ਫੈਕਟਰੀ ਹੋਰ ਹਿਮਾਚਲ ਵਿੱਚ ਇੱਕ ਲੱਭੀ,
ਨਸ਼ੀਲਾ ਕਰਦੀ ਤਿਆਰ ਪਈ ਮਾਲ ਬੇਲੀ।
ਬਣਾ ਕੇ ਏਥੇਫਿਰ ਅੱਗੇ ਸਪਲਾਈ ਹੁੰਦੀ,
ਰਾਜਾਂ ਪੰਜਾਂ ਤੱਕ ਗਿਆ ਇਹ ਜਾਲ ਬੇਲੀ।
ਲੱਭ ਲਿਆ ਪੁਲਸ ਪੰਜਾਬ ਨੇ ਜਾ ਜਿਹੜਾ,
ਹਿਮਾਚਲ ਪੁਲਸ ਨਾ ਸਕੀ ਹੈ ਭਾਲ ਬੇਲੀ।
ਜਾਂ ਕੋਈ ਦਾਲ ਵਿੱਚ ਕੋਕੜੂ ਹੋਊ ਰਲਿਆ,
ਜਾਂ ਫਿਰ ਕਾਲੀ ਸਭ ਹੋਈ ਆ ਦਾਲ ਬੇਲੀ।
ਅਪਰਾਧੀ ਏਦਾਂ ਨਿਧੜਕ ਆ ਕੰਮ ਕਰਦੇ,
ਸਿਰਾਂ`ਤੇ ਆਗੂ ਕੋਈ ਰਾਜਸੀ ਹੋਏ ਬੇਲੀ।
ਨੋਟ ਕਮਾਉਣ ਬੇਸ਼ਰਮ ਜਿਹੇ ਕਈ ਲੱਗੇ,
ਪੁੱਟਦੇ ਮੁਲਕ ਦੇ ਮੂਹਰੇ ਹਨ ਟੋਏ ਬੇਲੀ।
-ਤੀਸ ਮਾਰ ਖਾਂ