ਲੱਗ ਰਹੇ ਦੋਸ਼ ਤਾਂ ਲੱਗੀ ਹਨ ਇੰਜ ਜਾਣੇ,
ਜਦੋਂ ਤੱਕ ਚੋਣ ਮੁਕੰਮਲ ਨਾ ਹੋਈ ਮੀਆਂ।
ਕੰਪੀਟੀਸ਼ਨ ਜਿਹਾ ਚੱਲ ਰਿਹਾ ਦੂਸ਼ਣਾਂ ਦਾ,
ਚਾਹਵੇ ਪਛੜਨਾ ਕਿਤੇ ਨਹੀਂ ਕੋਈ ਮੀਆਂ।
ਜਿਹੜੀ ਹੋਈ-ਅਣਹੋਈ ਕੋਈ ਸੁੱਝ ਜਾਂਦੀ,
ਮਸਲਾ ਬਣਦੀ ਹੈ ਬਹਿਸ ਦਾ ਸੋਈ ਮੀਆਂ।
ਸਮਾਜਕ ਸਾਂਝ ਦੀ ਗੱਲ ਕੁਝ ਘੱਟ ਸੁਣਦੀ,
ਹਰ ਕੋਈ ਜ਼ਹਿਰ ਹੈ ਜਾਂਵਦਾ ਚੋਈ ਮੀਆਂ।
ਜਦ ਤੱਕ ਸਿਰੇ ਚੜ੍ਹਨਾ ਈ ਕੰਮ ਚੋਣ ਵਾਲਾ,
ਚੱਲਦਾ ਰਹਿਣਾ ਬੱਸ ਇਹੋ ਘਮਸਾਨ ਮੀਆਂ।
ਕੋਈ ਨਹੀਂ ਸੋਚਦਾ ਚਾਰ-ਛੇ ਹਫਤਿਆਂ `ਚ,
ਹੋ ਜਾਊ ਸਮਾਜ ਦਾ ਕਿੰਨਾ ਨੁਕਸਾਨ ਮੀਆਂ।
-ਤੀਸ ਮਾਰ ਖਾਂ