ਆਪਸ ਵਿੱਚ ਜੇ ਆਗੂ ਹਨ ਦੋਸ਼ ਲਾਉਂਦੇ,
ਵਰਕਰ ਚੁੱਕ ਲੈਂਦੇ ਈ ਆਖੀ ਗੱਲ ਬੇਲੀ।
ਦੂਸਰੀ ਪਾਰਟੀ ਦਾ ਵਰਕਰ ਮਿਲੇ ਕਿਧਰੇ,
ਸਿੱਧੇ ਈ ਭਿੜਨ ਜਾਂਦੇ ਉਹਦੇ ਵੱਲ ਬੇਲੀ।
ਮਸਲਾ ਕੇਂਦਰ ਦੇ ਪੱਧਰ ਦਾ ਹੋਏ ਬੇਸ਼ੱਕ,
ਕਰਨ ਲੱਗਣ ਇਉਂ ਖੜੇ ਪੈਰ ਹੱਲ ਬੇਲੀ।
ਘਰ ਦਾ ਚੇਤੇ ਨਹੀਂ ਆਪਣਾ ਕੰਮ ਰਹਿੰਦਾ,
ਲੱਗਦੇ ਲਾਹੁਣ ਫਿਰ ਵਾਲ਼ ਦੀ ਖੱਲ ਬੇਲੀ।
ਏਦਾਂ ਦੇ ਮੂਰਖ ਨੇ ਜਿਸ ਵੀ ਪਾਰਟੀ ਵਿੱਚ,
ਉਹਦੇ ਲੀਡਰ ਨੂੰ ਬਾਹਲੀ ਆ ਮੌਜ ਬੇਲੀ।
ਲੱਗਦੇ ਛੱਤੀ ਸੌ ਦੂਸ਼ਣ, ਪਏ ਹੋਣ ਲੱਗਦੇ,
ਘਟਦੀ ਮੂਰਖਾਂ ਦੀ ਫਿਰ ਨਹੀਂ ਫੌਜ ਬੇਲੀ।
-ਤੀਸ ਮਾਰ ਖਾਂ