੈਸ ਕੰਪਨੀ ਨਾਲ ਸਬੰਧਤ ਕੇਸਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਅਸਲ ਵਿੱਚ ਯੂਕ੍ਰੇਨ ਦੇ ਪ੍ਰਸੀਕਿਊਟਰ ਜਨਰਲ ਰੁਸਲਾਨ ਰਯਬੋਸ਼ਾਪਕਾ ਨੇ ਬੀਤੇ ਦਿਨੀ ਕਿਹਾ ਸੀ ਕਿ ਇਸ ਗੱਲ ਦੀ ਘੋਖ ਕੀਤੀ ਜਾ ਰਹੀ ਹੈ ਕਿ ਕਿਨ੍ਹਾਂ ਕਾਰਨਾਂ ਕਰਕੇ ਗੈਸ ਕੰਪਨੀ ਦੇ ਖਿਲਾਫ ਮਾਮਲੇ ਬੰਦ ਕੀਤੇ ਗਏ ਸਨ। ਉਨ੍ਹਾ ਕਿਹਾ ਕਿ ਗੈਸ ਕੰਪਨੀ ਬਰਿਸਮਾ ਦੇ ਖਿਲਾਫ 15 ਕੇਸ ਸਨ, ਪਰ ਉਨ੍ਹਾਂ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਇਹ ਜ਼ਰੂਰੀ ਨਹੀਂ ਕਿ ਇਨ੍ਹਾਂ ਕੇਸਾਂ ਦੇ ਤਾਰ ਬਿਡੇਨ ਦੇ ਪੁੱਤਰ ਹੰਟਰ ਨਾਲ ਜੁੜੇ ਹੋਣ। ਉਨ੍ਹਾਂ ਕਿਹਾ ਕਿ ਅਸੀਂ ਉਨ੍ਹਾਂ ਸਾਰੇ ਕੇਸਾਂ ਦੀ ਘੋਖ ਕਰ ਰਹੇ ਹਾਂ, ਜਿਹੜੇ ਬੰਦ ਕਰ ਦਿੱਤੇ ਗਏ ਜਾਂ ਵੱਖ-ਵੱਖ ਮਾਮਲਿਆਂ 'ਚ ਵੰਡ ਦਿੱਤੇ ਗਏ ਹਨ ਤਾਂ ਜੋ ਪਤਾ ਲੱਗ ਸਕੇ ਕਿ ਕੀ ਅਜਿਹਾ ਗੈਰ ਕਾਨੂੰਨੀ ਤਰੀਕੇ ਨਾਲ ਕੀਤਾ ਗਿਆ ਸੀ।