ਓਨਟਾਰੀਓ, 2 ਅਕਤੂਬਰ (ਪੋਸਟ ਬਿਊਰੋ) : ਬੀਤੇ ਦਿਨੀਂ ਐਮੇਜ਼ੌਨ ਵੱਲੋਂ ਬੋਲਟਨ, ਓਨਟਾਰੀਓ ਵਿੱਚ ਆਪਣਾ ਨਵਾਂ ਫੁੱਲਫਿੱਲਮੈਂਟ ਸੈਂਟਰ ਖੋਲ੍ਹਿਆ ਗਿਆ। ਇਸ ਮੌਕੇ ਐਮੇਜ਼ੌਨ ਵੱਲੋਂ 800 ਫੁੱਲ ਟਾਈਮ ਸੀਜ਼ਨਲ ਜੌਬਜ਼ ਦਾ ਐਲਾਨ ਵੀ ਕੀਤਾ। ਇਸ ਫੈਸਿਲਿਟੀ ਉੱਤੇ ਕੰਮ ਕਰਨ ਵਾਲੇ ਲੋਕ ਬੁੱਕਜ਼, ਬੱਚਿਆਂ ਲਈ ਖਿਡੌਣੇ ਤੇ ਹੋਰ ਇਲੈਕਟ੍ਰੌਨਿਕਸ ਦਾ ਸਾਮਾਨ ਆਦਿ ਆਪਣੇ ਕਸਟਮਰਜ਼ ਲਈ ਪੈਕ ਕਰਕੇ ਲੋਕਾਂ ਤੱਕ ਪਹੁੰਚਾਉਣ ਦਾ ਕੰਮ ਕਰਨਗੇ।
ਐਮੇਜ਼ੌਨ ਦੇ ਇਸ ਬੋਲਟਨ ਫੁੱਲਫਿੱਲਮੈਂਟ ਸੈਂਟਰ ਦੇ ਜਨਰਲ ਮੈਨੇਜਰ ਅੰਸ਼ੁਮਨ ਕੁਮਾਰ ਨੇ ਆਖਿਆ ਕਿ ਅਸੀਂ ਬੋਲਟਨ ਤੇ ਨਾਲ ਲੱਗਦੀਆਂ ਕਮਿਊਨਿਟੀਜ਼ ਤੋਂ ਹੀ 800 ਨਵੇਂ ਐਸੋਸਿਏਟਜ਼ ਨੂੰ ਆਪਣੇ ਨਾਲ ਜੋੜਨ ਲਈ ਕਾਫੀ ਖੁਸ਼ ਹਾਂ। ਇਸ ਕੰਮ ਲਈ ਹਾਇਰ ਕੀਤੇ ਜਾਣ ਵਾਲੇ ਸਾਰੇ ਨਵੇਂ ਮੁਲਾਜ਼ਮਾਂ ਨੂੰ ਸ਼ੁਰੂਆਤੀ ਭੱਤਾ 15.75 ਡਾਲਰ ਦਿੱਤਾ ਜਾਵੇਗਾ ਤੇ ਇਸ ਦੇ ਨਾਲ ਹੀ 1500 ਡਾਲਰ ਸਾਈਨਿੰਗ ਬੋਨਸ ਵੀ ਦਿੱਤਾ ਜਾਵੇਗਾ। ਜਿਹੜੇ ਮੁਲਾਜ਼ਮ ਘੱਟੋ ਘੱਟ 40 ਘੰਟੇ ਕੰਮ ਕਰਨਗੇ ਉਹ ਓਵਰਟਾਈਮ ਤੇ ਹਾਲੀਡੇਅ ਪੇਅ ਲਈ ਯੋਗ ਹੋਣਗੇ। ਇਸ ਸਬੰਧੀ ਵਧੇਰੇ ਜਾਣਕਾਰੀ ਲਈ ਐਮੇਜ਼ੌਨ ਦੀ ਸਾਈਟ amazon.com/torontojobs ਉੱਤੇ ਜਾਇਆ ਜਾ ਸਕਦਾ ਹੈ।
ਪਹਿਲੇ ਦਿਨ ਆਪਣੇ ਮੁਲਾਜ਼ਮਾਂ ਦੀ ਨੌਕਰੀ ਦੇ ਜਸ਼ਨ ਮਨਾਉਣ ਲਈ ਬੋਲਟਨ ਫੁੱਲਫਿੱਲਮੈਂਟ ਸੈਂਟਰ ਵਿਖੇ ਐਮੇਜ਼ੌਨ ਲੀਡਰਸਿ਼ੱਪ ਟੀਮ ਵੱਲੋਂ 180 ਐਸੋਸਿਏਟਸ ਤੇ ਟੀਮ ਮੈਂਬਰਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਲੀਡਰਸਿੱ਼ਪ ਟੀਮ ਵੱਲੋਂ ਪ੍ਰੈਜ਼ੈਂਟੇਸ਼ਨ ਦਿੱਤੀ ਗਈ ਤੇ ਕੇਕ ਵੀ ਕੱਟਿਆ ਗਿਆ। ਇਸ ਫੈਸਿਲਿਟੀ ਤੋਂ ਪਹਿਲਾਂ ਐਮੇਜ਼ੌਨ ਦੇ ਓਨਟਾਰੀਓ, ਬ੍ਰਿਟਿਸ਼ ਕੋਲੰਬੀਆ ਤੇ ਅਲਬਰਟਾ ਵਿੱਚ ਅਜਿਹੇ ਫੁੱਲਫਿੱਲਮੈਂਟ ਸੈਂਟਰ ਹਨ।