ਅਭਿਨੇਤਰੀ ਸੋਨਲ ਚੌਹਾਨ ਨੇ 2008 ਵਿੱਚ ਫਿਲਮ ‘ਜੰਨਤ’ ਨਾਲ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਅੱਗੋਂ ਉਹ ਵੀ ਵੈਬਸ ਸ਼ੋਅ ਵਿੱਚ ਦਿਖਾਈ ਦੇਵੇਗੀ। ਸੋਨਲ ਕਹਿੰਦੀ ਹੈ, ‘‘ਮੌਜੂਦਾ ਸਮੇਂ ਵਿੱਚ ਵੈਬ ਵਰਲਡ ਤੇ ਫਿਲਮਾਂ ਦੋਵੇਂ ਬਦਲਾਅ ਦੇ ਦੌਰ 'ਚੋਂ ਗੁਜ਼ਰ ਰਹੀਆਂ ਹਨ, ਜੋ ਵਾਕਈ ਚੰਗੀ ਗੱਲ ਹੈ। ਇਸ ਸਮੇਂ ਕਲਾਕਾਰਾਂ ਦੇ ਬਹੁਤ ਸਾਰੇ ਮੌਕੇ ਹਨ, ਕਿਉਂਕਿ ਐਕਟਿੰਗ ਦੇ ਕਈ ਮਾਧਿਅਮ ਸਾਹਮਣੇ ਆ ਰਹੇ ਹਨ। ਇਸ ਲਈ ਜ਼ਰੂਰੀ ਨਹੀਂ ਹੈ ਕਿ ਫਿਲਮਾਂ ਵਿੱਚ ਮੌਕਾ ਨਾ ਮਿਲੇ, ਤਾਂ ਤੁਸੀਂ ਕਿਤੇ ਹੋਰ ਕੁਝ ਨਹੀਂ ਕਰ ਸਕਦੇ।” ‘ਜੰਨਤ’ ਨਾਲ ਬਾਲੀਵੁੱਡ ਡੈਬਿਊ ਕਰਨ ਦੇ ਬਾਦ ਸੋਨਲ ਨੇ ਹਿੰਦੀ ਫਿਲਮਾਂ ਦੇ ਇਲਾਵਾ ਤੇਲਗੂ, ਕੰਨੜ ਅਤੇ ਤਮਿਲ ਫਿਲਮਾਂ ਵਿੱਚ ਵੀ ਕੰਮ ਕੀਤਾ।
ਦੂਸਰੇ ਕਲਾਕਾਰਾਂ ਵਾਂਗ ਸੋਨਲ ਨੇ ਵੀ ਡਿਜੀਟਲ ਵਰਲਡ ਵਿੱਚ ਕਦਮ ਰੱਖਿਆ ਹੈ। ਉਹ ਕਹਿੰਦੀ ਹੈ, ‘‘ਮੈਂ ਇਹ ਨਹੀਂ ਕਹਿੰਦੀ ਕਿ ਵੈਬ ਵਿੱਚ ਕੰਟੈਂਟ ਹਿੰਦੀ ਫਿਲਮਾਂ ਤੋਂ ਜ਼ਿਆਦਾ ਬਿਹਤਰ ਹੈ, ਪ੍ਰੰਤੂ ਕਈ ਸ਼ੋਜ਼ ਬੜੇ ਅਮੇਜਿੰਗ ਬਣ ਰਹੇ ਹਨ। ਫਿਲਮਾਂ ਵਿੱਚ ਵੀ ਅੱਗੋਂ ਕੰਟੈਂਟ 'ਤੇ ਚੋਖਾ ਕੰਮ ਹੋ ਰਿਹਾ ਹੈ। ਕੁਝ ਫਿਲਮਾਂ ਬਹੁਤ ਚੰਗੀਆਂ ਬਣ ਰਹੀਆਂ ਹਨ। ਇਸ ਦਾ ਵੱਡਾ ਕ੍ਰੈਡਿਟ ਦਰਸ਼ਕਾਂ ਨੂੰ ਜਾਂਦਾ ਹੈ, ਕਿਉਂਕ ਦਰਸ਼ਕ ਸਮਝਦਾਰ ਹੋ ਗਏ ਹਨ ਤੇ ਚੰਗੇ ਕੰਟੈਂਟ ਨੂੰ ਸਵੀਕਾਰ ਕਰਦੇ ਹਨ। ਇਹ ਮਹੱਤਵ ਪੂਰਨ ਨਹੀਂ ਰਿਹਾ ਕਿ ਫਿਲਮ ਵਿੱਚ ਵੱਡੇ ਸਟਾਰ ਹੀ ਹੋਣ।” ਡਿਜੀਟਲ ਪ੍ਰੋਜੈਕਟ ‘ਸਕਾਇਫਾਇਰ’ ਦੇ ਬਾਰੇ ਸੋਨਲ ਕਹਿੰਦੀ ਹੈ, ‘‘ਮੈਂ ‘ਸਕਾਇਫਾਇਰ’ ਦਾ ਹਿੱਸਾ ਇਸ ਲਈ ਬਣੀ ਕਿ ਇਸ ਪੂਰੇ ਸ਼ੋਅ ਵਿੱਚ ਪੂਰੀ ਟੀਮ ਨਾਲ ਕੰਮ ਕਰਨ ਵਿੱਚ ਬਹੁਤ ਮਜ਼ਾ ਆ ਰਿਹਾ ਸੀ, ਫਿਲਮ ਵਿੱਚ ਮੇਰਾ ਕਿਰਦਾਰ ਬਹੁਤ ਚੈਲੇਂਜਿੰਗ ਹੈ।”