ਆਮਿਰ ਖਾਨ ਦੀ ਬੇਟੀ ਨੇ ਪਿਛਲੇ ਦਿਨੀਂ ਇੱਕ ਦਿਲਕਸ਼ ਫੋਟੋਸ਼ੂਟ ਨਾਲ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ। ਇਸ ਫੋਟ ਸ਼ੂਟ ਵਿੱਚ ਉਸ ਦੇ ਬੋਲਡ ਅੰਦਾਜ਼ ਦੇਖ ਕੇ ਉਸ ਨੂੰ ਵੀ ਫਿਲਮਾਂ ਵਿੱਚ ਬਤੌਰ ਅਭਿਨੇਤਰੀ ਐਂਟਰੀ ਕਰਨ ਦੀਆਂ ਅਟਕਲਾਂ ਲੱਗਣ ਲੱਗੀਆਂ ਸਨ। 21 ਸਾਲਾ ਇਰਾ ਨੇ ਆਪਣਾ ਕਰੀਅਰ ਬਤੌਰ ਡਾਇਰੈਕਟਰ ਸ਼ੁਰੂ ਕਰਨ ਵੱਲ ਕਦਮ ਵਧਾ ਦਿੱਤੇ ਹਨ। ਉਹ ਇੱਕ ਯੂਨਾਨੀ ਨਾਟਕ ਦੇ ਨਿਰਦੇਸ਼ਨ ਨਾਲ ਇਸ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ। ਜਦੋਂ ਉਸ ਤੋਂ ਪੁੱਛਿਆ ਗਿਆ ਕਿ ਆਖਿਰ ਕਿਸ ਗੱਲ ਨੇ ਉਸ ਨੂੰ ਐਕਟਿੰਗ ਦੀ ਥਾਂ ਡਾਇਰੈਕਸ਼ਨ 'ਚ ਹੱਥ ਅਜ਼ਮਾਉਣ ਲਈ ਪਰੇਰਿਤ ਕੀਤਾ ਤਾਂ ਉਸ ਨੇ ਕਿਹਾ, ‘‘ਮੇਰੇ ਕੋਲ ਡਾਇਰੈਕਸ਼ਨ ਜਾਂ ਐਕਟਿੰਗ 'ਚੋਂ ਚੁਣਨ ਲਈ ਕੁਝ ਨਹੀਂ ਸੀ ਕਿਉਂਕਿ ਹਮੇਸ਼ਾ ਨਾਲ ਮੇਰੀ ਦਿਲਚਸਪੀ ਫਿਲਮ ਵਿੱਚ ਹੋਣ ਦੀ ਬਜਾਏ ਉਸ ਨੂੰ ਬਣਾਉਣ ਵਿੱਚ ਰਹੀ ਹੈ।”
ਆਪਣੇ ਫੋਟੋ ਸੈਸ਼ਨ ਬਾਰੇ ਉਸ ਨੇ ਕਿਹਾ, ‘‘ਜਿੱਥੋਂ ਤੱਕ ਗੱਲ ਮੇਰੇ ਫੋਟੋ ਸੈਸ਼ਨ ਦੀ ਹੈ ਤਾਂ ਉਹ ਮੈਂ ਇੱਕ ਆਰਟ ਪ੍ਰੋਜੈਕਟ ਲਈ ਕਰਾਇਆ ਸੀ। ਇਸ ਨੂੰ ਇੱਕ ਕੰਸੈਪਟ ਲਈ ਕਰਵਾਇਆ ਗਿਆ ਸੀ, ਜਿਸ ਨੂੰ ਮੈਂ ਖੁਦ ਕਰਵਾਇਆ ਸੀ।” ਕੀ ਅੱਗੇ ਚੱਲ ਕੇ ਉਹ ਫਿਲਮਾਂ ਵੀ ਡਾਇਰੈਕਟ ਕਰੇਗੀ, ਪਰ ਉਸ ਨੇ ਕਿਹਾ, ‘‘ਜ਼ਰੂਰ, ਜੀਵਨ 'ਚ ਕਿਸੇ ਮੋੜ 'ਤੇ ਮੈਂ ਫਿਲਮਾਂ ਦਾ ਨਿਰਦੇਸ਼ਨ ਵੀ ਕਰਨਾ ਚਾਹਾਂਗੀ ਕਿਉਂਕਿ ਡਾਇਰੈਕਸ਼ਨ ਹੀ ਮੇਰਾ ਟੀਚਾ ਹੈ।”