ਕਾਗਜ਼ ਭਰਨ ਦਾ ਮੁੱਕਾ ਪਿਆ ਗੇੜ ਬੇਲੀ,
ਹੁੰਦਾ ਸਪੱਸ਼ਟ ਜਿਹਾ ਦਿੱਸਿਆ ਭੇੜ ਬੇਲੀ।
ਪਹਿਲਾਂ ਗਾਰਡ ਸਨ ਗਿਆਂ ਨੂੰ ਟਾਲ ਦੇਂਦੇ,
ਦਬਕੇ ਮਾਰਦੇ ਰਹੇ ਤੇ ਕਦੀ ਚਪੇੜ ਬੇਲੀ।
ਮਿਲਦੇ ਭਾਲਿਆਂ ਜਿਹੜੇ ਸੀ ਨਹੀਂ ਲੀਡਰ,
ਤੁਰ ਪਏ ਕਰਨ ਆ ਲੋਕਾਂ ਦਾਨੇੜ ਬੇਲੀ।
ਸੁਣਿਆ ਲੋਕੀਂ ਬਣਾਈ ਇਹ ਮੂਡ ਫਿਰਦੇ,
ਲੈਣਾ ਜਿਉਂ ਬਣਦਾ ਹਿਸਾਬ ਨਿਬੇੜ ਬੇਲੀ।
ਮੂਹਰੇ ਲੀਡਰ ਬੇਸ਼ਰਮੀ ਦਾ ਸਿਰਾ ਦਿੱਸਣ,
ਲਹਿੰਦੀ ਇੱਜ਼ਤ ਵੀ ਅਸਰ ਨਾ ਕਰੇ ਬੇਲੀ।
ਕੀਤੀ ਬੇ`ਜ਼ਤੀ ਵਾਹਵਾ ਜਿਸ ਸੱਥ ਅੰਦਰ,
ਉਹਦੇ ਵੀ ਜਾਂਦੇ ਉਹ ਦੌੜ ਕੇ ਘਰੇ ਬੇਲੀ।
-ਤੀਸ ਮਾਰ ਖਾਂ